駕車往石和溫泉途中, 見有間 ABC Mart 即刻泊車入去 shopping
但冇平野執 ... 分分鐘鐘香港買仲平 ... 即閃
見對面間舖很多人排隊, 唔執輸去八吓
原來, 食讚岐烏冬的 丸亀製麵所 石和店...
吓, 又食
... 食完士多啤梨放題只係30分鐘咋, 仲飽飽喎
... 食完士多啤梨放題只係30分鐘咋, 仲飽飽喎
入到店內, 見到所售的烏冬, 天婦羅及飯團等都是店員在店面即製的
好吸引喎
我地即時對望, 明白哂 ...
一碗兩份食, 唔會好多啫, 一於排隊試吓咁 "新鮮" 的烏冬
排隊的時候絶對唔會悶, 一路睇師傅製烏冬一路影相
首先, 師傅將搓好的麵團放落機器壓薄
然後, 將已壓薄的麵團放另一部機器切條
再用熱水煮熟麵條
每個麵條排列得好整齊 ... 好利害呀!
天婦羅是即炸的
飯團也是即製的
自助形式的 ... 先 order 烏冬
但由於我地唔識講, 唯有將 menu 上要 order 的食物影低, 交比師傅
再擇餸 / 飯團 ... 自己夾的 ... 逐件計 $$
自助 bar 枱上除了餐具, 還有一大盤脆卜卜的天婦羅碎及一大盤蔥
我的冷烏冬 + 天婦羅
傻爸的醬油烏冬 + 天婦羅蝦 + 天婦羅獅子狗魚條
咁淡的 ... 冇湯又冇醬油的
好彩, 對面的學生又係食呢個烏冬
傻爸跟住佢加一大堆蔥及天婦羅碎及勁多醬油落碗烏冬, 再撈埋一起食 ...
成碗烏冬唔同哂, 好好味
烏冬麵質軟滑, 煙韌, 彈牙, 有咬口 ... 唔該再來一碗 
講笑咋 ... 食到咁飽坐長途車實嘔 ... 陣間仲要楂 3 個鐘車去橫浜呀!!!
沒有留言 :
張貼留言