試用最新的 Oral-B Pulsonic 聲波纖柔電動牙刷
外觀纖細 功能強大
全港銷量 NO.1 的聲波牙刷
2 星期美白牙齒‧有效去除污垢達94%
嘩 ... 勁吸引 ... 美白牙齒 ... 以後唔怕張大口開懐大笑了
Oral-B Pulsonic 聲波纖柔電動牙刷 (HK$699)
packing 好輕巧的，又輕又細盒
咪睇佢細細盒，有哂所需的叉座、牙刷頭、手柄及牙縫刷頭
仲有中英文說明書 ... 好細心喔
一個座放哂所有野 ... 仲有位放多支牙刷頭，同你的至愛一同分享 ... 一齊刷靚D牙
用開的電動牙刷又重手柄又粗，手感唔多好
Oral-B 纖柔電動牙刷的直徑只有 17mm，等於一亳子咁大，啱哂女士的小手了
每分鐘左右震動 27,000 次，更有效清除牙菌膜
聲波震動潔牙有如牙醫洗牙的效果，更效去除污垢
大家知唔知邊呢個鴨咀係咩嚟 ....
就係牙縫刷 ... 用嚟清潔牙縫間的污垢
另一個用處是設計比箍牙的人士的，在牙套及牙齒間的罅隙最容易藏污，但市面上的牙刷頭太大，根本清潔不了這些細小的罅隙，這個牙縫刷就可以鑽入呢d小小的罅隙清除污垢及污漬了
-----------------------------------------------------------------------------
我的試用報告
試用期 : 7 日 (早晚各一次)
用之前要將牙刷餵飽飽，至有力刷靚我的牙齒 ... 記住叉足 12 小時至攞嚟用
拎上手勁輕，完全唔似電動牙刷，加上手柄纖細，好好楂手及易操控喔
平時刷牙真係唔知刷了幾耐，有了呢個 "2分鐘提示" 功能就唔驚了，每 30 秒有一下的微震，到 2 分鐘就有 2 下的微震提示 ，提醒你已刷完牙了
我的牙齒有輕微的敏感，有時會刷到出血的，但在試用期間又冇出現流牙血的情況，刷牙的時候仲好舒服 tim，好似同牙齒按摩咁。
它有 2 個刷牙模式的，分別是 "clean" 及 "sensitive" 模式，我的敏感牙齒用 "sensitive" 就足夠了，而我的另一半 ... 男士嘛 ... 要用強力少少的 "clean" 模式至乾淨
至於電池也很耐用，我只於第一次用之前叉足 12 小時電，竟用了一星期 (足足 14 次喔) 仲有電耶。在之前的聚會中，介紹它的電池很耐用，可以用到 10 日的 ... 最初真有 D 懷疑的，而家真的相信了 ...
最後，要比個溫馨提示大家
在唧完牙膏後，謹記將電動牙刷將在牙齒前至開動牙刷，否則牙膏會濺到成面及成鏡都係的
