再嚐 ... 牛角第二分店 @TST LCX

01.Feb.2011發佈

上次試過牛角日式燒肉專門店在香港開的九龍灣第一間分店
冇諗住咁快又食的
但去到 TST LCX 分店門口見到冇人等位
... 與九龍灣店人頭湧湧的墟冚情況相比，真係差是太遠
唔食咪對唔住自己 ... 唔該四位
仲有個海景位比我們 ... 正!!!

 
6:00 時間尚早，未到晚市旺場時間 ... 店內只得一枱食客，我們是第二枱客呢
侍應都細心 D ... 仲準備兒童餐具比細佬用
印滿牛角 logo 的餐具 ... so cutie

除了牛角飯及銅鑼燒實在太好吃，一定要 encore 之外，仲試了其它款式

我推介的牛角飯 HK$19 一大碗 ... 即是紫菜＋燒汁＋珍珠飯

牛舌 (鹽醬) HK$49 ... 我都係鍾意有口感的厚切牛舌多D

食好 D，點了量限定的 ... 特上和牛牛肋肉 (燒汁) HK$99
滿怖雪花，脂肪條理分怖清晰，賣相已經吸引
唔好燒咁耐，燒太熟唔好食的，入口腍軟，肉味濃之外，肉汁也十分豐富

大人小朋友都喜愛的 ... 厚切煙肉 HK$39

我家兩隻小魔怪推介的 ... 骨付香腸 HK$39
燒熟後，唔好切，成條香腸楂住食 ... 好似食緊雞肶咁，勁豪邁

豬頸肉 (味噌) HK$39
燒到面少少焦咁，就爽口脆身至好食

香草雞腿肉 HK$39
香草冇餐牌上咁多，雞肉又切成粒狀 ... 有D驚燒唔熟
但放在爐火上慢慢燒，又OK喎 ... 肉質嫩滑，都好食的

家姐的士多啤梨梳打 HK$19
我的白桃膠原飲品 HK$29 ... 飲了皮膚滑滑的

我至愛的銅鑼燒 (雲呢拿雪糕) HK$19

天光食到天黑 ... 連新年燈飾的夜景都欣賞埋，今餐抵哂

未試牛角的朋友 ... 可以試下去 TST LCX 第二分店碰運氣
觀察所得，當日等位的食客唔太多，相比九龍灣店人頭湧湧的盛況，真的差很遠
我諗是因為不是太多人知此店已開幕的緣固吧!
哈哈哈 ... 不知此文一出，會否連此店都被攻陷呢?