UA-44988812-1

My favorite post ~ 親子郊遊樂 ... 點滴揹水行2012 @山頂

2021年11月28日 星期日

【油麻地 食記】隱藏在書店中的 Cafe ♥ 嘆個 Saturday Brunch ♥ Cafe Kubrick


週末無無聊聊與儍爸逛逛油麻地
首先去 bookmark 好耐的『書店 cafe』嘆個 brunch
之後去『廚房用品街』的新填地街和上海街睇吓廚房用品
再參觀已有百年歷史的一級歷史建築物『窩打老道8號紅磚屋』
最後到油麻地果欄買啲靚水果返屋企與兩隻魔怪一起分享

2021年11月26日 星期五

【我的廚房好幫手】美觀實用 ♥ 入得廚房。出得廳堂 ♥ Modori 玄黑平底鍋組


身為一家之『煮』
一日要煮幾餐 ... 雖然好多時候都是煮一餐 ~~
有套稱心好用的鍋具,儍媽煮得開心,三隻魔怪才會食得開心 ~~

這套咁 cool 的『Modori 玄黑平底鍋組』最近很得儍媽的歡心 ~~
同時融合了不沾鍋、不銹鋼鍋和鑄鐵鍋的優點
比一般更多厚 7 倍,而且通過了專業測試,冇有害物質,用得特別安心
鍋具收納方便、唔重手、唔沾鍋、又易清洗
外形美觀,煮完可以直接上枱,既保持食物溫度也可以洗少幾隻碟
真是入得廚房,出得廳堂㗎 ~~

2021年11月21日 星期日

【將軍澳 食記】日出康城商場。好啱我口味的泰國菜 ♥ 亞泰


約了妹子去將軍澳日出康城食個飯逛吓商場
佢話好耐冇食泰菜,姐姐我當然哂佢啦 !

佢一坐低就點了客好想食的 ... 

炭燒泰式串燒〈HK$62〉
一客有 4 串,可自由選擇豬肉或雞肉
我們揀了兩串豬肉和兩串雞肉,配上惹味沙嗲醬,好開胃 !

泰式拼盤〈HK$78〉
拼盤裡面有泰式春卷、蝦餅和鳳凰丸
儍媽最鍾意泰式蝦餅外面炸得香脆、蝦肉爽彈
鳳凰丸即是泰式雞肉丸,都好好食呀 !

2021年11月9日 星期二

2021年11月7日 星期日

【馬鞍山 食記】抵食下午茶。自家製蛋糕 + 咖啡 ♥ Italian Tomato Cafe


週末我們兩老去了馬鞍山逛逛 ...
逛了陣,儍爸話想食士多啤梨蛋糕 ...
咁啱又見到間 Italian Tomato ...
咁就入去食件 cake 嘆杯咖啡 ...

週末都有下午茶餐提供,又幾好喎 ...
我們點了兩份蛋糕餐 ... 
可以在蛋糕櫃揀一款蛋糕 + 咖啡 / 茶 ... @HK$58 都幾抵食

儍爸 ... 士多啤梨蛋糕 + 凍咖啡
儍媽 ... 特濃朱古力芝士撻 + 熱咖啡

2021年11月6日 星期六

【旺角 食記】新派南越 Fusion 菜 ♥ 好特別的越式蛋咖啡 ♥ Nam Viet Nam Cafe


放假又與儍爸去搵好吃的 ...
今日去了旺角食新派南越 fusion 菜 

先講講這杯好特別的 ... 越式蛋咖啡 HK$35
咖啡上面有一層焦糖蛋醬,面層用火槍輕烤至焦香,入口有點似焦糖布丁
味道無想像中的蛋腥味,蛋醬與微甘苦的咖啡好夾,醇滑香甜 ~~

2021年11月4日 星期四

【土瓜灣 食記】香脆爆汁生煎包 ♥ 堅信號上海生煎包皇


路過見到有想食的生煎包就入去食個下午茶先 ...

