@海洋公園

今日特登請假帶埋家姐同爸爸的同事們去海洋公園玩

爸爸公司幾好呀!!
話上半年業績好, 全公司放一日假去主題公園玩
送一日假不特止, 仲包入場票、車費及午餐, 最正係比多 $200 零用錢買野. 

雖然, 成日見爸爸日做夜做, 返到屋企仲要對住部電腦係咁覆 email, 真係好辛苦
好在公司都識做, 奬勵吓員工.

一早係海洋公園門口集會, 估不到閒日的星期四都咁墟冚, 人山人海

係門口已經比個熱氣球吸引好想坐, 但因大風關係暫停

$10 隻跳字錶

相信三字頭的朋友們睇到呢個 TOPIC
或者會諗起兒時小販車賣的跳字錶禮盒
或者試過在裝滿一盒盒跳字錶的木頭車裡摷自己的至愛卡通人物錶

$10 一套 ~~ 有一隻跳字錶及一支原子筆, 有卡通人物及 CLASSIC 款 ... 真係好懷念呢!!!

hehehe .... 入正題先 ... 登登登...

呢隻就係 $10 扭蛋機 的 米妮跳字錶及史迪仔跳字錶

 

新竉

琴日 ee 送左個新玩具比家姐
係佢最鍾意的公主及煮飯仔的混合體
 ~~ 貝兒公主及好朋友茶壺太太煮飯仔

佢今日掛住開茶會連會所都唔去.

平日佢好鍾意去會所玩, 果度有好多 fans,  仲多過我呀

有時係電梯人地係同佢打招呼, 而唔係我呀!!!

 

和宴燒烤

我個 blog 除了家姐及細佬的相, 仲有好多美食的相, 梗係喇 ... 因為我為食囉!!!

今晚我地又去左大吃一頓

和宴燒烤 ~~ 好味到又嚟 encore, 次次嚟都咁好味, 永冇失準 (上次掛住食冇影相, 今次有相睇)

先嚟個燒肉拼盤 ~~ 
有牛舌, 豬頸肉, 牛肉, 雞肉（雞肉用麵豉醃過，好好味）

牛胸腹   

  牛裡脊 ~ 肥美多汁, 入口即溶, 勁香牛肉味

  柚子豬頸肉 ~ 豬頸肉有柚子的酸甜味, 冇咁肥膩

   蒸鮑魚就食得多, 用嚟燒烤你又試過未??

最後, 梗係要食埋菠蘿雪皅及水蜜桃雪皅至 perfect.

西瓜二少

細佬的綽號多到呢 (反而佢個真名我地真係好小嗌)

細佬 ~~ 唔洗解釋喇掛

二少 ~~ 大小姐個細佬咪叫二少囉

墨西哥 ~~ 佢姓麥, 又細細個, 加埋咪 "麥細個"

仔仔 ~~ 媽媽的溺稱

BB ~~ 個個細路都比人咁叫過

而家又多個 "西瓜二少" ~~ 
去沙巴咁多日, 食的西瓜比飲奶仲多
每次一坐低, 就叫 "C 瓜 ... C 瓜"
比碟西瓜佢就坐定定咁食食食, 否則我米洗旨意有餐安落茶飯食.
其實, 係沙巴 5 日, 細佬食左幾多個 "C瓜" 呢

中招

今日係細佬介片的第 4 日

佢仲未識得話我地知要尿尿

次次都係尿尿之後至話我地知

不過, 已經有進步喇! 

起碼佢識話我地知

唉吔!! 六合彩又唔見我中 ...

短短 3 個鐘就連中兩次 ... 

事緣 ...... 一放工已經比佢的尿尿弄到濕哂沖涼

而啱啱攬住佢坐係度睇電視
有股濕濕地的暖流由大脾流落腳度 

沙巴之旅 Day 5 ~ 17/7/2008 PM 最後衝刺

坐的士去最近酒店的商場 shopping ~~ 呢個新開的 Hypermall 叫 1Borneo
有好多香港人好熟悉的店舖, 十足一個放大好多倍的 Times Square .... 最正係有舒服的冷氣嘆

 

 

 

 

  午餐 : 砂鍋肉骨茶, 炆鴨腳, 砂鍋鴨煲

  

 

 

去機場途中大塞車

Bye Bye 沙巴

 

沙巴之旅 Day 5 ~ 17/7/2008 AM Lagoon Park @Nexus

Breakfast Buffet @Nexus

 

食完早餐, 散步消化吓先

  如果可以撇下兩隻小魔怪, 瞓係個亭度吹著海風享受Massage 就好喇

  呢度有個大棋盤喎!
兩個不自量力的小朋友出盡力搬動大棋子

  有時間可以參加 Kids Club 的釣魚活動

  之後, 搭酒店的免費 shuttle bus 到 Lagoon Park

 

有香蕉船及水上電單車等水上活動玩

   呢度都有好多魚仔, 冇帶麵包餵魚, 唯有試吓魷魚絲 ... 都得喎, 好多魚搶食 KA ... 唔知魚魚消唔消化到呢, 唔啱KA, 你地千祈咪學

沙巴之旅 Day 4 ~ 16/7/2008 食 食 食

出完島玩, 返酒店沖過涼又出動食晚餐
聽日就要返香港, 但原本 PLAN 好要食的野都未試哂, 實行少食多餐食盡佢, 每間食少少試哂佢
第一間: 佑記肉骨茶
每份肉骨茶可配排骨或豬腸，另跟油條、白飯、豆腐及湯

  記住試埋肉丸, 細細粒一口一粒, 好彈牙及好有豬味

要試埋個荔枝布甸 (裡面有粒粒), 好好味 KA

  芒果布甸冇咩特別

  第二間: 意大利菜 @Little Italy
一等低個個都話飽, 唔洗叫咁多野, 食少少得啦, 但咪又係碟碟清 .... 大食到呢 自己都覺得恐怖
order 左一個海鮮湯, 白汁海鮮闊麵, 意大利雲吞及 Ice Peach Tea
個海鮮湯好大碗及好多海鮮, 分左兩碗細的出嚟比傻媽及姑媽, 傻爸仲有半碗

  個白汁好rich, 唔係一般稀稀的忌廉溝奶加水.... 好有芝士味... 又有香草味 ... 好味到唔識形容

  意大利雲吞有肉醬餡, 又係好好味

 

最後, 仲要去 7 仔食埋甜品 ~~ 雪條