公司又搞活動，就係去海洋公園哈囉喂
如果唔係免費仲請埋家屬，真係唔會嘥呢D $，我兩隻小魔怪咁細，入到去實嚇死
細佬咁細唔帶佢去囉，預了 2 張成人票及 1 張小童票比家姐。但傻爸因為要上廣州秋交會去唔到，由咁啱放假的大姑媽頂上
哈 哈 ... 真係估佢唔到今日竟然放早，4:30PM 收工接家姐，去到海洋公園五點幾啱啱夜場的開始 ...冇蝕底
嘩 ... 估唔到咁多人喎，人山人海，熱鬧到呢!
去到第一件事就係拎張換票証換番張入場劵了
上次人多玩唔到的氧氣球，排了 45 分鐘由天光等到天黑終於輪到我地
好高呀! 咁高望落去周圍黑漆漆都幾驚的，我諗大白天看風景會好 D
.
之後，去
熊貓館睇熊貓，淨係見到安安係度食竹葉咋，搵唔到樂樂盈盈?
原來家姐好大胆的，登山纜車每次經過接駁位震震地的時候，佢不知幾興奮 ... 反而我有少少驚
我地去了海洋天地的灣景餐廳食晚飯，佈置唔太恐怖
order 了萬聖節餐 (
萬聖節特飲 + 斷掌凶靈)，個名就嚇人，但賣相一D都唔驚嚇，普通至極，咪就係荔枝特飲 + 干邑牛柳配露筍意大利飯
平時日間要塞成粒鐘至入到的水母館及海洋館，今晚冇人同我地爭，慢慢行勁舒服
水母館
海洋館
新的
海洋列車勁有迪士尼 feel，眨吓眼就到山下
最後，梗係去威威天地坐家姐至愛的旋轉木馬
估不到威威天地居然冇人，唔洗排隊任玩 ... 勁正
我地玩了兩次幻彩旋轉馬，小丑旋風，冇限時的彈彈屋
在水母館門口的攤檔買了個熊貓及企鵝公仔比兩隻小魔怪，特價 HK$99 ... 好抵
家姐買了個蝴蝶頭箍，梗係要買多個魔鬼頭箍比細佬
話咁快就到 11 點，家姐累到一上車就瞓著了，疲倦的我又要抱住佢返歸
換個燒烤網之後 ... 主角出場喇!! 
