UA-44988812-1

My favorite post ~ 親子郊遊樂 ... 點滴揹水行2012 @山頂

2008年5月31日 星期六

生日邊爐宴

提早同肥哥哥慶祝生日, 正日 6月4日喎, 點同佢慶祝啫 .... 講笑咋
呢班焚化爐好厲害, 掃完成枱食物, 個個都話飽到呢, 但 15 分鐘中場休息後, 攞個生日蛋糕出嚟, 不消 10 分鐘又掃清.
  呢個朱古力奇脆又真係好脆, 入面有 D 好似粟米片的野食到 "short short" 聲及好甜, 都係黑森林好食 D

寫生

 
呢幅作品係咪好似 "花師奶", "別怪他...... 別怪他......"
 

高球手

協康會~第十二課

2008年5月30日 星期五

邊爐

公公放成個星期大假, 最好就係去旅行, 往年他們都會去外旅行, 舊年去左泰國及日本, 但今年婆婆夾唔到, 攞唔到大假.
前日佢兩公婆鬼咁 "梳乾", 去左石澳晚飯兼行街街, 仲試左我勁推介的砵酒蠔, 原個南瓜焗匍汁海鮮.
上次係灣仔譚魚頭食左餐貴到死的邊爐, 成日都想同佢去九龍城利得食返餐抵食又新鮮的補返數.
咁啱婆婆例假, 佢地先去西貢黃石碼頭逛街, 再同我打邊爐, 叫左個蕃茄豆腐魚湯底, 黑栢葉, 手切本地肥牛, 魚腐, 雲吞等
呢個牛魔王一定要試, 唔係周圍都食到, $98 碟, 有牛心定, 牛脷, 牛爽肉, 牛肝, 牛骨髓, 牛栢葉 ...
 
 

2008年5月28日 星期三

花占餅

同家姐行超級市場見到呢隻餅家姐即刻嚷著要買, 連薯片都唔要.
但佢幾時食過呢, 我又冇買過比佢食 ....... 原來係同學仔請過佢食
我細個媽媽都成日買比我食的, 上面層七彩繽紛的糖糖甜甜地好好味, 我叫佢做花塔餅, 而家至知原來叫做花占餅, 爸爸仲話花塔餅係用嚟杜蟲 KA ..... 咁我細個究竟食左花塔餅定花占餅????
 
 

家長觀課

學校安排的家長觀課,特登早少少出門食早餐再同家姐一齊返學.
今日的早會好特別,因為有我陪家姐一齊做早操,我企係佢隔離跟住佢的動作做.
之後,學生跟老師入課室上堂,主任同家長們講解學生平時上課的流程及參觀K2及K3的上課情況,最後當然參觀家姐的上課情況.
今日家姐好乖好乖呀,連我入課堂觀課,佢都只係同我揮揮手,然後好留心咁聽老師講課,仲舉手答問題 ......... 最初有 D 担心佢會好似樹熊咁黏住我唔肯跟老師上堂 TIM

刪除

編輯

+Comment


2008年5月26日 星期一

爬滑梯

男仔真係百厭 D, 回想以前家姐歳半時仲好似舊飯咁.
細佬同樣歲半百厭倦得多, 同佢去會所玩, 唔怕跌又唔驚死, 人仔細細行都未行得穏就學家姐爬滑梯, 但又比佢爬到上去喎, 仲爬得好潇洒 TIM ...... 冇人幫佢 KA

 
 

2008年5月24日 星期六

老點

今日特登請半日假同細佬去藍田健康院打歳半針.
一早去到磅完重 (10.2 kg), 見姑娘做成長觀察, 細佬好叻叻, 跟著姑娘的指示做, 姑娘比左幾粒木製積木叫細佬疊高, 又叫佢講媽媽, 爸爸.
帶定食物諗住打完針 "tum" 細佬, 但姑娘話細佬最好下個月至打針喎, 因為呢支針同上次支針相距11個月咋, 唔夠一年, 發揮唔到最好的效用喎 ....... 咁上次又唔同我講, 今日咪唔嚟, 下個月一次過做成長觀察及打針, 又要嘥多半日假
10:30 已經攪掂哂, 又嘥左半日假

協康會~第十一課

家姐曳曳唔肯瞓晏覺, 冇得同細佬一齊返學.
今日的主題 ~ 眼睛.
導師比不同顏色的玻璃紙及太陽眼鏡比佢地, 睇吓不同顏色的事物.
下半堂, 分 2 組活動, 一組自由活動, 可以玩波波池, 搖搖馬及盪千秋.
另一組由導師帶領入去感光室, 導師先關燈再開燈, 讓小朋友感覺黑暗及光
細佬第二次入嚟玩 LA, 所以就算熄左燈, 佢都唔驚.

2008年5月22日 星期四

感慨

而家早左返工, 盡量早 D 收工, 陪佢地玩.
收工好似平時咁邊行邊打電話同家姐傾偈, 佢聽到我的背景有紅綠燈的 "嘟嘟" 聲就估到我已經收左工, 返緊屋企, 佢好開心咁同我講 "媽咪, 今日咁早收工, 未黑麻麻喎, 以前妳好夜至收工架.......好野, 可以陪我去會所玩"
聽到佢咁講真係有 D 唔開心, 原來佢好想好想我多D陪佢玩.
仲有原來會所個遊戲機牌照到期 LA, 個電子遊戲機, 碌保齡球及藍球機唔玩得,  另外添置兩部新機.

