Happy Birthday to you ~~

早幾日囡囡生日

一家人去食了大家都鍾意的日式燒肉

再返屋企食生日蛋糕 ~~

豐富 BBQ 餐 ♥ 燒長腳蟹。日本蠔。西冷。斧頭扒。羊架。叉燒 ...

好耐冇燒雞翼 ...

約埋老友記一起燒烤

買了大家都鍾意食的海鮮和肉類

【韓國遊】釜山 食記 ♥ 南浦洞食韓燒。仲有至愛的黃豆粉烤豬皮

【Day 1 ~ 2018 年 4 月。釜山】

由於搭乘凌晨機，經過一天的行程都有點累
本來諗住返酒店休息一陣再出去食晚飯

點知返到酒店附近的南浦洞抵不住引誘 ... 去了 shopping
逛到餓就去了食我們至愛的韓燒 ~~

【2016 首爾為食遊】感受春川郊區的閒適和寧靜 ♥ Gangchon Chocomint Pension

【2016 年 3 月 21 日。星期一。第三天。首爾近郊 春川】 

由於唔想即日來回咁趕和想多親親首爾的大自然

這日的行程只是遊覽南怡島和閒逛春川，翌日才繼續首爾近郊遊 ... 小法國村

這晚就住在春川郊區的民宿 Gangchon Chocomint Pension

地點好方便的 ♡ 泥涌燒烤場

原來又有一篇遊記沉了落草槁匣未 post ...

我諗泥涌燒烤場無點變 ...

******************************

 

早幾個星期日無活動，又去了燒烤囉 !!!

今次因為要遷就『3 點不露』的友人

揀了個交通方便，又有郊外感覺的燒烤點 ... 泥涌燒烤場

 

松葉蟹 ♥ 沖繩和牛 ♥ 沖繩豬 ♡ 任食放題

今年是我們的結婚 17 周年
帶埋兩隻小魔怪去食我們至愛的蟹放題慶祝

香濃「辛」鮮 ♡ 自助晚餐 ♥ 黃金海岸酒店

早前參加了 blog.ulifestyle.com.hk 舉辦的「U Blog x 黃金海岸酒店 體驗冬日熱情饗宴」活動
獲得 黃金海岸酒店。聆渢咖啡廳的雙人 香濃「辛」鮮自助晚餐 餐飲劵
無理由撇下兩隻小魔怪，只是我及儍爸去食的
所以自費多付兩位小童費用，就一家人開開心心去食大餐囉 !!!

聖誕將至，酒店已經換上聖誕裝飾 ... 好大個的薑餅屋及海綿寶寶呀 !!!

秋高氣爽 ♡ 燒烤樂 ♡ 清水灣郊野公園

這個天氣，最好的節目就是燒烤  

成日去水浪窩有點悶

今次去了大拗門郊野公園



這裡風景不錯的 ... 有一望無際的海景

 

秋高氣爽 ♡ 燒烤樂 ♡ 水浪窩

最近，天氣開始轉凉

感到陣陣秋意

假期無活動

老公大人又突然間好想食燒雞翼

於是，去超市買了少少食物就驅車去呼吸新鮮空氣及燒雞翼囉

 

去邊度燒烤 ?! ?! ?!

當然是兩隻小魔怪至愛的水浪窩 ... 佢地要去城堡玩嘛

2012 蘇梅泰好玩 ... 《美食篇》BBQ 生蠔海鮮餐

這個 trip 都成大半年前囉
我這個蝸牛媽終於又再出埋餘下的遊記



2012 年 7 月 《蘇梅‧龜島》午餐

 

食完意大利餐後，到碼頭乘飛翼船返蘇梅島 ... bye bye 龜島 囉!!!

2011 首爾自由行《美食篇》... 『炭火烤豬皮』你又食過未???