點了客四川擔擔麵下午茶 (HK$36)
轉凍豆漿 +HK$2 再追加多多 2 隻生煎包 +HK$12

擔擔麵上面有很多豬肉碎
醬汁帶點甜和少少辣,還有點花生粒,很惹味

2021年11月2日 星期二

【護膚】秋冬美白好幫手 ♥ Korres 野玫瑰 15% 維他命 C 美白袪斑精華 + 24 小時保濕面霜


很多都以為夏天是美白的季節
其實秋冬季才是美白的最佳時機
因為紫外線較低,這個時候使用合適的美白產品
就可以一整年都保持粉嫩透白 ~~

Korres 野玫瑰 15% 維他命 C 美白袪斑精華及 24 小時保濕面霜  
蘊含高穩定維他命 C (Super C) 及地中海野玫瑰油
有效調節黑色素合成、預防色斑、暗瘡印及色素沉澱
採用低敏性配方,強效但不刺激,美白同時保濕,好適合現在轉季天氣使用

2021年10月22日 星期五

【好物推介】家中常備。用途多多 ♥ 日本鰹魚湯包


平時一個人的午餐不想整咁多野 ...
通常都是煮個麵或者烏冬就一餐,簡單快捷又好食

湯麵最緊要就是個湯底 ...
儍媽鍾意用日本鰹魚湯包做湯底,方便易整又好味
採用上等鰹魚、昆布、香菇精製而成,味道鮮甜
用一包鰹魚湯包加點熱水就做好個鰹魚湯底
用幾分鐘煮個麵再加喜歡的配料就食得喇 !!!

還可以用來整茶碗蒸、煮菜、做烏冬/麵湯底 ...
是儍媽家裡常備的食材 ~~

2021年10月16日 星期六

【美妝】輕鬆打造絲絨啞霧 / 明亮柔潤兩種唇妝 ♥ Lancome 全新 L'Absolu Rouge『小蠻腰』瑰麗系列唇膏


唇膏是每個女士包包裡不可或缺的彩妝品 ...
這款外形咁靚的 Lancome 全新小蠻腰唇膏就成為儍媽的新寵 !!!

法國製造的高級訂製唇膏包裝 ...
黑色磨砂唇膏外殼走中間縮窄的『小蠻腰』設計
配上型格時尚的亮金圈環的唇膏管,精緻優雅 !!!

Lancome 全新 L'Absolu Rouge 瑰麗系列唇膏
有『豐盈絲滑』和『絶色啞緻』兩款質感,輕鬆打造不同的妝效 ~~

2021年10月15日 星期五

【九龍灣 食記】上海姥姥。下午茶 ♥ 蔥油拌麵 + 菜肉雲吞湯 + 豆漿



我呢隻蝸牛又積了很多食記未與大家分享 ...
這頓上海姥姥的下午茶是六月底的 ...

下午茶餐價錢由 HK$32 + HK$46
有四川擔擔麵、炒飯、粗炒、嫩雞煨麵、牛肉拉麵等
餐飲可以擇冷熱豆漿或凍酸梅湯,轉配其它飲品就要加錢

2021年10月10日 星期日

【香港好去處】逛逛活化後的紡織廠房。認識香港紡織業的歷史 ♥ 荃灣南豐紗廠


上星期日與儍爸去了荃灣南豐紡廠逛逛 ...

在香港紡織業興盛的 60 年代
香港南豐紗廠曾經是香港產量最高的紗廠之一
紗廠停止營運後,四廠、五廠和六廠經修復活化後
改造成為集創新、文化和學習體驗於一身的地標

由白田壩里入口
就看到紗廠外牆原位保留著復修後的紅字招牌『南豐紡織有限公司』和
葡萄牙藝術家在香港的首項大型室外創作『無名英雄』向昔日的紡織業工致敬

2021年10月7日 星期四

【好物推介】療癒花香 ♥ 四層加厚 柔靭兼備 ♥ Tempo 藍風鈴袋裝面紙


屋企一直都用 Tempo 面紙 ~~
但最近藍風鈴袋裝面紙就成為了我哋的新竉 ~~

Tempo 藍風鈴袋裝面紙包裝輕巧,放在餐枱、床頭、工作枱又唔佔位
袋埋出街、BBQ、野餐都咁方便
散發著淡雅療癒的藍風鈴花香,聞起來好舒服,心情也自然好啲 ~~

