UA-44988812-1

My favorite post ~ 親子郊遊樂 ... 點滴揹水行2012 @山頂

2010年3月31日 星期三

Peter Rabbit @Elements

復活節將至,各大商場的佈置都充滿復活氣氛

Elements 圓方的主題是 比得兔暢遊圓方”HOPS & POPS”
邀請來自英國風靡全球的 Peter Rabbit 比得兔
以巨型立體繪本及互動裝置展現 Peter Rabbit 的童話國度


詳情請參考圓方官方網頁
http://www.elementshk.com/big5/hot/promotions.php?pageno=1&id=154


旋轉 Petter Rabbit 比得兔田園

2010年3月29日 星期一

好貼心的試用 ~《美肌之誌》嫩白緊緻納米系列

好開心 ~ 又中試用了
今次唔係試一兩款產品
而是試哂成套《美肌之誌》嫩白緊緻納米系列
試哂成套產品,效果更好喔!

今次試用的主角 ~

嫩白緊緻納米洗顏乳
嫩白緊緻納米眼部精華素
嫩白緊緻納米試用裝



嫩白緊緻納米試用裝內有齊洗顏乳、化粧水、乳液及乳霜



至於,我的試用報告,請耐心等多幾日 ~ 試真 D 再同大家報告

2010年3月28日 星期日

我的結婚周年禮物 ^^

好快又一年,眨眼結婚咁多年了
往年的結婚周年都是外遊,順道慶祝結婚周年
由於今年公私兩忙,加上囡囡又要求一齊慶祝 ... 所以今年留在香港
結婚多年,都老夫老妻冇特別安排慶祝的節目,連禮物都冇準備
反而,囡囡非常雀躍,一早問我地結婚周年的日期,又話要準備禮物比我地
又周圍同人講,連她的幼稚園老師都知道我地的結婚周年

囡囡等了好耐的 "爸媽結婚周年紀念日",終於到喇!
早上一起床,她同細佬仔好乖巧咁送了香吻,祝賀我地 "結婚周年快樂"
... 仲有禮物的 ... 就係她親手畫的賀卡

呢個是信封面 ...

 

呢張就係囡囡親手畫的賀卡
雖然唔係畫好靚,但真係好 sweet ~~ 多謝囡囡 ,爸媽好鍾意呢張卡

2010年3月27日 星期六

真係冇哂面油 ~ Melvita 控油淨膚系列 (下)

上一篇文已經介紹了 Melvita 潔面泡沬

去呢度重溫
真係冇哂面油 ~ Melvita 控油淨膚系列 (上) http://hk.myblog.yahoo.com/estertingho

而家介紹埋 Range Young Skin 控油淨膚系列 ~ 控油乳液
又係好適合夏天或面油多的膚質 ... 亦即係我

=============================

試用產品名稱 :
  • Moisturizing Sebum Balancing Fluid 控油乳液 50ml (HK$280)

主要成份及特徵 :
  • 蘊含白樺葉、白魯冰花、水海拉及蘆薈,能有效補充水分肌膚
  • 控油乳液的乳酪、菊苣、乳香、薑及複合物具舒緩作用,令肌膚感覺舒適
  • 鋅及米有效平衡油脂分泌及控控油,可以收細毛孔同時滋潤肌膚,減少粉刺的形成


只要每次用後確保泵咀冇殘餘的乳液,設計獨特的不透氣泵咀,便能保存最優質的乳液 ... 不被污染,好衛生喔



白色乳液狀 ... 易推開,很快吸收進去



試用期: 7 天

使用方法:早晚於爽膚水後使用

用後感 :

香味方面同潔面泡沬啫喱相同味道,夠一致 ~ 又係有薰衣草味‧茶樹味‧金縷梅花味 .... 混雜一起的香味好特別,聞起來好舒服,好清新,誰也冇搶去誰的味道

一踏入呢 D 又濕又立的天氣,就會好煩惱,又係轉換護膚品的時候,絶不能再用冬天慣用的護膚品,否則就會油光滿面及生粒粒。

而我試用的時候,天氣仲未換涼,氣溫大約 26-27 度,陽光猛烈,正好測試到它的控油效果。

剛塗上面好清爽,冇油膩的感覺。真的好明顥減少了面油及做到控油的功效,因為平時在下午 3 時左右,面上有少少面油,額頭也有少少油光。但在試用期間,冇呢個情況,整塊面睇上去也冇油立立的感覺,最開心係額頭冇了油光,唔洗成日印面光。

總括嚟講,亦是絶對值得一試的產品 ~ 尤其是面油多的 sis.    

