店員好熱誠的介紹店內的食物，仲話大廚曾經任職某大西餐廳多年
而主要原因是新張期內有 9 折優惠 ... 咁著數這晚就在這處開餐喇 !!!
店內裝潢簡潔舒服，採用開放式廚房
晚餐時間好正常的想睇下有咩 set dinner ... 抵食點嘛
可惜，還未有 SET ...
點了店員推介的是日廚師推介 ... 帶子松露意大利飯 HK$128
帶子都幾大隻還好厚肉
意大利飯煮得啱啱好不會太淋，仲好 creamy
哎呀 ... 又是白汁
無法喇 ... 卡邦尼意粉 HK$58 是囝囝至愛，每次外出必選的食物
意粉軟硬度適中，醬汁濃郁又不太稠身，每條意粉吸滿了醬汁，食時不會覺得好膩
香辣大蝦燈籠椒炒意粉 HK$68
青、紅和黃椒令到碟意粉七彩繽紛，賣相不錯
大蝦新鮮彈牙，意粉微辣，食起來很惹味
店員大力推薦我們要試甜品
因為大廚曾經任職某大西餐廳多年，比我們睇的甜品相片非常吸引
所以特別點了一份 雜莓窩夫拌雪糕 HK$55
不只賣相精緻，味道都不錯的
窩夫很香蛋味，暖暖的，可惜外層不夠脆 ... 我鍾意外層脆點的窩夫
雪糕亦有口味可供選擇，囡囡當然揀了她至愛的士多啤梨味雪糕
醮少少雲呢嗱醬、吉士醬和雪糕與窩夫一起送入口，好好味呢 !!!
品甜 Sugar Taste Cafe
香港 九龍 土瓜灣 譚公道 34E 地下 E 舖
** 以上分享是以我的口味、喜好和情況作出分享和感受，一試 / 合用與否請自行決定
沒有留言 :
張貼留言