UA-44988812-1

My favorite post ~ 親子郊遊樂 ... 點滴揹水行2012 @山頂

2010年4月30日 星期五

送 ~~ 特別版 Levi's iPhone Case

今早有 sis 報料 "新 Monday" 雜誌送 特別版 Levi's iPhone Case

$20 本雜誌咋 ... 買個 iPhone Case 都唔得喇

仲有黑或白色比你揀 ... 食晏即刻掃了本

本來揀了白色 ... 諗住淺色襯番我個白色 iPhone

但同事們一致都話黑色靚 D

食完晏就去 7 仔換番個黑殼 ... 好彩 7 仔個店員好人啫

其實我都鍾意個白色殼,但冇理由買兩本一樣的雜誌????

... 有冇人有白色殼用唔著呢???



皮膚都要換季的 … Skin Peptoxyl 幫你的肌膚回復通透明亮

女士們忙於為衣櫃添置夏季衣物的同時,有否諗過肌膚都要換季呢
肌膚長期處於外露狀態,風吹經歷風吹和日曬,肌膚變得粗糙及暗啞
..... 是時候「煥膚」了
不要以為現在的天氣時而潮濕、時而放晴,很不穏定,唔適合呢
但其實在盛夏來臨之前,亦即四五月天就是「去角質」及「居家煥膚」的最好時機

想去除老化角質、改善毛孔堵塞、幫助肌膚回復天然光澤,
就要於每年轉季時 (春季及秋季)
進行一個為期 6-8 星期的煥膚療程 .... Skin Peptoxyl 極緻無瑕 3 Plus+ 煥膚程序


品牌介紹 Skin Peptoxyl  
來自美國的 Skin Peptoxyl 「肌肽秀」,擁有超過30年研製高效醫學美容品的經驗,產品均以「針對問題,重點解決」為理念,為講求品質人士提供一系列醫學護膚品。其皇牌產品 - 全能擊退黑眼圏精華 - 甫推出即成為美容界一玫推薦眼部修護產品,奠定品牌在美容介的地位。

瞬間亮肌「極緻無瑕 3 Plus+ 煥膚程序」
Dr. Becker 是 American Board of Plastic Surgery 認可整容外科醫生,自1981年開始已鑽研整容技術,在業界譽負盛名,獲奬無數,其文章並刊載於不同的醫學期刊,同時於多次整容外科論壇任指導醫生。
Dr Becker 的信念是提供高過接受治療者的期望,為他們提供高質素的護理,而 Skin Peptoxl 3 Plus+ 煥程序正好是其精心研究的成果。






亮肌煥膚潔面啫喱 180ml / HK$$199
蘊含天然果酸,性質溫和,能輕柔去除皮膚表面的老化角質層;
配以橄欖、玫瑰籽油及海藻萃取物等天然草本精華,能即時舒緩及修補肌膚。
 


淺藍色啫喱狀、冇香味
 


每日早晚使用
以溫水沾濕臉部肌膚,將適量潔面啫喱置於掌心,輕輕於臉上打圈按摩至起泡,再以溫水洗淨。
潔面後,臉部感覺清新乾淨,好似所有污垢及油脂隨潔面泡泡沖走了一樣。


 



  3分鐘亮肌煥膚去角質護理120ml / HK$399
特別針對肌膚更新及去除老化角質而設,只需簡單一個驟,即可高效而安全地讓肌膚回復柔嫩光澤。
即時收細毛孔,改善幼紋及撫平皺紋,讓肌膚質素得到明顯改善,有助吸收隨後的潤膚霜,令功效提升
 


好稀的透明啫喱狀,冇香味


每星期使用 1-3 次 (晚上潔臉後使用)
塗抺在臉及頸上,讓去角質護理在皮膚上停留約1-3分鐘,然後以清水洗淨

最初以為會好似其他品牌的去角質護理咁,捽走老化的死皮,又唔係喎
透明的角質護理塗上面後,有少少刺刺的感覺 (好輕微的),但應該是酸類成份在發揮作用的關係
說明書也講這是正常的反應。