日期：2011年 4 月 30 日 (星期二) 晚餐
在明洞血拼了一個下午後，實在太累
不想拎住多袋戰利品去晚餐咁麻煩
將戰利品放在酒店後，再舒舒服服食晚飯
但 ... 真是估不到呢區〈麻浦區〉的店舖咁早關門 ... 成條
仲以為好似新村咁 ... 11 時仲熱鬧非常，大把選擇


在酒店附近行了陣，街道靜到呢，人影都不多個
本來以為要在酒店食杯麵之際，見到這間燒肉店
地址：詳細地址真的不知，只可以話比大家知這間燒肉店在  ...
             Lotte City Hotel Mapo 對面馬路 (乘地鐵 5 號線 / 6 號線『孔德站』2 號出口)

2011 首爾自由行《美食篇》... 圓桶炭火燒海鮮 @新論峴

 日期：2011年 4 月 28 日 (星期五)
交通：地下鐵 9 號線『925 新論峴 Sinnonhyeon』站 3 號出口

『新論峴』是江南的著名酒店街，是當地觀光飯店的集中地。
在2009年的春天，宣布成為首爾 27 條設計街道之一。
位於江南站和新論峴站長 760 米的街道被稱為 U-Street，這裡充滿了時代感和科技感。
比如那色彩斑斕的 12 米高的 Media Pole，還可以隨時拍照，並且發送給自己或者朋友們！


但是我們兩隻為食鬼來『新論峴』當然不是為觀光，而是為了食
專程來食我地的 favour ... 燒海鮮
這區全都是食肆，而且多是燒肉店及燒海鮮店
在云云食店中揀一間真是好難的，但是我地已經鎖定了目標
就是呢間喇 ... 這間食店有很多網友推介的

2011 首爾自由行《美食篇》... 好特別的烤三層肉

在東大門行到腳仔軟，居然一樣野都買唔到
好彩，都比我地搵到這間烤肉店醫肚及抖下
我地就是比下面呢個豬頭嘜吸引入去的

風光明媚的 BBQ ... 小白鷺餐廳

一大班同事搞活動，BBQ 就最適合
前年來過，大家對它的食物及環境都好滿意，今年又再 ENCORE

好食推介 ... 和宴 日式燒烤

今次推介的食店，雖然價格略貴，但服務一流，侍應生細心又有禮

最重要的是食物質素都一流，環境又舒適優雅

和宴 Wa-En
尖沙咀 廣東道 100 號 彩星集團大廈 5 樓
電話 : 3428 3345

再嚐 ... 牛角第二分店 @TST LCX

01.Feb.2011發佈

上次試過牛角日式燒肉專門店在香港開的九龍灣第一間分店
冇諗住咁快又食的
但去到 TST LCX 分店門口見到冇人等位
... 與九龍灣店人頭湧湧的墟冚情況相比，真係差是太遠
唔食咪對唔住自己 ... 唔該四位
仲有個海景位比我們 ... 正!!!

 

