中秋節的氣氛愈來愈淡
除了電視的月餅廣告及店舖的月餅推銷外
其他中秋節的活動欠奉
上網搜尋到康樂及文化事務署舉辦的中秋綵燈會
我最想去睇大坑的舞火龍及維多利亞公園的綵燈會
應該是多個之中最大型及最精彩的
但又最多人的, 所以打消念頭
最後決定去西九龍海濱長廊的中秋綵燈會
因為西九龍是政府未來重點藝術發展區, 身為香港梗係要去支持
我地首先將車子泊在圓方停車場, 在千兩食完壽司, 再步行往西九海濱長廊
本來以為展場在圓方附近, 行十分鐘就到,
但行了十多分鐘都唔覺周圍有類似的展場,
沿途的指示不清楚, 途人又少, 真係好想放棄,
但又唔甘心, 沿著海濱公園再行十多分鐘終於到達
但行了半個鐘換來的收穫竟然是來來去去幾款的紙紮綵燈
大白兔, 飛機, 楊桃, 走馬燈, 不消十分鐘已經欣賞完畢
完全失望, 舊年高山劇場的綵燈會仲好睇, 地點又方便, 又熱鬧
沒有留言 :
張貼留言