2010年3月26日 星期五

真係冇哂面油 ~ Melvita 控油淨膚系列 (上)

上次介紹了好滋潤的 Melvita 蜂蜜糖

click 去呢度重溫 食得放心 ... 來自大自然的 Melvita 蜂蜜糖 ~~
http://hk.myblog.yahoo.com/estertingho/article?mid=3486&prev=3491&next=3427


今次介紹埋 Melvita 的護膚品
好適合夏天或面油多的膚質 ... 亦即係我
Range Young Skin 控油淨膚系列 ~ 潔面泡沬啫喱 + 控油乳液



產品來自法國喔



Melvita 品牌介紹
  • 1983 年在法國的阿爾代什創立,Melvita 今日已成為法國有機美容的領導品牌。
  • 首批取得 ECOCERT 環保有機認證的公司之一
  • 所有產品都符合 cosmebio 的環保有機約章,獲得 ECOCERT 有機認證,保證產品的優良品質及卓越功效
  • 產品經過一連串的測試‧務求在成份,產地來源,生產方法,煉製方法及防腐保質方法各方面,都符合相闗的環保有機標準,才能通過認證機構的認可
  • 所有產品均通過皮膚測試

Melvita Range Young Skin 控油淨膚系列小知識
  • 最少 30% 的成份源自有機配方
  • 所有產品均通過皮膚測試
  • 蘊含天然活躍成份能有效淨心‧修護‧滋潤及平衡油脂分秘
====================================================

試用產品名稱 :
  • Foaming Cleansing Gel 潔面泡沬啫喱 200ml (HK$220)

主要成份及特徵 :
  • 蘊含白樺及金縷梅花花水,能有效補充水分。
  • 具高度淨化功能的薰衣草水及梓,結合具殺菌功效的茶樹油,有效活化肌膚
  • 非皂化的配方為皮膚帶來清爽感覺,而不會損害皮膚


 


試用期: 7 天

使用方法:早晚使用,加水打出泡泡於面上按摩 (按壓一至二下已足夠),再用水清洗




用後感:
未用這個產品前我巳加分,因為潔面泡是我至愛的潔面方法,總覺得面上的污垢會跟從泡泡一起被水沖走 ... 感覺太實在了 ... + 分

Melvita 潔面泡沬好易打出泡泡,只要一泵的成份加少少水,已能打出很 rich 的泡泡 ... 相信冇用開潔面泡的你,都能成功打出好 rich 的泡泡 ... + 分

香味方面 ~ 真係唔知點形容,因為每次我用的時候都會找尋它的香味 ... 有薰衣草味‧茶樹味‧金縷梅花味 ... 混雜一起的香味好特別,聞起來好舒服,好清新,誰也冇搶去誰的味道 ... + 分

洗完面好乾淨‧好清爽‧好舒服,冇乾巴巴崩緊的感覺 ... + 分
總括嚟講,誠意推介大家,絶對值得一試的產品

2010年3月25日 星期四

活龍蝦、安格斯肉眼鐵板薄燒定食 ~ Ichikawa@又一城

呢輪真係做到死,好彩有餐鐵板餐順番條氣

同事 K 同個客食完一致讚好,所以特登驅車去又一城食晏喇

冇錯 ... 係食午餐,唔係晚餐 ... 鐵板午餐 yeah

本來諗住坐 bar ,望住 D 生猛龍蝦及師傳係度表演咁食晏 ... 幾嘆呀

但又唔夠我地坐,唯有坐番 table ... 都好的,唔洗吸咁多油煙

 

哈 哈 ... 我梗係揀最貴的 "鐵板活龍蝦 + 安格斯肉眼薄燒定食"

 

沙律 ~ 酸酸的粟米什菜沙律好開胃



重頭菜嚟喇 ~ 鐵板龍蝦 ... 得半隻咋,不過好新鮮好鮮甜 ... yummy



主菜 ~ 安格斯肉眼鐵板薄燒、炒飯及味噌湯



仲有甜品的 ~ 紅豆糕 / 雲呢嗱雪糕
我就兩款都食哂 ... 大食嘛

唔食牛的同事 K 的魚生飯 ~ 勁多魚生,七彩繽紛的魚生勁吸引



食完餐晏,飽到呢 ... 真係想瞓陣先

2010年3月24日 星期三

飲完汽水唔好掉左佢...

