UA-44988812-1

My favorite post ~ 親子郊遊樂 ... 點滴揹水行2012 @山頂

2008年8月31日 星期日

清水灣一灘游水水

通常去清水灣二灘, 一灘都係第一次去

泊完車, 見到果條又長又斜的樓梯, 嚇到呢

我及傻爸一人揹住一袋沙灘玩具及毛巾
再抱住小魔怪行落去 ~~ 

行落去都好呀, 玩完攰到死, 再行條咁長的樓梯上返嚟, 真係死得

不過, 呢度又真係少人D, 望番過去二灘人多到呢, 針都插唔入
家姐及細佬最初唔肯落水, 淨係玩沙
一吹脹個水泡, 兩個都爭住要
佢地攬住個水泡好自然咁潑水踢腳, 都唔洗點扶住, 係側邊磅住就得


係沙灘玩完, 我地先送兩隻小魔怪返屋企, 其他老友記搵地方食晚飯
兼同黎氐抗儷慶祝生日...佢地都好有緣, 兩公婆分別係 9月1日及9月2日生日呀
~ 家姐聽日返學要早d瞓, 唔可以同我地玩到咁夜 ~

老友話搵到個好正的地方BBQ
佢地話架車駛到蠔涌係咁直駛, 見到成豐片場第六號片場就到喎

但蠔涌果條路黑漆漆, 人及車都唔見, 真係一路一驚心
只係跟住老友記的指示係咁直炳, 炳到一個好大的停車場停低
因為周圍都唔見有路, 諗緊係咪行錯路要走之
有架車駛過仲好熟路咁向遠處左邊駛入, 咁我地咪試吓囉, 真係有條路喎...

可能太黑我地睇唔到條路, 好快就到 金喜花園
嘩 ... 好有泰國 feel 呀, 見到咁正的環境之前驚嚇的旅途都忙記了
每位 $138 任食, 呢班大食老友食完兩大盆食物, 連個 Tiramisu 蛋糕都清埋

2008年8月30日 星期六

高球手

之前去過銅鑼灣果間, 但 TST 呢間地方寬敞 D, 舒服 D

order 左肉醬意粉 set lunch 同家姐兩份食
儍爸食左野,只 order 杯西柚石榴汁...
有西柚又有石榴味,誰又搶不到誰的味, 好好飲 

冇 order 湯, 都比兩大個餐包, 個包好熱好脆, 平時唔食餐包的我一個人食左半個
非一般求其 set lunch ~ 
意粉先用茄汁抄好, 鋪上肉醬再放焗爐焗

好味到, 飽飽地的傻爸都食兩啖


2008年8月27日 星期三

番薯粟米粥

多年前去台灣旅行, 朋友介紹一道台灣菜地瓜粥 ... 地瓜係咩???
... 咪係蕃薯囉

兩隻小魔怪最鍾意食粟米, 再加蕃薯煮粥 ... 又甜又香
... 煮好的粥顏色鮮豔, 又黃又橙, 一定能引起小朋友的食慾

愛吃的細佬唔洗叫已經自動埋枱拿起 spoon "不" "不" "不"
就連平時食飯慢吞吞的家姐都食左兩碗耶

2008年8月25日 星期一

俗語有話  "日有所思, 夜有所夢"
家姐鍾意公主到連瞓晏覺都夢到
頭先佢話有野同我分享, 就係瞓晏覺時發左個夢
夢到自己變成人魚公主, 坐係窗邊睇風景, 之後就醒左 …
我問佢 : 咁你咪好似魚咁有條尾, 識游水囉
家姐笑笑答: 係呀!!
勁攪笑
Ariel

2008年8月24日 星期日

游水好好玩

昨晚家姐已經話今日早餐要試呢個米奇朱古力醬搽麵包
唧唧裝又真係好可便, 唧完用刀搽, 乾淨好多
不過, 細佬都係食到成塊面都係朱古力醬

家姐成日都話想落去泳池游水
今日終於夾到表哥表姐一齊去

雖然冇咩太陽可能會涼少少
一於照去可也
唔係又唔知幾時再夾到時間
細佬一見個水泡不知幾興奮
著定鞋等我地

2008年8月23日 星期六

2008-08-23

細佬 D 奶粉得番兩罐, 又係時候入貨 
~~ 又比機會我 shopping 喇


買完野唔知食咩好
咁啱有錶位整定去正冬打邊爐
咁耐冇食 D 野 keep 得住

今晚鮑魚仔特價 $28 隻 ... 勁新鮮及鮮甜
食完仲有甜品送, 凍杞子桂花榚唔太甜, 好啱夏天食

仲去卓悅買左幾支指甲油同家姐扮靚靚

揹帶待領

急欲會晤育有四個月男嬰的中國藉女子
見 blog 速聯絡本人取揹帶一條

阿潔姨姨 ... 你條揹帶已經車好好耐, 快 D 攞啦
唔好再用果條唔啱 size 的 sling, 好危險的, 會跌 BB 落地的

今次條揹帶藍白色, 好易襯衫, 仲整多個袋仔比你裝野, 係咪好正呢???
咁幾時攞呀!!!