正宗韓國燒烤 @三木韓國料理

本來想去 蔡 SAN 推介的錦城食韓燒 ... 但勁多人 ... 冇位
改去附近的 三木韓國料理 ... 兩個人坐張八人枱 ... 勁舒服

兩個人都比 8 款前菜 ... 咁多
除了有成日食的辣泡菜、炆薯仔、芽菜、抄粉絲等
最特別的有 ... 煎薄餅及魚仔 ... 好少有的

兩個人食得唔多 ...
只點了兩碟肉，牛西冷及豬五花 ... 兩款肉都冇加醃料 ... 咁至食到肉的鮮味

以前好少食豬肉燒烤，覺得豬肉要燒好耐至熟，肉質又靭又嚡口 >.<
直至遇上它 ... 豬五花 ... 就愛上了

薄切的豬五花 ... 不須燒好耐就食得
... 我就鍾意烤耐少少，脆卜卜至香口 ... 好 yummy、好 juicy 的豬五花

未燒前的豬五花 ... 一層肥肉一層豬肉看很吸引呢

平時食燒烤都會配白飯，但點菜的姐姐極力推薦呢個蔬菜+辣醬 set

生菜 + 芝麻葉 + 特製辣醬
... 呢個特製辣醬應該係店舖自家製的，上枱時仲係熱的

仲教我地正宗韓式燒烤食法 .... 用蔬菜包住烤肉再加特製辣醬來吃
... 真的比配白飯好食好多

而用芝麻葉包烤肉好食過生菜，因為芝麻葉有一陣好特別的香味
... 包住肉來吃冇咁油膩 ... 仲可以食多兩件

至於個特製辣醬由很多配料混製，有蔥、蒜、辣椒等，唔太辣，咸了少少，但加埋烤肉及菜就啱啱好

食埋水果就 perfect ... 西瓜送的 ... 但得一片唔多夠喉

2009-10-03 中秋豪燒夜

中秋節梗係食好 D ... 勁豪海鮮 + 和牛 BBQ ... m,y favour 海鮮

一早細姑媽及細姑丈去屯門三聖村買新猛海鮮食材

勁大隻鮑魚、象拔蚌仔、扇貝、墨魚、蝦、魚、蜆

呢度就係 BBQ 場地，綠草如茵 ... 好清幽的

開始梗係燒快靚正的腸仔及丸頂肚先

家姐話要自己試吓燒野食，細路梗係掛住玩

換個燒烤網之後 ... 主角出場喇!!

蒜蓉燒扇貝 ... 第一款實驗品經驗唔夠，太大火，個殼燒焦哂

雖然賣相差D, 但好好味的

 

吸取剛剛的經驗後，太急是唔得的，將海鮮放邊邊慢慢燒

之後的海鮮，燒得好靚及好好味

今晚燒的每款食物都好好味，條魚連頭都 "輪" 埋，得番條骨咋

另一主角出場 ... 網燒和牛

呢個燒烤夾特登買嚟燒牛肉的

燒好的和牛好 juicy 好有牛味呀!!!

日式燒烤@九龍城廣場蒲煱

上次經過九龍城廣場被外牆大大張海報日式燒肉廣告吸引

仲話採用韓國最新的遠紅外線無煙燒烤爐

 ~ 無煙燒烤, 防癌環保

order 左兩份和牛及海鮮餐 ~ 五個大人食

有牛肉, 牛肉, 大蝦, 雪鱈魚, 蠔, 豬頸肉, 鵝肝, 金菇, 茄子, 草菇, 粟米

所有食物都冇用調味料醃過, 桌上有淮鹽及胡椒可自行調味, 或食時醮上醬油

最正都係牛肉, 入口即溶

燒好的蠔, 外層金黃好似醮左炸粉咁脆脆地

加左淮鹽及胡椒的燒三文魚鮫一D都唔腥

食日韓式燒烤好少燒菜, 因為好易燒焦及乾巴巴, 難食到呢

但今晚燒的茄子及金菇出奇地好食, 一大堆清哂

最後至燒鵝肝, 費時 "漏" 到食唔到其他野

食埋個甜品就滿足哂, 我最欣賞佢個龍眼果凍

清水灣一灘游水水

通常去清水灣二灘, 一灘都係第一次去

泊完車, 見到果條又長又斜的樓梯, 嚇到呢

我及傻爸一人揹住一袋沙灘玩具及毛巾

再抱住小魔怪行落去 ~~ 

行落去都好呀, 玩完攰到死, 再行條咁長的樓梯上返嚟, 真係死得

不過, 呢度又真係少人D, 望番過去二灘人多到呢, 針都插唔入

家姐及細佬最初唔肯落水, 淨係玩沙

一吹脹個水泡, 兩個都爭住要

佢地攬住個水泡好自然咁潑水踢腳, 都唔洗點扶住, 係側邊磅住就得

係沙灘玩完, 我地先送兩隻小魔怪返屋企, 其他老友記搵地方食晚飯

兼同黎氐抗儷慶祝生日...佢地都好有緣, 兩公婆分別係 9月1日及9月2日生日呀

~ 家姐聽日返學要早d瞓, 唔可以同我地玩到咁夜 ~

老友話搵到個好正的地方BBQ

佢地話架車駛到蠔涌係咁直駛, 見到成豐片場第六號片場就到喎

但蠔涌果條路黑漆漆, 人及車都唔見, 真係一路一驚心

只係跟住老友記的指示係咁直炳, 炳到一個好大的停車場停低

因為周圍都唔見有路, 諗緊係咪行錯路要走之

有架車駛過仲好熟路咁向遠處左邊駛入, 咁我地咪試吓囉, 真係有條路喎...

可能太黑我地睇唔到條路, 好快就到 金喜花園

嘩 ... 好有泰國 feel 呀, 見到咁正的環境之前驚嚇的旅途都忙記了

每位 $138 任食, 呢班大食老友食完兩大盆食物, 連個 Tiramisu 蛋糕都清埋