可樂癮有時真係忍唔到的,唔飲真係瞓唔著的
今晚傻爸的可樂癮特然發作
好彩樓下有間 "梗有間係左近" 的便利店咋
即刻飛落街買支可樂頂癮先 ... 一口氣就飲了大半支了


咪住 ... 金蓋可樂 ... 而家可口可樂有個推廣
"全世界熱捧 - 見金蓋奬品兼贈飲超過 1,000,000 份 即中即奬"
即刻反轉個膠蓋睇下 ... 真係中了奬
不過,係細奬 ... 贈飲飛雪水 500ML 一支 ... 好過冇

飲完膠樽裝汽水記住留意個金蓋喇,隨時中個大奬的
詳情睇番可口可樂官方網頁 http://www.icoke.hk/

2010年3月23日 星期二

食得放心 ... 來自大自然的 Melvita 蜂蜜糖 ~~

Melvita 呢個牌子 ... 大家可能比較陌生 
因為 Melvita 去年12月才在 IFC 開設第一間,亦是香港現時唯一的專門店
原來它是 1983 創立的,更是法國天然有機護膚品牌的領導者
(Melvita = "MEL" 是拉丁文蜂蜜的意思 + "VITA" 是生命力的意思)
它的產品有逾 250 項 ECOCERT 有機認證,符合法國環保有機護膚品的標準
 
 
除了有機護膚品,亦有一系列的個人護理用品及保健食品
因為創辦人本身為養蜂專家及品牌名稱的由來,我揀了蜂蜜糖果作為第一個試食品
呢輪天氣乾燥,可以滋潤喉嚨 ... 正
 
 
蜂蜜糖果有三種味道
全部都是低卡路里,不含人造糖、色素及防腐劑
~ 絶對天然,食得放心
 
             蜂蜜味              ‧                 松樹汁液蜂蜜糖果                     ‧  尤加利樹蜂蜜糖果    
 
BA 姐姐好好人,我地一家四口試食完
最後決定買一家大細連小朋友都食得的原味 ~ 蜂蜜味
 
 
HK$60 一盒 200g ... 好似好貴,但有好多粒,多到數唔到 ... 絶對抵食的
一打開蓋,勁香的蜜糖及庶糖味,聞到都潤 .... 我兩隻小魔怪勁鍾意食
如果大人食可以揀有松樹汁液或尤加利樹味 ~ 兩款都有薄荷,涼涼地比較似嚨糖
我自己就鍾意尤加利樹味 ~ 有尤加利的香味、蜜糖味、庶糖味、又有涼涼的薄荷 ... 但為了兩隻小魔怪,犠牲少少喇
 
BA 姐姐好好人,好有耐心講解產品,又唔介意我周圍影
在門口比我發現好得意的動物造型 bathing soap
細細件,獨立包裝,每包一款動物造型 ~ HK$20 一件
 
 
下次可以試埋蜜糖及護膚品


而家至 3月31日列印張 coupon,去中環 IFC 專門店有 2 包試用裝呀
http://beauty.esdlife.com/article/content.php?category=beautynews&id=3485/




2010年3月21日 星期日

一試愛上 ~~ sofina whitening ~~ 淨白去斑

好開心被選中參加今次 she x SOFINA beauté 全新美白系列產品的試用活動
今次試用的產品非常合用 ... 實在勁需要美白去斑喔
農曆新年 (三星期前) 去泰國玩了幾日,雖然已搽了極高防曬指數 SPF50 的面霜,但也難逃曬黑的命運 ... 真的黑了不少耶
SOFINA 全新美白系列正好可以幫我美白去斑 ... 正
------------------------------------------------------------------
今次試用的產品 SOFINA 全新美白系列 ~ 全效淨白精華素 + 淨白重點去斑筆
SOFINA Whitening 全新系列應用全新美白技術,有效解決各種膚色問題困擾!
針對霧斑造成的暗沉不均,SOFINA瀅白菁華含美白有效成分,並搭配高效滲透配方,美白完整滲透注入肌膚。不僅全臉淨白透亮,並可舒緩眼周的暗沉色素沉澱現象。膚色暗沉不均的薄霧陰影消失,重新開啟原生瀅白膚色。
針對黑斑、雀斑等深濃斑點局部美白需求,可再搭配用特SOFINA瀅白淡斑筆,閉鎖性配方將美白高濃度成分完整深入斑點,全面淨白,並特別添加花竹柏菁華,更能促進肌膚代謝更新,順利排出黑色素。
產品詳細參考官方網頁 http://web.sofina.com/hk/whitening/index.html
 

