UA-44988812-1

My favorite post ~ 親子郊遊樂 ... 點滴揹水行2012 @山頂

2008年1月30日 星期三

暖笠笠跳跳虎拖鞋

放工返嚟,一扭開鎖匙,就見細佬一搖一擺咁行過嚟....好似企鵝 

仲有佢對腳仔著左對暖笠笠拖鞋..今次要讚吓工人姐姐,識得摷返出嚟比細佬著






我係麥芽糖???

送完家姐入課室,預備走的時候,被老師叫住話有野同我講,以為咩事. 

原來佢話昨日茶點食麥芽糖餅時,家姐同陳主任講 ”食麥芽糖,咪好似食緊自己咁”,陳主任抓哂頭,然後家姐再話我個名叫 XXX,係咪好似麥芽糖 

2008年1月29日 星期二

模擬年宵市場

今日及明日都係模擬年宵市場的活動, 學校佈置到年宵市場一樣, 學生都穿著中國服及便服上學, 好有新年氣氛.




2008年1月28日 星期一

傻媽媽生日

又大一歲啦!!! 今年最最最開心就係聽到細佬唱生日歌 "Ha...ppy bir.....day to u, Ha....ppy bir.....day to u...."




家姐好鍾意食呢個芒果蛋糕, 食完一件唔夠, 仲要多一件

2008年1月27日 星期日

Little Gym 生日會

今次拉車邊嚟到呢個生日會, 真係要唔該細姑媽, 因為個壽星女係佢的朋友的小朋友.

今次生日會的地點好方便, 在尖沙咀新世界中心地庫的 Little Gym, 我地飲完茶, 就同四個小朋友去生日會玩, 細佬就最開心, 又可以去街街同食野.

生日會分兩部份, 頭一個鐘由導師帶領小朋友在 Gym Room 玩集體遊戲及體能運動, Gym Room 裡面好安全, 周圍有軟綿綿的墊保護, 佈置又色彩鮮艷. 細佬一入到去就好新奇, 樣樣都想玩, 周圍行周圍玩, 捉都捉唔住. 家姐就怕羞, 一定要爸爸陪住至敢玩體能運動, 到玩集體遊戲時就驚, 只在一邊睇, 陪都唔敢玩.

玩完之後, 就到另一間房開 party, 切生日蛋糕及食野.





2008年1月26日 星期六

多謝姨姨!! 好鍾意 Cinderella袋

今日家姐好開心,又可以同佢的好朋友~~正正玩

姨姨真客氣,又陪佢地玩,又送禮物



家姐勁勁勁鍾意,下午出街,都要揹住個袋

Annual Dinner

2008年的新開始勁忙碌, 除了要農曆年前趕起個世紀裝修, 仲要統籌公司年夜飯的事宜, 呢 2 個星期都成 8:00 至收到工.

年年都係淘大鴻X食, 但今年個傻人幫我留錯日子, 而26/1又係好日, 揾唔到另一間酒樓, 侷住係紅磡鴻星. 但呢間鴻星真係麻麻地, 碟頭細, 味道差, 樓底矮地方焗促, 房間細, 個台放左禮物又冇位企, 待應返應慢及冇common sense.

我的同事去到打麻雀叫佢比杯雪碧, 佢好好咁提我開席前飲品唔包要比$$, 我話 OK, $$我比同我攞 30 罐汔水, 我就係咁等左20分鐘催左3次, 佢先問除了雪碧, 要唔要可樂 ....... 唉, 咁都要問

今年的禮物好豐富, 全部都想要, 有 2 部 wii, 2 部 PSP, 2 部 NDS, 2 部 DVD recorder, 32" TV等........ 2 份 1 機會我都抽唔中

家長日

今日家長日由爸爸做代表, 因為今晚公司 annual dinner 仲有 d 鎖碎野未攪掂

爸爸攞左個 file 返嚟, 好 cute, 裏面有評估報告, 學校相片及家姐畫的畫, 個 file 用 3 年, 要 keep 好 d, 及要星期一比返老師

老師話家姐比較慢熱, 但已經適應到及發少左脾氣. 雖然早會唔會跟著做早操, 但一入到課室就好投入, 仲會舉手回答問題.


