10/5/2009 ~ 姑媽美甲店開張

姑媽考到美甲證書後, 想開舖好耐

 

搵到 partner 及合心水的地點後, 她的美甲店今日終於開業了

 

地點好方便又易搵 ... 在銅鑼灣耀華街的樓上舖 (即時代廣場後面果條街)

 

而家有個試做價 HK$188 咋, 各位有興趣的朋友可以去試吓 ... 勁抵

 

開張喎 ... 梗係帶埋成班細路踩旺個場喇!!!

 

呢個雪櫃就係我地夾份送的禮物
 

17/5/2009 ~ 芒果乳酪

材料及做法都好簡單

 

材料: 香蕉, 芒果及豆腐花

 

水果切粒, 將所有材料放拌機攪拌後, 即成一杯美味的芒果乳酪

 

 

家姐切水果似模似樣, 但愛乾淨的細佬很怕用手揸住香蕉嚟切, 切水果切到好似鋸扒咁

 

金魚仔

端午節又有一日假期

 

兩隻魔怪陪完我地飲茶, 就去金魚街睇金魚

 

家姐話好想養金魚, 行完成條金魚街, 揀左呢四條金魚

 

返到屋企仲改埋名

 

最大果條有一點黑點就叫小班點, 最細的叫 BB, 另一條叫家姐, 咁最後果條咪叫細佬?

 

 

又唔係喎, 果條到而家仲未有名, 家姐仲未諗到喎!

 

家姐真係好担心小魚仔, 食完晚飯返屋企途中, 成日問: 魚仔未食野, 咪好肚餓? 會否死?

 

瞓覺前, 又要同魚仔講 good night  

 

開心到跳起

爸在美國工幹, 不忘買手信比佢地

 

傻爸本來想買呢對公主鞋比家姐, 但我覺得冇咩特別, 要要揀過

呢對反斗車王水鞋十分吸引, 但細佬已經有兩對水鞋喇, 又 bend 埋

 

其實, 細佬好易氹的 ... 睇到張車王水鞋相已經好開心, 係咁指住張相笑, 唔洗買 ... 慳番 $$

 

呢 pack 反斗車王底褲仔就夠哂實用 ... 傻爸幾攪笑, 用張一佰蚊紙幣嚟當比例尺

細佬知道傻爸買左反斗車王底褲比佢, 即時開心到跳起

 

一番心機揀禮物送比人, 最想見的是對方收禮物時的驚喜及開心的樣子

 

細佬就真係交到戲 ... 多謝哂傻爸

10/5/2009 ~ 5個媽媽一齊慶祝母親節

呢份就係家姐在學校做比我的母親節禮物, 再加一首歌仔

 

咪就係 "世上只有媽媽好, 有媽的孩子像個寶 ... "

 

細佬梗係香吻一個

 

晚上, 5 個媽媽一齊在石澳几回味食飯慶祝母親節

5 個媽媽咁多???

傻媽, 傻媽的媽媽 (婆婆), 桐桐表姐的媽媽 (姨姨), 表哥表姐的媽媽 (細姑媽), 仲有工人姐姐

  哈 哈 ... 食到最後至記得影相 ... 仲有砵酒蠔, 脆皮鵝, 煎魚等

傻爸我地食左你的至愛魷魚飯呀 ... 隻碟得番條魷魚鬚果碟咪係囉!

最後, 梗係要食埋山水豆腐花 + 黃糖碎至完美

3/5/2009 ~ 婆婆生日

本來諗住寫完日本之旅的網誌後, 休息吓再 update 的 

 

但為了讓去了美國工幹的傻爸能知道我地每日發生的事, 唯有勤力做工課

 

傻爸今朝晨早 5 點就孤零零出門搭飛機, 連同兩隻小魔怪講一聲 bye bye 都唔得

 

不過, 咁都好的, 費時家姐又攬住傻爸喊 ... 昨晚, 家姐至攬住傻爸喊, 話好唔捨得佢, 叫佢唔好走

 

點解, 佢地見唔到傻爸都咁風騷 ... 因為我比佢地著了至愛小叮噹裙及反斗車王衫去麥記食薯條囉!

 

今日是婆婆的生日, 下午約了婆婆及公公喝茶 ...  細佬掛住玩車, 唔肯影相

東京近郊 8 天為食遊 ~ 行程表

Day 1 ~ 28/3/2009 (Sat.) 香港 > 池袋
早餐:   機場Burger King
           CX548 香港機場 > 東京成田機埸 > 池袋
午餐:    飛機餐
TEA:    壽司本陣食壽司@池袋
晚餐:    三大蟹放題(松葉蟹、毛蟹、長腳蟹)@池袋
住宿:    東橫INN池袋北口第二 

Day 2 ~ 29/3/2009 (Sun.) 自駕 Day 1 池袋 > 輕井澤
早餐:    免費提供飯團,醬湯,醬菜,咖啡@東橫INN

池袋日產取車 > 輕井澤 (

東京近郊 8 天為食遊 ~ cake 篇

日本實在有太多美食, 好難全部食哂落肚

食唔到, 都要影低佢

嘩 ... D 水果仲多過蛋糕

 

 

@dessert cafe cake mania (Yokohoma)