------------------------------------------------------------------------
產品介紹:SOFINA 全效淨白精華素 (SOFINA whitening essence) 22g HK$420, 50g HK$720
主要成份及特徵 :
  • 桔梗美白精華:是SOFINA獨家研發的成分,從桔梗根部提煉出來的精華,有效減少 SCF 的接受口,最直接減少黑色素細胞的數量
  • 洋甘菊 ET 精華:抑制黑色素訊息「內皮素」傳遞,防止黑色素形成,保持白晳素肌
  • AM 色酮配方〈提揀自籚薈及決明子等植物〉:抑制黑色素訊息「SCF」的功能,有效減淡色斑
  • 日本白樺樹精華:高效抑制黑色素細胞的繁殖,將現有色斑高效減退
  • 可用於眼下部位,可減淡眼下暗啞及黑色素
試用期:14 天

使用方法:洗面後使用 (按壓 2下已足夠全臉使用量)

用後感:
白色乳液狀 ~~ 質地輕盈清爽、好吸收、搽上去水水的又不油膩,使一向平間不愛用精華素的我都愛上它喔
有淡淡的桔梗花香味 ~~ 蠻舒服,好喜歡喔
最欣賞它可用於眼下部位 ~~ 連眼部精華素都可慳之餘,更可減淡眼下暗啞,令全面的膚色看上去更均勻

之前在泰國曬黑了的皮膚,看上去冇咁暗沉,膚色也均勻了,也白了少少耶




------------------------------------------------------------------
產品介紹:SOFINA 淨白重點去斑筆 (SOFINA whitening stick) 3.7g HK$450
主要成份及特徵:
  • 桔梗美白精華:是SOFINA獨家研發的成分,從桔梗根部提煉出來的精華,有效減少 SCF 的接受口,最直接減少黑色素細胞的數量
  • 金雀花精華:在色斑部位令皮膚細胞的析陳代謝由絮亂回復正常,促進黑色素排出
  • 日本白樺樹精華:高效抑制黑色素細胞的繁殖,將現有色斑高效減退
  • 洋甘菊 ET :抑制黑色素訊息「內皮素」傳遞,防止黑色素形成,保持白晳素肌
使用期:14天

使用方法:洗面 → SOFINA 全效美白精華 → SOFINA 淨白重點去斑筆 (於斑點部位塗抺 2-3 回)

用後感:
無色素 ~~ 好天然喔
筆狀設計 ~~ 衛生、方便、易用
面上的黑斑有輕微的減退,可能試用的時間尚短,相信持續使用黑斑減退的情況會更明顯 ~~ 會繼續使用,我要打走色斑 ... 色斑走 走 走


2010年3月18日 星期四

HK$12 McDonalds 醒晨早餐 ~~ 仲可以免費升級嘆優質即磨咖啡

昨晚睇到麥當當個廣告話醒晨早餐只係 HK$12 ... 好抵喎
送完兩隻小魔怪返學,就去了麥當當買早餐了
但望 "暈" 成個 counter,都唔見有 HK$12 個醒晨早餐的 poster
長途跋涉專登嚟買喎,冇理由空手而回既,好彩多口問個姐姐至知咋
... 佢仲話可以免費升級嘆優質即磨咖啡

=========================================
更多醒晨早餐資料
http://www.mcdonalds.com.hk/chinese/food/evb.htm
=========================================


today's choice
火腿扒芝士漢堡 + 優質即磨咖 (HK$12)
單買一杯即磨咖啡都  HK$11.3 ... 抵到呢



聽朝食咩飽好呢???

2010年3月17日 星期三

令人懷念的北海道茶香~~

之前在公司個櫃桶見到包好野 ... 就係呢包茶葉
去過北海道的朋友應該到過呢間 Cake Shop "LeTAO" 潮聖的
它的芝士蛋糕好出名,好好食的

--------------------------------------------------------------------------------
有興趣可以到呢度重溫我的北海道9天自駕遊的遊記
http://hk.myblog.yahoo.com/estertingho/article?mid=1143

---------------------------------------------------------------

好簡約的包裝 ...



