UA-44988812-1

My favorite post ~ 親子郊遊樂 ... 點滴揹水行2012 @山頂

2008年4月20日 星期日

家姐畫作 ~ 大肚媽媽 20 JUNE 2008


家姐話 : 

有個大肚媽咪, 

個肚咁大因為有個 BB 係媽咪個肚裡面

Day 4 AM ~ 紀伊勝浦 (1 Nov 05 Tue.)

早餐 : @浦島酒店

日本最長瀑布 ~~ 那智瀑布位 於和歌山縣的那智山,山上瀑布甚多,有「那智四十八瀧」之稱,那智瀑布則是其中最大的一條瀑布,落差一百三十三米,瀑布口寬十三米,平均每秒的水量達一 噸。大抵因為瀑布氣勢非凡,又深入原始森林之中,昔時被奉為大穴牟遲神的御神體。瀑布附近還設有飛瀧神社,也就是觀看瀑布的最佳地點,神社可求籤祈福, 卻沒有正殿,只因飛瀧神社屬於熊野那智大社的一部分。



前往那智大社參拜的表參道,共有四百七十三級石階,兩旁盡是數百年的參天古木,未到神社,已感受到十足的仙氣。藏於深山之中的神寺竟華麗奪目,很有 高人一等的王者氣派。果然根據寺內主持的介紹,熊野那智大社供奉的熊野夫須美大神,是日本神道中創造日本的大神,掌管萬物之生。熊野那智大社亦是全日本四千餘座熊野神社的總壇,自古日本王族都有來參拜的習慣。

熊野神社一旁,尚有佛寺青岸渡寺,一豔一素對比強烈。原來日本神道之中,有神明以佛祖之身降世之說,故此昔日也有神社與佛寺一同參拜的習慣。


 
  係神社旁見到呢架裝滿行李的電單車, 我諗日本浪人就係架住呢架單車到處留浪, 好羨慕呀!!

2008年4月11日 星期五

渟渟變公主

難得放假
家姐梗係唔會放過咁好的機會 ~~ 去迪迪尼玩.

家姐好興奮呀
終於有機會坐米奇列車

因為之前都係爸爸或姑媽駕車去的

米奇列車好靚呀
周圍都係隠藏米奇
扶手呀窗口呀
仲有 Mickey, Minnie, Pluto, Cinderella公仔裝飾.


入到迪迪尼我比左一個 Big Big Big superise 家姐 ~~ 貝兒公主裙
仲可以著條貝兒公主裙在迪迪尼玩, 同公主影相

 (我事先收埋條裙係手袋, 佢唔知 KA)

其實, 佢好想著條公主裙去街街好耐
但我同爸爸覺得好兀突
而迪迪尼咁 fantasy 的地方又另計.

嘩 … 佢開心到即刻去厠所換公主裙, 又學公主擺姿勢影相, 勁攪笑.

親子遊戲日

今日是學校的親子遊戲日
爸爸好忙不能陪伴
由儍媽媽代表參加
仲特登早少少去麥當當食扭扭粉早餐醫飽肚肚先
以便一陣玩玩吓暈低.

所有家長先到 2 樓禮堂集合
學生由老師帶領逐班進入禮堂繞場一圈
每個學生仲攞著啦啦球跑, 好得意.


學校邀請了專業人員 "山羊哥哥" 教我地做親子體操
可惜 ...... 家姐只係鍾意拖住好朋友隻手傾計
好朋友做佢至肯一齊做, 激死.

  做完體操是親子遊戲時間

2008年4月9日 星期三

換季

好熱呀, 好熱呀 .......

放工返到屋企見到 2 隻魔怪已經換上背心短褲.

咁快就要著背心, 遲 D 點算 ????

你話家姐幾 fit, 條褲仔一歲著到而家都啱.

2008年4月7日 星期一

活力健康迎奧運

今朝早會跳了隻新的健康舞 ~~「扶輪活力健康舞」
是迎接二OO八年北京奧運盛事,鼓勵全民運動
倡導健康人生,並計劃在二OO八年四月三十日 ─ 北京奧運倒數100日當天
號召全港學生以及廣大市民齊跳「扶輪活力健康舞」,舞動全城。

呢套健康舞共有 9 式
其口訣及每個動作皆由中國香港體適能總會精心設計
明快音樂節奏,受眾可以學習進行有益身心的健康舞
若持之以恆地練習,有效強化及靈活全身主要關節、改善心肺功能。

對於一個 K1 幼稚園來講都幾複雜, 但家姐都跟到老師的舞步及念到少少口訣.
而家科技發達, 互聯網咩都有, 儍媽媽就下載左個 MTV 及歌詞比家姐練習.   http://www.rotaryvitarobics.org/dance_download.html

2008年4月6日 星期日

禪八 豬牛 Shabu Shabu 放題

Yummy Yummy ........ 