仲有 Winnie 姨姨, 你條揹帶啱用嗎?? 如果唔啱 size, 即管出聲, 車過條比你.

 
 

2008年8月22日 星期五

9 號風球

9 號風球 "鸚鵡" 又多一日假期 ~~
最開心都係兩隻小魔怪, 又可以黏住我地

晨早八點唔洗返工梗係再瞓啦,但比兩隻小魔怪噪醒,瞓唔返

見冇雨咪諗住落街食早餐,但細佬黏住。。。又冇得去

好彩咋,轉頭已經落雨,仲要落到咩都睇唔到。。。早餐??? 唯有食即食麵

之後同家姐整返個黑加侖子啫喱做今晚的飯後甜品先
  D 黑加侖子啫喱倒左入杯, 好似一杯杯的紅酒咁

打風最好的節目就係睇戲, 所以小魔怪家庭影院又開幕啦

睇咩 VCD???
... 梗係一家細都啱睇的 "柴犬奇蹟物語"
故事改編自真人真事好感人, 睇到我濕濕, 家姐及細佬睇唔睇得明我就唔知
但佢地好鍾意隻狗狗, 家姐仲記得狗媽媽叫 "麻里", 三隻狗 BB 叫 "包" "剪" "揼"

改編自真人真事,2004年10月23日下午5時56分,新潟縣發生6.8級地 震。石川家的爺爺優造及小孩阿彩,受了重傷被困在瓦礫中,就在此時他們聽到了家中柴犬麻里的聲音,牠更不顧安危,一邊照顧自己的孩子「包」、「剪」、 「揼」,一邊叫喚優造和彩子給予他們生存的勇氣。最後自衛隊趕到把所以居民救了出來,可是卻遺留麻里和三隻小狗在災區 !

在沒有食物下,麻里仍然盡力守護著三隻小狗,在避難所的阿彩和哥哥亮太得知暴風雨快來臨,兩人決定開始展開他們的拯救計畫!究竟麻里和小狗們可以獲救嗎?牠們跟石川家的家人可以團聚嗎?

《柴犬奇蹟物語》由梁家輝、梁詠琪、孫耀威、胡楓、Jacky仔感人聲演。


食完晚飯, 食返杯甜品先, 傻豬細佬以為啫喱係果汁, 好豪咁...乾杯

飲唔到, 咪 "不"嚟食囉

2008年8月20日 星期三

我都會嬲嘅

今朝一如往常, 成家人浩浩蕩蕩出門返工返暑期班及買餸

落到樓下, 細佬邊行邊叫住家姐 "等埋 ... 拖拖"
細佬想拖住家姐手仔一齊行呀, 但家姐冇理會佢, 自故自行, 細佬當然唔開心啦

行到街口要分手時, 細佬分別錫錫媽媽及爸爸
當家姐又要錫錫 goodbye 時, 細佬回過頭唔比家姐錫錫 ... 報復家姐頭先唔彩佢

... 家姐仔, 細佬就好似你的鏡子, 你想佢對你好 D, 你先要對佢好

2008年8月19日 星期二

我今日玩得好開心呀

呢句就係家姐一見到我講的說話, 佢話今日遊船河玩得好開心啊!

昨晚家姐去左細姑媽屋企過夜
方便今朝一早去遊船河 ...

要返工, 冇我份呀
淨係放工 join 埋五隻燒豬食飯咋
... 家姐, 表哥, 表姐, 細姑媽及細姑丈曬到紅卜卜
全部變哂燶左的燒豬

佢不知幾乖, 冇發脾氣, 又肯食野喎 ... 日日係咁就好喇

表姐仲送左副黑超比佢

細姑媽: 遊船河好好玩, 下次記住預埋我份, 我會聽話的
以上說話係家姐講比細姑媽聽的

2008年8月18日 星期一

Dinner @聘珍樓

星期日去左荷李活廣場間聘珍樓晚飯
今日有很多吉枱
可能因為裝修的關係
好多人怕有油漆味及大灰塵
但我又覺得 OK 喎
係有少少鑽野聲
但又唔覺有陣好 "供" 鼻的油漆味

今晚點的菜用水果及桂花做, 好啱夏天食

桂花焗蠔 ~~
D 洋蔥及蠔吸哂清香的桂花味及甜甜地的汁, 好好食, 冇薑蔥焗蠔咁漏

  芒果牛柳 ~~ 好味

回鍋肉 ~~ 差 D, 汁多又唔夠辣

2008年8月17日 星期日

@ LCX

係 LCX 間 Suzuki Cafe 食完晏
細佬見到部懷舊彈波用盡九牛二虎之力係咁拉
拉到部機差D塌 ...

