UA-44988812-1

My favorite post ~ 親子郊遊樂 ... 點滴揹水行2012 @山頂

2008年3月31日 星期一

不一樣的喜宴

喜宴去得多, 但 "學" 佬人擺酒都係第一次去, 場面墟淨係女家都 60 圍, 包哂成間酒樓. 現場有歌唱表演, 由開席唱到散席, 音響勁吵耳. 但長輩們勁 high, 中場仲 high 到除衫跳舞.




同枱的老友記好似餓鬼咁, 已經 10 個人坐一圍, 但每上一道菜不消幾分鐘即掃清, 夾慢D 都冇得食, 最恐怖的係.....連尾聲的炒麵炒飯及糖水都清埋. 好彩成枱都係識左十幾年的丈友記, 唔係失禮死.

2008年3月28日 星期五

10 年啦

今日係結婚十周年 ~ 錫婚, 時間過得真快, 十年的轉變真大, 亦令人成長, 昔日的黃毛丫頭變為 2 個小孩兒子的媽媽, 以前成日諗住去邊玩及旅行, 而家的世界只有 2 隻小魔怪.

咁的大日子梗要大事慶祝, 之前已經 計劃好 2 日 1 夜澳門 2 人世界.

3 點乘坐新開不足半年的路氹金光大道金光飛航往澳門, 好新好乾淨好舒服呀, 坐位陣皮味好勁, 仲有行李架裝行李, 勁似飛機艙



第一次到氹仔碼頭, 澳門機埸就在隔離, 如果要到澳門搭飛機, 記住搭呢隻金光飛航, 方便好多.

一落船就有酒店 shuttle bus, 不消幾分鐘就到威尼斯人渡假村.




嘩 ...... 間酒店勁大, lobby 超 grand, 保安嚴密, 有 security guard 防白撞.

至於房間 ........ 果然係豪華套房, 個厠所大過屋企睡房外, 設備整全, 電視都有 2 部一人一部唔洗爭, 有 fax 及寬頻上網方便繁忙的人, 茶包都有幾款任揀, 最開心有我的 favour peach 及桂花味茶包, 好香. 可惜, 冇靚靚海景, 但有個開揚遠景, 下面係 Golf 場.




放低行李後, 本來去路環試朋友介紹的酒家食翅, 但去到諗吓嚟到澳門梗係要食葡菜, 香港魚翅幾靚都有, 梗係返香港食. 於是, 又要搭返巴士去黑沙灘試出名的葡菜, 今年農曆新年嚟勁多人等位, 冇食到.



點左燒沙甸魚, 牛仔肉配薯條, 抄蜆. 仲送左 2 個勁脆朱仔包, Yummy Yummy

2008年3月27日 星期四

DIY 菠蘿乳酪脆脆杯

今日媽媽返工, 我又好想整乳酪脆米杯, 點算????

媽媽教過我整, 我敎姐姐咪得 LOR.

雖然冇媽媽整得咁靚, 但一樣咁好味, 仲影低我的傑作比媽媽睇.


2008年3月25日 星期二

Melody 果汁

前幾日係西田見到好 kawaii 的果汁, 除左有我的至愛 My Melody, 仲有 Hello Kitty.

但今次忍到手冇買, 只係影張相留念咋

2008年3月24日 星期一

大清玩沙日

星期六掘唔到蛋, 今日家姐指定要去沙灘玩沙補數, 仲執定行裝換好衫等我起身.

佢地著哂短褲,好襯今日的天氣,但細佬一掂到沙沙就喊




有得食, 即刻笑番





一去到, 家姐立齊沙灘玩具去玩沙沙





"TUM" 左好耐細佬終於唔怕, 仲索性坐係濕漉漉的沙度玩




2008年3月23日 星期日

紅腰豆 (3)

今次用濕棉花好 work, 今朝見粒豆長出芽 la




紅腰豆生長記錄

(1) 11/3/08 ~ 用泥種的紅腰豆由學校取回家

(2) 20/3/08 ~ 豆豆謝左, 試用濕棉花種

(3) 23/3/08 ~ 豆豆出芽

Sweet Sweet

一早瞓醒, 咁靜???

