UA-44988812-1

My favorite post ~ 親子郊遊樂 ... 點滴揹水行2012 @山頂

2008年6月30日 星期一

泥膠

上星期協康會導師教搓泥膠後, 再用煮飯仔的刀切粒粒, 訓練小朋友手眼協調
但屋企 D 泥膠冇哂, 唯有急 call 爸爸睇吓公司有冇剩餘物資
哈 哈 哈...居然有盒 10 色未開過的 Play-Doh 泥膠喎
 
  家姐都好鍾意玩泥膠, 仲同我一齊整左朵花花

2008年6月29日 星期日

石峽尾公園 Playroom

玩完買左 2 支飲品解渴, 最初以為呢支烏龍茶係咩什牌貨, 但爸爸話佢第一支飲的烏龍茶就係 "津路" 呢個牌子, 佢仲早過 "道 X".
  呢支低糖有機豆漿 ....... 好有豆味, 但好似冇加糖一樣

2008年6月28日 星期六

協康會 ~ 第十六課

今日係最後一堂
LING 姐姐話冇見細佬一個星期又大個左及高左 ~~ 我都係咁話, 我仲覺得佢唔似個 BB la, 愈來愈似個小朋友 tim
不過, 佢 d 脾氣好似好左, 今日只係瞓左半個鐘晏覺, 都可以乖乖上堂, 冇扭計喎
 
 
 
 
  上完堂同細佬去左肯得基餐肚, 細佬餓到呢 ~ 一陣就食左大半碗白汁雞皇飯 
  買左 4 隻好 cute 的士多啤梨髮夾 ($15) 及 士多啤啤梨蛋糕髮圈 ($18) 比家姐
 
 
 

生日大食會

今日去健康院打歲半針, 細佬好犀利, 冇喊喎
姑娘叫細佬望住貼係牆上面的 BB 海報, 然後一針銡落去細佬的左手臂, 只見細佬望一望姑娘及自己隻手仔, 再望望我及叫我走, 佢居然冇喊過一聲及滴一滴眼淚
細佬有 10.7KG  (23.54 lbs)
 

2008年6月27日 星期五

百變家姐真係當之冇愧,家姐在短短的一個早上已經轉換左三個造型
第一個校服 LOOK ~~ 返學時著校裙及黑皮鞋
第二個便服 LOOK ~~ 結業禮表演換左 T-SHIRT,牛仔裙及 "玻璃鞋"
第三個雨褸 LOOK ~~ 放學落雨著哂雨褸及水鞋,再攞埋把雨傘 ~ 又另一個 LOOK
 

生日大食會

今日係 MAY 的生日, 陪家姐上完結業禮又要趕返公司同同事們食 LUNCH.

本來今日係食黃油蟹餐, 但老細揾暈成個九龍城都見買唔到黃油蟹, 改為食 PIZZA, 但都好豐富

 

雖然係冰鮮雞, 但阿姐整得好好食, 好有雞味呀

  仲有樽裝可口可樂加檸檬


一見個蛋糕就諗起海綿, 仲想一隻手指扲落去, 睇吓佢的鬆軟度係咪可以即刻彈返上嚟

仲記得 N 年前日式芝士蛋糕最初嚟香港, D 人一窩蜂就去試, 排哂長龍都係為買一個芝士蛋糕. 

之後開到成行成市及香港人的新鮮感減退後, 好難再買到嚟食, 今日阿姐買左兩個返嚟充當生日蛋糕, 又可以懷舊一吓.

  雖然唔係在當年出名的伊滕家買的, 但都好好味, 好有 "芝士" 味. 食完 D 飽飽滯滯的 PIZZA, 仲可以食到一件

結業禮

我及爸爸特登請半日假出席家姐的結業禮,  今日我仲係家長義工, 要幫老師手照顧其他同學仔.  可能平時送家姐返學見得多, 好多同學仔都認識我, 有 D 同學仔好鍾意拖住我及主動同我傾偈, 答完呢個又要應付另一個, 真係忙過返工.
家姐又攞到 "好寶寶" 奬
  上台攞完奬, 要趕住換衫表演及補妝
家姐好叻叻,好投入咁跳哂成隻舞
結業禮後返回課室, 老師話今日係 K1 的最後一日, 暑假後升 K2 及轉課室, 家姐要告別呢間陪伴佢一年的課室 la.
學校送的蜘蛛俠即棄影機及班主任送的米奇水壺

Day 6 ~ 大阪 Akachan (3 Nov 05 Thu)

今次冇放埋家姐嚟, 梗係要買返 D 野比佢, 除了有佢鍾意的零食外, 仲去左專賣 BB 用品的 Akachan 睇吓有咩買比佢.
嘩 ..... 成間百貨公司咁有十層樓, 有孕婦用品, 嬰兒用品及玩具等.  淨係BB食品都成佔用成層, 幾十種咁多, 我地行左 3 個鐘.
麵包超人餐用圍巾
Nuk + Combi + Winnie the Pooh 奶樽
Winnie the Pooh 搖搖豉菓子玩具
Hello Kitty + Combi 水杯

2008年6月26日 星期四

suprise

前幾日打開個包仔, 發現有個新的盒仔, 仲裝好我的 memory cards.
好方便啊, 可以裝哂我 D memory cards, 仲要係唔同 size 的都放得 ~~ 咁整齊實唔怕唔見.
唉吔 ..... 上次唔見左部相機, 幾傷心.  唔係心痛部相機, 相機咪買過囉, 最慘係部機裡面 D 相呀!! 唔見左家姐同細佬成個月的相, 細路仔個樣日日變, 冇得影返 KA   
爸爸梗係驚呢個大懵媽媽案件重演!!!
今次爸爸又幾細心 ~~ 多謝哂

2008年6月25日 星期三

Crocs 膠鞋

而家是雨季的開始, 買對膠鞋著方便好多.

揾左好多款, 唔係冇 size, 就係貴, 終於係 TST SOGO 買左呢對價錢合理的灰色 crocs膠鞋.
本來想買對 sharp D 的彩藍色襯返夏天, 但又係賣哂, 我個碼得返灰色咋.
其實 ........ 灰色仲易襯衫

Related Posts Plugin for WordPress, Blogger...

我的大魔怪‧小公主

我的小魔怪‧小王子