2021年10月3日 星期日

【屯門 食記】隱啡 ♥ 紅絲絨牛奶咖啡 ♥ 蜜桃冰搖咖啡


屯馬開通真的很高興 ...
6 月尾屯馬線剛開通,儍媽和儍爸又湊熱鬧坐了轉
從九龍城『宋皇台站』上車到屯馬線的終站『屯門』只是 45 分鐘
無需轉線,一車直達,真是好方便

2021年9月28日 星期二

【自家煮】簡單易做。開胃涼拌菜 ♥ 蒜泥白肉《附食譜》



天氣悶熱,冇咩胃口 ...
最好就是食點清爽開胃的涼拌菜
『蒜泥白肉』食材簡單、易做又好食
只要買件豬腩肉和青瓜就做到一大碟喇 !!!

儍媽就是買多了 ...
買了兩件豬腩肉煮了兩大碟 ...
最後剩了一碟就放入雪櫃留了隔日食 ...

如果用火煱的豬腩薄片也可以
做法更加簡單快捷,只要灼熟豬腩片放涼,再拌勻醬汁就食得 !!!

2021年9月25日 星期六

【觀塘 食記】份量十足嘅迷你炸雞薯條 ♥ 下午茶餐 ♥ 高興 Happinesssss Cafe


放假約了閨蜜來個小約會 ...
食完晏三個女人傾到人地午休,熄燈趕客 ...
唯有轉場再傾過 ...

儍媽就諗起附近的 Happinesssss Cafe
星期六下午茶時間食客不多,不需等位,可以直接入坐 ...

2021年9月23日 星期四

【中秋節。吃月餅】全家都愛吃的 ♥ 雪糕月餅


月餅節當然少不了我哋最愛的雪糕月餅 ~~

但呢盒姜濤特別版雪糕月餅唔係我架 ...

只係拎雪糕月餅的時候
見到排我前面的靚女一個人去拎幾盒姜濤特別版雪糕月餅 ...
唔係姜糖的我見到印上姜濤不同表情的月禮盒 ...
都忍不住厚著面皮上前問人借嚟影張靚相 ~~

2021年9月20日 星期一

【銅鑼灣 食記】靚到唔捨得飲 ! 又萌又可愛 ♥ 3D 卡通拉花咖啡 ♥ Sleepless


銅鑼灣希雲街有很多美食 ...
位於其中的 Sleepless 是一間主打咖啡拉花創作的咖啡店
很多人都是沖著美美的咖啡拉花而來的
儍媽也是為了這杯咁可愛的 3D 卡通拉花咖啡而來 ~~

好可愛的立體卡通拉花,靚到唔捨不得飲呀 !!!
除了杯靚靚拉花咖啡,食物和環境都不錯,儍媽一定會再回訪 ~~

2021年9月17日 星期五

【香港好去處】閒遊大澳 ♥ 棚屋 CAFE。壁畫打卡牆。藍色大涌橋


好耐冇去大澳 ...
上星期一與朋友入去逛了半日
平日的大澳遊人不多,穿梭大澳棚屋和區內大街小巷
體受大澳獨有的水鄉風情,感覺悠閒舒適,蠻好逛的 ~~
食野和拍照都唔洗等 ~~

但是好多店舖都無開 ...
可能應付完週末的遊客潮,星期一要休息一下 ...

2021年9月6日 星期一

【九龍城 食記】悠閒 cafe ♥ 慵懶生物 ♥ Eat。Drink。Do Nothing


九龍城除了泰菜,仲有不少 cafe
就與大家講吓儍媽 6 月尾到過的悠閒 cafe… Lazy Creatures 慵懶生物

我們來的時候屯馬線仍未開通 ...
現在屯馬線開通了來這兒就方便好多
因為佢距離「宋皇台站 」B1 出口只是 2 分鐘路程

2021年9月2日 星期四

2021年8月31日 星期二

Related Posts Plugin for WordPress, Blogger...

我的大魔怪‧小公主

我的小魔怪‧小王子