冇理由, 冇左 2 隻小魔怪玩玩具及吵鬧的聲音, 裝吓先 ....... 原來家姐攬住細佬, 細佬又好受落咁挨住家姐睇電視 ......... 好 SWEET, 佢地成日咁樣, 我就舒服 LA.


玩具扭蛋 show @會展

相信冇香港人未扭過玩具蛋, 雖然我地已經做左人地媽媽爸爸, 但仲好有童真, 成日同仔仔囡囡一齊扭蛋蛋, 今次會展的玩具扭蛋 show 有成千部扭蛋機, 仲有限量版, 梗係要去玩吓, 又係原班人馬 5 大 3 小一齊去, 嘩 ......... 好貴 $20 一位仲要大小同價, 好彩日產車會寄左 4 張入場卷比爸爸, 可以買少 4 張 ticket.




入到場覺得有 d 揾笨, 只有賣玩具的展銷攤檔, 扭蛋機佔少少地方, 邊有成千部扭蛋機, 又唔覺有限量版, 仲有好多重覆的機, 咁周圍都扭得, 洗嘜嚟呢度, 早知慳番 $20 扭多 2 隻蛋好過





好彩揾到家姐的至愛公主玩具

戰利品 ~ Cinderella 鏡鎖匙扣,苿莉公主皇冠,艾利奧人魚公主神仙棒,兔兔香氛,米奇貼紙





我地扭得少啦,見到人地扭到成枱都係蛋,應該有成 30 隻.

TV Buddy

一起身去左 Mega Box 飲茶,好正喎,有個窗口位,有個靚景睇吓,仲見到九龍灣展貿個天台有個 TV Buddy 企係到,好 cute 咪影低,但返到屋企見到 TVB 個 ad. 同今日影張相好似??




仲有張二少食飽飽嘆世界的相

DIY 士多啤梨乳酪脆米杯

首先預備食物比細佬先可以開始,否則搗蛋一定會搗蛋



材料: 士多啤梨, 脆脆米, 乳酪





士多啤梨切粒







將乳酪, 脆脆米及士多啤梨逐層鋪上即成



2008年3月22日 星期六

愉景灣運吉行

舊年復活參加過愉景灣的掘蛋活動, 好好玩, 香港好少呢類活動, 又可以當作效遊, 真係一舉多得.




一早已經報名, 家姐好期待呢日 KA, 我仲特登早一日執好沙灘用具, bubble foam, 及野餐食物, 仲有自家製的瑞士汁雞翼





一起床, 見到家姐好乖咁著好衫衫等我地起身出發, 但天陰陰及天氣報告又話有暴雨, 同家姐講落雨不如唔去, 佢即刻扁哂咀, 咪博一博照去, 可能地區性驟雨, 愉景灣冇雨呢?



入東涌的途中已由天陰陰變為落毛毛雨, 但已經去到半路中途, 冇理由唔去埋 KA ...... 去到仲敝, 大風大雨. D 人只係個有蓋廣場行, 唔敢行出去露天廣場





唉 ......沙灘得幾個人, 好彩家姐冇叫出去咋





大風大雨, 唯有嘆返杯 coffee, 順便避雨




家姐好有創意, 冇蛋蛋掘, 自創掘饅頭遊戲 ~ 將細佬食的小饅頭收埋雪糕裡面, 再 "不" 番出來



食完雪糕, 就回程




今年搞成咁, 下年都係咪搞啦, 寧願自己買 D 復活蛋朱古力收埋沙灘比佢地掘, 唔洗山長水遠運吉吉.

2008年3月21日 星期五

創意樓梯

小朋友的創意真係不可以睇小, 今早工人姐姐執野揾到 4 大張貼紙, 家姐如獲至寶, 歡天喜地問我可否貼貼, 試問又怎忍心拒絕?? 但規定只可貼係佢自己房間, 不消一會 4 大張貼紙差不多貼完, 真係諗唔到佢會將貼紙貼係 ................

碌架床的梯貼滿七彩繽紛的貼紙, 梯梯靚哂


和房門, 但佢貼得太低, 搗蛋細佬成日搣返出嚟



同場加映一個 N 年前的 Winnie the Pooh 茶壺
Related Posts Plugin for WordPress, Blogger...

我的大魔怪‧小公主

我的小魔怪‧小王子