UA-44988812-1

My favorite post ~ 親子郊遊樂 ... 點滴揹水行2012 @山頂

2008年6月19日 星期四

Day 3 AM ~ 白濱温泉、Toretore 海鮮市場 (31 Oct 05 Mon)

一大早起身就立齊浴巾去浸呢個正宗的露天温泉 "崎之湯" 300 yen 入浴費 
海灘上也有不錯的溫泉,例如已有六十年歷史的白良湯,屬舊式「錢湯」(即公眾浴場),以木材造成的兩層樓建築,充滿老式溫泉風韻。
去和歌山一定要試呢個露天温泉, 望住成個太平洋, 吹住海風浸温泉, 真係好有 feel
(不過就好 open, 在出面個 counter 比完 $$, 就入嚟浸 la, 一眼望哂成個女子温泉, 塊木板隔離就係男子温泉)



大家請注意: 爸爸後面就係媽媽啱啱浸完的女湯, 只係一塊石壁之隔

浸完温泉就返去食早餐
早餐: @湯崎館

高 50~60米南北延綿約 2 公里如同屏風的斷崖 ~~三段壁


柔軟的砂岩被狂浪侵蝕形成好多呈臺階狀的大岩席 ~~千席敷

午餐 : 海胆飯, 三文魚及Toro壽司 @Toretore 海鮮市場
和歌山有幾個著名的魚市場,和歌山市有黑潮市場、勝浦有吞拿魚市場,白濱則有魚獲市場(Toretore)。由當地漁業協會經營的魚獲市場,承接了 太平洋豐富的魚獲,而且在市場吃海鮮比其他食肆便宜是鐵理,身在紀伊半島,當然要吃伊勢海老(龍蝦),和歌山的土產吞拿魚亦肥美夾抵食,尚有日本各地海 鮮,都可在市場即揀即、即買即食。魚市場附有食堂,供應各式魚生飯、烏冬及蕎麥,在檔口旁邊站吃感到異相,便移步到食堂開飯吧。
前往方法: 在JR白濱站乘搭前往三段壁或新湯崎之明光巴士,於魚獲市場下車,車程約五分鐘。
呢度除了有新鮮魚生, 仲有紀洲名產~~ 水果及漬物賣.  歡迎試食, 任試唔嬲, 絶對唔會黑面.
我地呢 D 慳檢自由行, 睇個樣都知齋行試食冇幫襯.  我地行過賣漬物的舖頭想試食又唔好意思開口之際, 佢地好熱情咁叫我地攤開隻手, 然後夾左一大堆漬物比我地試 ...... 嘩, 好好味, 原來係帶子嚟 ...... 佢地見到我地個為食樣, 又好醒目咁夾多一大堆比我地 ..... 呢 D 咪叫好客囉, 如果換轉係香港, 實比人 XYZ .....
食完飯仲有免費飯後果.  而家係和歌山盛產柑子季節, 好多舖頭及超級市場都會成箱柑放係度比你試食, 唔係試食一片咁少, 而係成個咁自己撕開柑皮成個試食嗰種, 最初我地都唔敢食, 見到本地人個個都係咁攞係食, 我地咪攞埋一份囉
成個旅程唔洗 $$, 就食到好多好多好香甜的和歌山甜柑.

沒有留言 :

張貼留言

Related Posts Plugin for WordPress, Blogger...

我的大魔怪‧小公主

我的小魔怪‧小王子