呢包茶葉是我上次去小樽,嘆完 cake set 之後買的
放了兩年 ... 終於開封了
好彩賞味期限有三年,還未過期呢
傻爸已經批死我買了一定唔會沖嚟飲 ... 差D比佢批中



其實一向飲開港式奶茶的,喜歡它的香香滑滑及濃濃的茶味
在北海道都是第一次飲冇糖冇奶的傳統英式紅茶
但出奇地好飲 ... 一飲便愛上了
原來冇糖冇奶的紅茶更能突出茶香
茶香停在口腔內久久不散耶

但好奇怪 ... D 茶葉有陣檸檬香味???



好掛住北海道的美食、北海道的靚景、北海道的人情味 ...........
幾時可以再去呀!!!!
好想放假,好想飛 ...............

2010年3月15日 星期一

好食推介 ~ 椰絲柚皮糖@泰昌餅家

泰昌餅家因為前港督彭定康都幫襯佢的蛋撻而出名
本來想買件馳名蛋撻,但賣哂
不過,比我發現到另一樣正野 ... 就係 "椰絲柚皮糖" (一包八件)
HK$8一包,HK$15兩包,HK$20三包

HK$15兩包,我買了一包椰絲柚皮糖及一包椰絲薑糖

 

每件四四方方、大大粒、唔太甜的軟糖
我兩隻小魔怪鍾意楂住慢慢咬 .. 慢慢嘆
有椰絲味、又有柚子味、唔太甜 ... 作為兩隻小魔怪的零食就啱哂
但我覺得柚子味淡左少少及軟淋淋的軟糖好黏牙 ... 不過都好食的

 

 

真係有柚皮的

2010年3月13日 星期六

面上貼金 ... 好矜貴的 Sassou 金箔精華素

如果講黃金 ~~ 我只聯想到首飾及足金擺設、或者食物 ... 金箔月餅
萬萬估不到可以用在美容上
我今次介紹的就是護膚品就有金箔
亦即係上次果份 "唔知點攞的禮物"
可以此重溫 http://hk.myblog.yahoo.com/estertingho/article?mid=3246
金箔護膚品及 sassou 這個品牌都是首次使用

品牌介紹 (Sassou) 資料來自官網 http://www.sassou.com

Sassou 是日本殿堂級護膚生產商,已有超過 50 年歷史的護膚品牌颯之爽日本社採用了矜貴的黃金與鑽石,研製出金箔系列』及『礸石系列』護膚品。
香港現時未有專櫃,有興趣的可要到灣仔專門店


金箔的功效

早於遠古時代,埃及,中國及日本的婦女已懂得把金箔用於護膚上,其抗氧化,美白及延緩衰老的功效┴山2獲得世界各地的護膚專家的肯定。 他們深信金箔的微量元素及礦物質確實對冗膚有著莫大的益處。同時千足純正的金箔能產生負極電離子,它的活性成分對皮膚細胞便有消炎,達至抗衰老的護膚目的。

產品介紹 ~ Sassou 黃金系列皇牌產品 『金箔精華素 Goldwaver Essence』

蘊含自金沢的千足純金箔,容易被皮膚吸收的水溶性膠原蛋白,橄欖葉及多種天然植物精華,有效加強皮膚纖維的彈性及細胞滋潤度,令肌膚回復緊緻及柔軟,重拾光采。

今次試用的是試用裝,但價值不菲喔 ... 5ml 要賣 HK$338

 

真的有金箔喔 ~~ 大大片的,也不少喔

 

日本製造 ~~ 信心保證,可安心使用

 



個人膚質 : 混合性 + 缺水敏感肌
使用時間 : 1 星期

使用方法 : 每天晚上洗臉及爽膚水後,倒出大約一毫子份量的 sassou 金箔精華素塗抹面上,在有金箔的地方慢慢打圈按摩一陣,金箔便會溶入皮膚吸收進去,之後再塗面霜。

用後感 :

透明液體狀,好易推開,塗上面後感覺水水的,清爽又唔笠 ~ 好舒服

最初以為一片片的金箔好難溶,但只要用指尖慢慢打圈按摩一陣,金箔真的溶解了,吸收進去 ~ 好神奇喔

冇香味 ~~ 好天然喔

唯一的缺點就是太貴了,如果平 D 就好了
Related Posts Plugin for WordPress, Blogger...

我的大魔怪‧小公主

我的小魔怪‧小王子