成班人比個爐玩死

昨晚同班老友又邊爐飯敍, 一個月至少一次的飯敍,
地點當然係阿神屋企, 坐得耐又可暢所言,
但就辛苦阿神, 又要洗野又要招呼我地呢班嘩鬼.

原來個電磁爐都好辛苦, 仲辛苦到要反抗,
一開機就成組電跳掣, 再試多次仲整到間屋跳 fuse, 要管理員開番大掣 ...
咁大鑊, 梗係唔敢再用啦, 即刻落樓買個新的返嚟開餐.

點知 .... 個新的扲極都開唔到機

天呀 ....
唔通今日不宜打邊爐, SET 好成枱食物, 睇得又唔食得, 好慘呀!!!

但好彩仲有成個鐘先關舖
拿拿淋淋落樓換個另一個

唉 ... 今次終於掂啦!!! 食得啦 ....

咪住 ....
都係唔食得

反正都 9 點幾, 唔差在等多十幾分鐘等埋肥仔至食

肥仔今次你有食神啦
成班人 "等" 埋你至食, 唔洗食餸頭餸尾及一個人自 "隊" 咁 loney.