敷完之後臉變得乾淨、細緻,毛孔好像細了耶





亮肌煥膚海藻精華柔膚水
180ml / HK$199


特別為中和檸檬酸而調配,滋潤肌膚並讓肌回復健康的酸鹼度
含有自然界中蘊含最多營養成份的天然海藻萃取物,有效保濕及舒肌膚,讓肌膚回復平衡狀態,減低敏感機會,提升肌膚自我修復機能


透明水狀,冇香味
潔臉後,用化妝棉沾滿柔膚水,以打圈方式塗抺於肌膚,避開眼部位置





100% 透明質酸深層保濕精華15mL / HK$250 (左)
100% 天然角鯊烯深層滋潤精華 15mL / HK$250 (右)


100% 透明質酸深層保濕精華 ~ 肌膚修及滋養
含豐富維他命B5,有助修復及滋養受損肌膚,讓肌膚回復年輕柔滑
含大量肌膚天然保濕因子透明質酸,能鎖住1,000倍水份,高度保濕肌膚
不含油份,令肌膚瞬間如絲柔滑,令妝容更加貼服,肌膚煥發動人神采


100% 天然角鯊烯深層滋潤精華 ~ 肌膚防禦及重生
提取自天然植物成份,角鯊烯份子十份微細,能輕易皮膚吸收及保濕肌膚
經過精細提煉,能有效提升肌膚防禦及重生機能,免受環境侵害
能有效軟化及安撫脆弱肌膚,保濕同時撫平細紋





早晚使用〈使用面霜前〉
將數滴100%天然角鯊烯深層滋潤精華 + 數滴100%透明質酸深層保濕精華混和,塗於臉上

兩款精華都是透明,冇香味
保濕精華保充水份,而滋潤精華為肌膚帶來滋潤 ... 互補不足
有水份又有油份,但塗上臉絶不油笠,易推開,又很快吸收進肌膚,感覺滋潤





總括來說,很滿意它的煥膚效果
以前,總覺得果酸煥膚需要受很強烈的疼痛,及之後需要長時間的恢復期
在這三星期的煥膚的過程中,我的皮膚冇出現過甩皮、過感或紅腫情況,我想因為 Skin Peptoxyl 的果酸性質溫和有關。
用法非常簡單,每日只需幾個步驟,只需幾分鐘,在家也可以自己做煥膚。

經過三星期的煥膚療程後,最顯著的差異就是臉上的毛孔
原來粗大的毛孔,明顯變得乾淨、細緻,這些凹凹洞看上去真的冇咁明顯耶
膚色均勻了,摸上去也滑滑的,更有光澤 ... 真係好似『換』了新的肌『膚』咁 
超驚訝的 ... 我以為要上診所才會有的效果,在家都可以做到 ... 超開心呀

溫馨提示:
療程期間記住塗上防曬產品以保護肌膚

2010年4月28日 星期三

Pampers 都有出洗頭水???

很多人都知 Pampers 有紙尿片及濕紙巾產品
原來 Pamper 都有出洗頭水的
當然唔係比大人用的
而是兒童專用的洗頭水
我呢個有兩個小朋友的媽咪都係最近至知

紫色的包裝 ... my favour colour
什果香味 ... 咁香
加埋隻勁 cute 的青蛙,又怎可以唔敗呢

 


樽身仲有果隻 cutie 青蛙教你洗頭的圖示





淺紫色的泡沬狀,一唧出嚟已經好多泡泡
至於香味呢 ... 真係好什果味
聞到提子味 + 士多啤梨味 ... 好香甜




先用水弄濕頭髮,再加洗頭泡沬
一泵已經夠用了,仲有好多泡泡 tim

 


有了呢支香甜的什果味洗頭泡沬
小朋友一定唔會怕洗頭喇

2010年4月27日 星期二

試用預告 ~ Eldoquin Forte 4% 美白去斑乳霜

最近與美白去斑去印產品好有緣耶

今次試用預告的產品又是幫我擊走黑色素的美白去斑乳霜 ...