2008年1月25日 星期五

囡囡媽咪

我做左婆婆 la ......
因為囡囡做左媽媽, 佢有個囡囡 la, 仲成日抱住囡囡揹住個手袋去買餸 tim




今日家姐約埋細佬食飯





家姐比錢....... 梗係食豪 d


公司裝修進度

裝修左咁耐, 吸左灰塵咁耐, 終於見到少少成果, 但未可以搬返自己個位, 因為電話及寬頻仲未搞掂

2008年1月20日 星期日

包腳連身夾衣

細細 3 個月大已經冇著呢 d 包腳連身夾衣, 今日係屋企揾到件, 仲係好大件 .......... 邊有成歲 bb 仲著包腳款 ka, 學行的時候咪 '扇' 死 .......我都係瞓覺著咋

           

K1 上學期結業禮

今日係上學期最係一日及結業禮, 家姐有個 "好寶寶奬”........ 係咪豬肉奬嚟 ...... 就連家姐都問 "我冇做早操, 點解都可以攞到好寶寶奬???"

 

2008年1月19日 星期六

公主圖畫

爸爸之前係太源街買左呢套公主圖畫, 裡面有 12 張圖畫及 2 枝蠟筆
只要用隨盒附上的蠟筆係圖畫上面掃掃掃 ......... 就會畫到一張好靚的彩色公主畫
 









2008年1月12日 星期六

咬耳仔

好痛呀 ........ 媽咪, 家姐咬我

 
 

木製玩具

爸爸個朋友送左 2 箱木製玩具比我地, 有我諗住買比細佬玩的 4 合 1 木製玩具

  

家姐揀左呢套火車
 

呢套準備送比桐桐表姐的 4 歲生日禮物 ---- 好大盒 ka, 惠儀姨姨執定位擺 la

大埔海濱公園

平時經過成日望到, 今日第一次入去行, 呢度好大, 有玩模型船水池, children palyground, 放風箏的地方.

我最鍾意呢度種的花, 顏色好鮮艷, 好靚 ---- 好似北海道的花田

   
 
 

2008年1月10日 星期四

20個貼紙換番個 Now TV

其實家姐有一樣野好似我, 就係一樣咁硬頸. 好似今次 now 事件咁, 其實佢好想好想要番個 now, 但又唔肯認衰同我地講, 我同爸爸唯有比個下台階佢, 但一定離唔開最令我頭痛的食飯問題.

我同爸爸決定試吓用貼紙奬賞的方法, 如困果佢乖乖地食哂碗飯就有一個貼紙, 儲滿 20 個貼紙就比番個 now 佢 ...... 而家儲到 5 個貼紙 la

2008年1月8日 星期二

剪髮 剪髮 細佬又要剪髮

細佬出街成日比人話似女仔, 上星期六係圖書館門口又比人話妹妹仔好得意喎
係咪佢 d 頭髮太長呢

剪髮 -- 前


剪髮 -- 後


剪髮前後分別係咪唔大呢??? 但其實已經剪左好多 la.

泥膠原來好好玩

小朋友的喜好成日都變,記得家姐以前上 playgroup 其他小朋友興高采烈地玩泥膠及剃鬚膏,她只會企埋一邊睇,佢最怕那種黏立立的感覺.  但今日佢話老師之前同佢地玩泥膠好好玩, 想同細佬玩.  
好好彩, 揾左一輪, 終於比我揾到幾包細細包的泥膠 ........... 有得玩 la
   

2008年1月5日 星期六

靚靚 限定米奇片片

有人話養育一個小朋友要 400萬,我同意 ka, 奶粉, 尿片及供書教學等 . .......
今日又去左供款, 即係幫 2 隻魔怪入貨, 買左尿片及食物, 今次隻米奇片係限定版仲有埋米妮....好靚呀.....但 $$ 一樣, 冇貴到喎

2008年1月3日 星期四

再見 .... Now TV

都唔知點解 d 細路唔鐘意食飯, 淨係鍾意食薯片及糖. 

呢輪家姐食飯慢吞吞, 又含住成口飯唔吞, 真係冇哂辦法.  今日我諗住用冇得睇佢最鍾意的 NOW TV 嚟 "TUM" 佢乖乖食飯, 食飯前佢都話 OK, 但食到一半, 又含住啖飯唔吞, 咪提佢食唔哂碗飯就將 now 比番哥哥, 佢扁扁咀冇出聲.  咪叫爸爸拆線, 以為可以嚇吓佢食埋剩餘的半碗飯, 但都係唔 work, 咪真係叫爸爸拆線及收埋部機. 

好奇怪 ......佢居然好安靜咁睇住我地拆個 NOW 落嚟, 冇喊喎 ...... 好奇怪, 真奇怪.......平日佢一定會喊, 然後會叫我地唔好拆 

2008年1月1日 星期二

新年快樂

祝各位

新年快樂

Happy Happy 2008

送張靚仔相比你地 -- 2008年影的第一張相

 
Related Posts Plugin for WordPress, Blogger...

我的大魔怪‧小公主

我的小魔怪‧小王子