除夕火鍋

好慘呀, 今日慣性 ..... 冇得收早, 正正 6 點至放工.

爸爸同 2 隻小魔怪接我收工, 即刻入元朗打邊爐. d 姨姨同叔叔好耐冇見細佬 la, 成日都話想見吓佢, 今日咁重要的日子梗係帶埋細佬去.

細佬一去到就食左件芝士蛋糕, 係條樓梯度行上行落, 幾開心, 玩到 10 點幾都唔願瞓, 要爸爸抱佢落樓 "tum" 佢至瞓.

至於家姐的戰鬥力仲勁, 玩到倒數完, 成點鐘至瞓, 睇吓下面張相就知佢地有幾攰.

家姐一去到已經勁 high, 成日問至男佢地嚟未, 因為佢要做禮物小姐送禮物比佢地, 子男仲即刻拆開嚟玩. 但呢套火車加埋我特登帶去比家姐玩的煮飯仔玩具都唔可以令佢地安安定定坐下來, 佢地都係好似細佬咁鍾意玩行樓梯多 d.

呢個就係送比子男的禮物

多謝神 can 姨姨的禮物

科大 high tea

放左工帶住 2 隻小魔怪冇定去, 咪去左科大 hea, 諗住食吓野, 影吓相, 點知唔記得帶相機, 而新買個有 500 萬像素的手機又冇電 ...... 哎 呢個真係傻媽媽

呢度幾好 ka, 有靚靚海景及地方濶落, 最重要係有 d 玩具比小朋友玩, 加上今日個場冇咩人, 我地包場咁, 家姐同細佬係到片, 幾開心, 我地就可以好舒舒服服食野 la .

he he ..... 有我鍾意食的 Blueberry Tart

粟米 粟米好好食

今晚第一個埋枱的又係細佬, 每次 set 枱食飯佢都會 9 秒 9 爬去枱邊等人抱, 然後手指指想食的野, 今次佢睇中家姐的粟米, 我地諗住佢得 4 隻牙仔點會咬到, 咪比佢啜吓 d 粟米汁, 但 ....... 佢真係咬到 d 粟米 ka, 仲食上癮, 唔肯比返家姐, 就係咁成件粟米就比佢 4 隻牙仔食哂落肚.

士多啤梨園@元朗

今日去呢個士多啤梨園係元朗白沙第一段, 交通方便, 又係唔收入場費, 每磅士多啤梨 $38 仲有個靚靚紙盒裝住, 送禮一流. 但冇較剪提供, 要自己用手摘, 小朋友就辛苦 d

呢度仲有有機菜賣, d 唐生菜好靚好嫩綠, 成朵花咁

呢度咁方便, 第時家姐想食士多啤梨, 唔洗買, 可以自己嚟摘兼買埋菜!!!

渟渟貝兒公主

今日係平安夜, 我地預備左一份家姐好想好想要的聖誕禮物 ....... 公主裙

我地提早在下午送比佢, 等佢可以著住條靚靚公主裙去街街. 爸爸話佢見到條公主裙開心到呆左一陣, 都唔知點反應好, 之後即刻要變..... 渟渟貝兒公主.

可惜今日要返工, 唔可以親自送比佢, 睇吓佢收到份禮物的反應. 但爸爸好醒目咁拍左 video, 等我都睇到家姐個開心樣. Thank you 爸爸!!!

手指指

細細好叻仔, 可以用一隻手指指住想要的野 la

偷食 ???

雖然細細仲未識行, 但已經識自己開蓋, 伸手入樽攞野食, 再冚蓋 ~~ 成個過程絶對冇幫佢.

X'mas Party @ kindergarten

返到學校先將啫喱交比老師, 然後入課室同家姐換衫 (家姐套衫粉紅色好襯佢), 再幫其他小朋友換衫及化妝, d 小朋友好得意呀, 有個男仔換左套西裝, 好似大個哂咁.

之後, 去左 3 樓禮堂揀個好位影相及拍 video, 拍低瑪利亞的第一次話劇表演比爸爸睇.

Emax Strawberry Land

在雜誌睇到 Emax 有個士多啤梨 function, 有遊戲玩及可試種士多啤梨, 但去到有 d 失望, 因為個場其實好細及冇咩玩, 家姐入去行個圏及影左幾張相就叫走. 之後去左兒童樂園波波池玩, $5 咋.

望,

細佬出世了 Nov 06

今次係第 2 胎, 有左第 1 胎的經驗, 應該好鎮定....... 但係錯了, 係好驚險至真, 成個產程好快及原本睇開的婦產科醫生又趕唔到嚟。

2006年11月XX日凌晨 4 點幾個肚有 d 痛, 去完厠所個肚仲係肚, 又瞓唔著, 咪上網消磨時間, 都冇諗過咁早生得, 36週咋, 今次又早產??? 早幾日產檢時, 醫生至話 bb 未轉頭, 會足月 (第 40 週) 至生得。

到 7 點半家姐起身, 又要忙住幫佢刷牙、換校服、送返學, 都唔覺個肚痛, 仲諗住返工添。 但送完家姐返學, 停落嚟個肚又痛, 穏陣起見咪返屋企休息, 點知到 11 點好有規率咁痛, 應該係陣痛, 即刻打比 ringo 返嚟同我入院, 12 點佢返到嚟即刻 "打的" 去醫院, 1230 到仁X醫院, 已經痛到行唔到, 要用輪椅推入產房, 個護士姐姐話已經開左 7 度, 等唔到睇開的婦產科醫生, 要由駐院醫生婦科接生, 下午 1:43 分細佬出世了。

剛出世

1/2007

2/2007

3/2007

4/2007

5/2007

6/2007

7/2007

8/2007

9/2007

台北 Mar 06

渟渟第一次搭飛機

台北市飲飲食食及烏來浸溫泉

士多啤梨園@粉嶺 4 Feb 2007

勁鐘意食士多啤梨的渟渟可以親自摘士多啤梨 , 勁興奮, 仲攞返學校同同學仔一齊分享

今次去左上水一個士多啤梨園, 交通方便又唔收入場費, 好抵 ka. 地方好大, 一去到門口, 已經見到好大片士多啤梨田及聞到陣陣士多啤梨香味, 真係好想即刻摘落嚟食 ......

場主比左把較剪及盤我地, 就叫我地自己隨便摘, 睇啱邊粒就摘邊粒, 我地梗係揀 d 又紅又大粒, 但可能而家係季尾, d 大粒比人摘哂, 剩返 d 細細粒咋. 比 $$ 後, 即場洗嚟食, 真係勁香甜及勁濃士多啤梨味, 好食過街買好多 ... 好多.....