EldoquinForte® 4%
美白去斑乳霜‧醫學美白之選

由美國生產及進口,蘊含醫學界公認最有效、在美國被廣泛使用超過 30 年的Hydroquinone強效美白淡斑成分,具醫學實證:

  • 有效抑制造成黑色素產生的酪胺酸酵素的活性,阻斷黑色素形成


  • 對不同種類的色斑,如黃褐斑、黑斑、雀斑及妊娠斑、年齡斑或膚色不均等有顯著功效,亦適合想及早預防黑色素過度增生而出現色斑的人士使用


  • 接受激光治療前後使用,可減低色斑重現的機會




大家要等我的試用報告喔

~~ 待續

2010年4月26日 星期一

送給飢餓孩子的禮物 ~~

星期日通常都是 sleeping day
但今日冇得瞓 ... 要陪大小姐去參加繪畫比賽


第三十一屆國際兒童繪畫比賽暨公開攝影比賽 - 送給飢餓孩子的禮物
踏入三十一周年, 本屆國際兒童繪畫比賽響應聯合國千年發展目標 一「消滅極端貧窮與飢餓」,希望藉著兒繪多項活動,推廣此信息給香港及世界未來社會的棟樑
 

本屆的畫題 「送給飢餓孩子的禮物」,鼓勵在幸福富充生活的小朋友認識世界的飢荒問題,對世界性的危機,盡早認知及作出貢獻

日期 : 2010 年4月25日
時間 : 上午 9:30 - 下午 1:00
地點 : 尖沙咀九龍公園露天廣場
主題 : 送給飢餓孩子的禮物



今次是畫室以團體名義報名,畫室老師一早已經霸定位 ... 仲有長椅




大小姐唔鍾意坐長椅,要坐草地畫畫
好彩我有上次在維園草地的繪畫比賽經驗,帶了張地墊啫

==================================================
有興趣可以睇埋 2009年在維園草地的繪畫比賽
Unicef "小畫家大夢想" 繪畫比賽@維園
http://hk.myblog.yahoo.com/estertingho/article?new=1&mid=2290
==================================================

嘆番個靚早餐先 ... 唔知以為我地嚟野餐




家姐好心急畫畫,食兩啖就開始畫畫
為食細佬梗係食野緊要 D




最初有少少埋怨畫室搵個遠離主辨單位及禮堂的地方
後來至覺得呢度好正
如果揀禮堂前面的露天廣場,人多又嘈,迫到呢 ... 又唔係草地,冇咩 feel
都係呢度舒服,可以在草地畫畫,地方寬落,又靚 ... 好寫意




冇耐性的細佬,畫了一陣就掛住玩
費時佢攪住家姐畫畫
同佢玩下自拍、食水果及零食消磨時間




成張畫都係家姐畫的 ... 我地冇幫手的

 
 


她的完成品
她話 : 畫中的蝴蝶及蜜蜂送蜜蜂、愛心及食物比肌餓的小朋友

2010年4月25日 星期日

懷舊熱狗 + 炸鷄肶 @銅鑼灣丹麥餅店

學生時代,間中都會嚟幫襯
但而家少嚟喇
店舖的裝潢係舊
咁多年冇改過裝修 ... 加少少懷舊分比你先
 



開放式廚房 .. 炸雞肶、碌香腸及焗麵包的過程,睇得清清楚楚

 
 



包皮烘到脆脆的熱騰騰的、細細隻幾啖食哂的熱狗包
shopping 行到肚餓,食番個 ... 正




原隻炸雞肶 ... 楂住成隻咬勁豪 ... 但冇哂儀態 tim

2010年4月24日 星期六

京川菜 @鹿鳴春

上一次去鹿鳴春已經年多前了
成日都想再去,但實在太麻煩了
一星期前訂位都唔得 ... 起碼要 10 日前至訂到的
要不是友人不怕煩,昨夜都食唔到呢

雖然訂了位,去到仍要等約 20 分鐘至有位

 