唔洗入 $$ KA
個 sales 姐姐仲幫細佬打氣 TIM

2008年8月16日 星期六

第一日返合唱團

昨日家姐第一日上合唱團
收生好嚴謹的
要通過試音才收 ...
不過好似識講野都收

合唱團好啱家姐
佢咁鍾意唱歌
仲可以學埋敲擊樂 (非洲豉呀 ... 佢好想學好耐喇!) 幾好呀!

呢件黃色 Polo-shirt 就係家姐的合唱團制服


我地而家好鍾意用影印機嚟形容細佬

點解???

家姐每做完一樣野或動作
細佬一定跟住做 ...

雖然佢未必做到, 但都會全力以赴, 做到最好

家姐的靚指甲及腳甲

姑媽學緊 GEL 甲及水晶甲
家姐咁細當然唔適合
但貪靚的家姐都要叫佢幫 D 手指及腳指仔油靚靚

仲成為佢第一個及最細的客仔 TIM ~~ 喂 ... 有咩著數先


2008年8月14日 星期四

介片成功 ~~ 算係

點解叫做算係介片成功???

因為細佬日間已經可以唔洗著片片
改著底褲仔, 仲識示意我地去尿尿及 ng ng

細佬好叻叻!!
真係進步神速
三個星期已經介到片片喇!

最初見到佢咁抗拒坐鴨鴨, 仲諗住要個幾月至介到 TIM.
但出街及瞓覺時間仲未夠胆唔著片片住, 還須努力, 細佬加油!!!

** 昨晚差D比家姐激死
細佬話我知去尿尿, 要幫佢手除褲褲, 但家姐阻止我, 佢話細佬可以自己除的, 咁我地咪睇住佢自己除囉, 到細佬個大 pat pat 卡住條底褲仔時, 家姐即刻幫手, 在家姐協助下細佬最後都成功尿尿 ~~ 好感動啊!! 其實家姐都好鍚細佬 ... 唔爭玩具及媽咪果陣

2008年8月13日 星期三

悶爆

今朝個肚唔係好舒服

返到公司老細又出左地盤, 成日冇心機做野

到下午爸爸居然話可以準時收工 ....
真係難得, 爸爸最近好夜收工, 有時返工嚟我地都瞓哂 ... 一於去行街街拍拖拖食飯

好想食日式蟹煱
諗起之前雜誌廣告有個長腳蟹放題, 又搵唔番喎
仲比爸爸個同事串邊有人大熱天時食蟹煱 ka, 熱辣辣

哼 ...
我地最後都係去左和宴食熱辣辣及大熱天冇人食的日式燒烤
點左個肉類拼盤, 牛胸外腹, 麵豉醬牛心及兩碗白飯. 

次次都話想試吓牛內臟, 次次都係食完先記得
今日終於叫左個牛心, 我覺得麻麻地, 但爸爸話好味, 下次試吓牛心頂先.

食飯前, 行左一陣加連威老道, 少不免去龍城入貨, 買左二佰幾元, 人人有份

中間果支洗面係爸爸的, 左面的焗油及右面的 body lotion 係我的

  呢兩枝咁 cutie 唔洗講都知係買比家姐及細佬啦!!! 
菠蘿味洗頭水及西瓜味浴露好香 ka, 啱哂為食家姐及細佬 ... 

原來 Pampers 都有咁 cutie 的包裝喎

  食飽飽, 散步搭車返歸途中, 見到架相熟車牌的車閃過, 即刻跑去睇睇先,
原來係丈丈嚟接細姑媽放工 ... 嘩, 細姑媽做咩咁夜至收工???

我地冇搭順風車喎
食飽飽梗係散步去搭車啦
又比我見到好靚的夜景 ~~
可惜我的技術太差, 影唔到個靚靚夜景比大家睇

2008年8月12日 星期二

Day 5 (晚餐) ~ 定山溪溫泉 (7 Nov 2007)

老友終於記得比番 D 靚相我啦!

大家可以睇吓我地呢晚食的晚餐有幾豐富, 碟碟菜精緻呢好味到呢 ~

絶對睇得又食得完温泉著住浴衣去餐廳今飯, 好地道 呀!!


前菜
               
  刺身盛

  魷魚豆腐

  煎秋刀魚

  呢個好特別, 我諗你地一定估唔到係咩嚟 .... 係新鮮帶子柱加黃芥末醬, 酸酸地好好味

  鷄鍋                 

  甜品     
       

大家有冇發覺張枱墊好靚靚呀!!

上面列哂成個北海道每個地方盛產的名物
好似函館盛產海胆及魷魚
余市盛產士多啤梨及各種水果  ....