上次食過好好味,  今日再 encore, 日式火鍋放題 - 美國牛肉及沖繩豬肉
包括美國牛肉及沖繩豬肉, 野菜併盤, 扁條麵及日式煮粥, 盛為 HK$390 位, 5 歲以上小童半價.

牛肉肥瘦均 "暈", 牛有牛味, 豬有豬味.

最尾, 記住試埋粥, 好好食. 有專人煮的, 個姐姐首先問鍾意食稀或杰粥
然後 "不" 起多左的湯, 再加飯及蛋落去煮, D 粥吸收哂淥牛肉的湯底精華, 好有牛味.


今日有個日式大房坐, 要除鞋, 但又唔洗曲住對腳.
咁大個房, 啱哂 D 細路, 食飽飽坐埋一邊玩遊戲機及畫畫, 我地又可以慢慢嘆.
紅蘿蔔切到成朵花花咁, 成個野菜盤得 2 個咋.
小朋友有橙汁或蘋果汁送.


菠蘿 sorbet ~~ 好有菠蘿味, 唔太甜, 仲有果肉


好滿足的一天

2008年4月5日 星期六

2008年4月4日 星期五

奧運 Sanrio @ 德福廣埸

德福廣場的裝飾成日換, 仲好靚 tim

今次的主題係响應 2008 北京奧運的運動明星中國遊

最緊要係有我的至愛 Melody.

  細路好易氹咋, 睇吓家姐 ....... 
等位食晚飯的空檔, 同佢玩吓車仔, 去 IKEA 玩吓搖搖馬就開心 LA.

又摘士多啤梨,

今日本來 plan 左 BBQ, 但去到錦田俱樂部車多人又多
BBQ 個位又冇風, 企一陣已經成頭汗, 咪改為摘士多啤梨.

  有很多品種的士多啤梨, 有法國、日本、韓國 .......
可能季尾及早幾日落過雨, D 士多啤梨唔係好靚
一係熟到爛, 一係青 BB, 摘唔落手, 好難至摘到一磅.
細佬就好心急, 一落田, 就指住 D 紅卜卜的士多啤梨要食.

2008年4月3日 星期四

三文魚子壽司

家姐最近愛上三文魚子壽司.

紫菜一直都係佢的 favour, 但三文魚子.... 咁腥
我及爸爸都唔食的, 家姐話 D 波波粒係口度卜一聲好得意喎.

三文魚子咁有營養, 好過食魚肝油.

爸爸話泰國米整壽司有 D 怪怪的, 及好似食極唔飽咁, 不過最緊要係個囡開心喎.

最後, 都係要食宵夜 ............ 九龍城泰國串燒, 咖哩汁 + 蒜蓉包 ...... 正正正

士多啤梨星星餅

家姐有時都幾乖.

今日同佢行 supermarket, 我想買糖糖比佢食, 佢話 "屋企有啦, 唔好買", 本來相中的士多啤梨星星餅都唔買得, 同佢解釋好耐屋企冇餅餅比細佬食至買得.

一番屋企細佬已經發現呢包餅餅, 即刻開比佢試吓, 好香濃的士多啤梨味啱哂佢地. 

我呢張相要引開為食細佬至可以順利完成, 因為我一放粒餅係地下, 就比細佬食左, 佢 D 動作快到呢.......

2008年4月2日 星期三

紅腰豆 (4)

紅腰豆生長記錄
(1)  11/3/08 ~ 用泥種的紅腰豆由學校取回家
(2)  20/3/08 ~ 豆豆謝左, 試用濕棉花種
(3)  23/3/08 ~ 豆豆出芽
(4) 27/3/08 ~ 出左很多細小的芽
(5) 29/3/08 ~ 大芽變粗壯, 小芽鑽入泥土及爪住泥土生長, 豆豆可以企起來
(6) 30/3/08 ~ 小芽差不多全鑽入泥土, 爪得更穏固, 高得快及長出葉
(7) 31/3/08 ~ 長出 2 塊綠葉 
(8) 1/4/08 ~ 又標高左
Related Posts Plugin for WordPress, Blogger...

我的大魔怪‧小公主

我的小魔怪‧小王子