頭盤 : 雞絲粉皮、海蜇、燻魚 ... 仍然咁好食,水準 keep 得住

蝦仁窩巴 ... 個汁紅卜卜,以為好酸,又唔係喎,配埋脆卜卜的窩巴 ... 好好味




但到碟必食的片皮鴨,就有少少失望
唔知係咪期望太高 ...
冇以前咁好食囉 ... 皮唔夠脆、唔夠香




仲有少左咩呢 ?? ... 咪少了些紅棘椒囉 ... 失敗




其他小菜冇影相 lu

- 腿茸津白 ... 好香雲腿味、夠哂入味、津白吸收哂金華火腿茸的精華 ... 正

- 义子燒餅 ... 好多芝麻,冶味香口 ... 正

- 糟溜魚片 ... 是成晚最驚喜的菜式。平時食京菜都 order 酸酸甜甜的糖醋魚,一定好食冇失手。但今日呢碟糟溜魚片調味得宜、魚片滑而不腥、糟汁不會太甜,又有酒香 ... 推介菜式

甜品 ... 高力豆沙
賣相好靚,好香蛋味又軟身,又唔會好甜........正

2010年4月23日 星期五

2010年4月22日 星期四

Ascent 個性香氛大測試 ~ 助你找尋你的香氛個性

最近迷上了 iPhone ... 上網、玩遊戲
原來 iPhone apps. 都可以幫你搵出你的香氛個性
你的香氛個性是休閒型、別具個性還是性感???

ASCENT 個性香氛大測試是Estee Lauder 旗下 Aramis and Designer Fragrances 香氛部的香氛大使讓你透過獨有 iPod Touch 專利程式及一系列具互動性問題,從多感官體驗,揭示您的個性,尋找適合您的香氛。



不過,呢個 Ascent 個性香氛大測試的 apps 仲未有得 download 的
如果你都有興趣搵出你的香氛個性,可以去推廣會場玩下

日期 : 4月22日至 26 日
時間 : 上午 11 時至晚上 9 時

地點 : 時代廣場地庫一樓 (citysuper 旁)

會場有很多香水 ... 有 DKNY、Tommy Hifiger 及 aramis




當中最吸引我的梗係七彩繽紛的 DKNY cadies apples 系列

very delicious ... 好想咬一口




迷你版香水 ... soooooooo cute




會場播緊 DKNY candies apples 香氛的廣告 ... 勁搞笑的 ...記住睇埋至走呀


 

講了咁耐,輪到我的香氛測試了
坐在好舒服的白色 sofa 慢慢做呢個香氛測試

嘩 .... 好多香水在我的面前
真係好難揀呀 .... 好彩有 BA 小姐 +  ASCENT 個性香氛大測試 的幫忙



冇 iPhone 或者 iPod Touch 的 sis 唔洗担心 ... 你地都可以去做測試的
BA 小姐會用佢地的 iPhone 幫你測試的

個測試好簡單的
從一些圖像、聲音及氣味中解讀出 .....




我的香水個性是 Casual 休閒型 ... 真的好準耶

真的是平日愛著 T-shirt、牛仔褲及波鞋的我

 


而我的香氛絶配當然是 Casual 休閒型
有 3 款香氛都啱我
我的選擇困難症又發作了 ... 揀邊支好呢 ... 全部要哂得得呀 




最後,揀了呢支好 fancy 好春天
粉紅色的限量版 DKNY Be Delicious「Wild Cherry Tree 野櫻香氛」

Wild Cherry Tree 野櫻香氛
盛開的野櫻,預告著普羅旺斯春天的到來,野櫻是珍貴且古老的櫻花樹種,棕色枝頭上綴著高雅細緻的白色花朵,帶有苦味的果實吸引鳥兒駐足,是普羅旺斯的原野美景。
將細緻的野櫻花香結合清甜梅果和輕柔木質調,讓情人們在春意綻放的氣息中,歡慶節日。DKNY 創辦人Olivier Baussan 特地為這款香氛設計瓶身,以19世紀法國手工香水罐為靈感,透明的香水瓶身上,有著精緻的花鳥刻印,襯著瓶內的粉橘香水,鳥語花香捎來濃濃 的春天氣息。


 


我已經搵到我的香氛個性
你地都快 D 去個 Ascent 個性香氛大測試
搵出你的香氛個性
Related Posts Plugin for WordPress, Blogger...

我的大魔怪‧小公主

我的小魔怪‧小王子