我地梗係唔執輸攞番兩張收藏啦!!!

2008年8月11日 星期一

細佬識自己除褲尿尿

細佬好叻叻呀!

昨日朝早我地忙著做自己野, 冇理細佬
細佬索性自己除褲褲坐係鴨仔尿尿
尿尿完仲指住鴨仔同我地講 "尿尿"
但下午去街街都係著番片片穏陣 d

今朝呢
細佬掛住同家姐玩
賴左尿尿
仲整污糟埋家姐條裙
差 d 搞到家姐返暑期班遲到.

但晏晝就叻叻
工人姐姐話佢成日冇賴尿尿
係鴨仔屙左 3 次.

到夜晚仲叻叻
爸爸諗住瞓覺同細佬著番片片穏陣 d
著左一陣之麻
佢就話尿尿
坐係鴨仔即刻尿左 ~~

好叻喎細佬
死都唔肯屙係片片

細佬加油!!! 細佬加油!!!

繼續努力, keep 住咁, 好快就介到片片啦!!!

2008年8月10日 星期日

小叮噹公主家姐

昨日表姐比左件小叮噹裙家姐
佢好開心
仲要即刻著出街

連細佬都忍唔住錫啖家姐先


呢條裙係古著嚟 KA
但仲係好新
琪琪表姐 5 年前買的
再轉桐桐表姐手上
家姐係第三手啦
但條裙仲非常新

其實我好怕D小朋友著D 好隆重的公主裙出街
屋企條黃色貝兒公主裙我地係絶對唔比佢平時著出街的
只可以著嚟出席派對
但呢條綠色小叮噹裙比我的感覺好 causal,
所以我及爸爸都批准佢平時去街街著
  

he .. he .. he .. 家姐間房係咪好靚呢 ~~
佢就想呢
是傢俱店 display 嚟

 

2008年8月9日 星期六

豆沙包

唔知關唔關叮噹事呢??

今朝爸爸撇低我帶左家姐去 Mega Box 睇叮噹電影呀!!!

搞到下午行行吓街家姐話好肚餓想食豆沙包喎
係 CITYSUPER 買左呢個豆沙包比佢頂肚

  個豆沙包好香蛋味, 連細佬都好鍾意食

細佬要坐鴨仔 ng ng

好開心呀!
工人姐姐話細佬啱啱拉住佢隻手去廁所要坐鴨仔 ng ng

第一次 ... 第一次... 細佬識示意去 ng ng, 而唔係賴係褲仔度

記得上次我食食吓晚飯, 細佬突然企定定
再望住地下大叫, 跟住家姐又指住地下話 "好似雪糕呀!!"

又指住枱面碟雞翼 "媽咪 D 顏色似唔似 D 雞翼呀!!" 
... 大佬我食緊飯 KA, 點食得落呀

2008年8月8日 星期五

2008年8月8日

2008年8月8日對我嚟講實在有太多事發生

首先
今日係老細的大喜日子
有同事要 standby 幫手
又有同事落地盤做野
得返我同個妹妹仔留守 Office
冇比佢激死真係好好彩. 

但佢就真係唔好彩啦
比我捉到佢遲到及玩 MSN, 梗係柄佢啦.

至於夜晚的喜宴
梗係 surprise 啦
成三十圍好大陣仗呀!

仲見番好多好耐冇見的舊同事 TIM

 睇完開席前例牌有的溫馨片段
真係好想知你地開始左幾耐呢???

我諗呢個問題好多人都想問, 但又唔敢問
而對於中國人嚟講絶對係一個期待已久的日子
北京奧運會開幕啦. 

飲完返嚟啱啱睇到開幕禮的尾段 ~
前奧運體操代表李寧在鳥巢燃點火炬
真係好精彩呀
搞到我要睇埋其他開幕禮的精華片段先捨得去瞓.

中國人真係好利害呀!!! 北京奧運加油!!! 中個加油!!!

2008年8月6日 星期三

八號風球勁 hea 日

多得颱風 "北冕" 掛八號風球
我地打工一族又多一日假期

小時候好希望每個颱風能掛上八號
就唔須返學或返工, 但人大左就唔咪咁想放呢種假
因為強風及大雨會令到很多人喪失家園及引致很多意外.

今朝如常起身返工
但爸爸話掛左八號風球即刻再瞓
到十點幾至開始今日勁 hea 及勁食的一日.


係雪櫃搵到兩罐好野, 試左右手邊果罐蘆薈桃汁 ~ 有很多蘆薈粒粒


呢個好好味 ~ 好濃的朱古力及好脆呀, 家姐及細佬係咁食

  又搵到盒買左好耐的桃味蒟蒻粉及甜品杯 ~~ 哈... 哈... 有甜品食啦



Related Posts Plugin for WordPress, Blogger...

我的大魔怪‧小公主

我的小魔怪‧小王子