2008年5月17日 星期六

白石 BBQ

好想食燒雞翼好耐, 咁啱涼涼地最好就係 BBQ

帶埋單車, bubble 及羽毛球比小朋友玩, 大有大食, 細有細玩, 各得其所
細佬又比人話妹妹, 一定係架粉紅色 Hello Kitty 單車出事

架單車好好用, 除了可以踩, 仲係細佬的私家餐椅

協康會~第十課

家姐好乖呀, 跳完芭蕾舞返番食支奶就即刻瞓晏覺
咁乖梗係要帶埋佢陪細佬返學, 其實唔係陪細佬 ....... 係一齊上堂至啱.
個導師叫家姐坐在細佬隔離一齊玩, 又特登派多一份教材比佢.
家姐玩得幾投入

2008年5月13日 星期二

豬油撈飯

係咪睇見都想食呢??? 定係睇見就滯呢???
而家瘦身熱潮下, 個個都話減肥, 但我地仲去食呢 D 咁高脂咁高膽固醇的野

 
其實好...好...好... 間中食一次冇壞的, 何況今日係我媽媽的農曆生日, 佢話要試吓喎, 梗要滿足壽星婆的要求.  今晚老豆夜班, 三丁友就去左九龍城粗菜館晚飯.
好抵呀, 叫左三個餸一桶豬油撈飯三個人食, HK$170 啱啱好.
招牌抄豬雜
招牌抄魚腩
魚湯浸勝瓜
之後仲買左一客泰式椰汁糕 ($20 / 6 件) 比老豆宵夜.



2008年5月11日 星期日

母親節禮物

第三次過母親節, 之前兩年家姐仲細根本唔明白咩叫母親節, 冇特別慶祝
今年好特別, 收到家姐親手畫的咭及紙花, 仲用普通話唱左首媽媽好.  

細佬都食榴槤

雖然我食榴槤, 但一次都係食到一件, 所以寧願買靚少少的嚟食, 上年係九龍城永富買左個新品種的榴槤 "乾腰" 勁好食, 諗住買個考敬老豆都買唔到.
上個月老豆生日諗住買個靚靚榴槤比佢食, 打去永富問過話要 5 月至有, 咁啱今日返屋企食飯慶祝媽媽的生日及母親節, 咪去永富撞吓彩, 真係有得賣 ....... 不過就勁貴 $30 一磅 $240 一個, 肉痛到呢 .............
新 品 種 : 乾 腰
今 年 永 富 專 程 由 泰 國 運 來 的 新 品 種 , 坊 間 暫 時 未 有 得 賣 。 當 造 期 特 短 , 只 約 在 五 月 。 屬 金 枕 頭 的 一 種 , 但 外 貌 呈 圓 形 , 大 小 像 足 球 , 肉 厚 核 薄 , 質 感 如 金 枕 頭 但 更 有 口 感 , 熟 後 肉 呈 金 黃 , 味 與 香 比 金 枕 頭 濃 , 但 比 青 尼 清 , 相 信 會 成 大 熱 。 約 $16/ 磅 (2007 年的價錢)
$240 得 4 粒咋, 佢會同你開左放落外賣盒, 方便攞走
  細佬幾識食, 一打盒蓋即刻嚷著要食, 連黏著义的榴槤肉都要食埋, 一D都唔嘥

刪除

編輯

+Comment


2008年5月10日 星期六

荃灣廣場~遊樂場





靚靚尿片褲

幾個星期前訂的奶粉終於送到 LA, 本來兩星期前送貨的, 但又話貨未到香港, 搞到失哂預算, 得返一罐奶粉頂成個星期, 家姐下午飲少一餐應該夠用的.
包尿片褲好靚...小鹿班比, 但個包裝粉紅色女仔D喎
包游泳片褲仲靚, 係 nemo 嚟, 仲型過著泳褲,
不過好貴 $32 / 3條

協康會~第九課

上次的課程已完左, 今日係另一個課程的新開始, 連導師都換左新的
今日又早左返嚟, 係度玩住玩具 warm up 先, 門口個職員姐姐話冇見 2 個星期細佬又大個仔左.
之後又見到之前的導師 Minnie 姐姐, 佢個肚又大左, 我諗有左 4 個月啦, 佢同細佬打朝呼, 但細佬只掛念玩玩具
細佬已經熟哂呢度, 自己周圍行,又坐車車, 又玩滑梯
  今日的主題 ~~ 手
  打皮球及保齡球, 仲係我的至愛 My Melody  波波
 

2008年5月6日 星期二

下午茶

每逢農曆初二及十六公司都會拜神, 拜神梗係有脆皮燒肉, 白切雞及豬脷, 再加上阿姐煲的粉葛蠔豉排骨湯及蒜蓉西蘭花, 呢個午餐真係飽到呢.......
食飯時華哥口多多, 被我地屈請食下午茶 , 到 4 點半仲飽飽滯, 之前餐晏都未落隔, 個個都話食唔落, 諗住留返聽日食, 但華哥好難屈 KA, 聽日一定唔認數.  但睇見個 MENU 的下午茶餐及瑞士雞翼鬼死咁吸引, 叫吓叫吓就叫左 1 份公司三文治, 8 隻瑞士雞翼, 3 份西多士, 1 份避風塘雞翼, 2 份司華力腸拼薯條, 盛為 ...... $280, 拆開 D 外賣, 大家都以為食唔哂 ....... 但 10 個晏就食到飽飽飽滯滯的人..... 竟然掃清哂 ......
 
 
Related Posts Plugin for WordPress, Blogger...

我的大魔怪‧小公主

我的小魔怪‧小王子