趁著周末一家人去掃貨 ...
掃貨前，當然要醫飽個肚先
哈韓一族的囡囡話想食韓式炸雞
就去了時代廣場附近的耀華街 百樂中心食個晏先
一坐下，點了客我們都愛的 ... 蜜糖芥末香蔥炸雞 HK$188 ... 食住先
可以揀有骨或者無骨，雖然啖啖肉好方便，但都是鍾意『輪』下雞骨
最初以為枱上面的盒是紙巾，原來是膠手套
食雞前先戴上膠手套，就唔怕弄髒雙手
都話了鍾意『輪』雞骨，就由至愛的雞全翼開始
醬汁甜中帶少少酸、又有少少芥末的嗆鼻感
雞皮脆卜卜，裡面的雞肉很嫩滑，加少少爽嫩的蔥絲一起食仲好味呀 !!!
愛海鮮的儍爸點了客 ... 濟洲島海鮮薄餅 HK$160
薄餅邊和底烘至焦脆，面層鋪滿誘人的芝士，下面藏著很多海鮮 ... 蝦、魷魚、帶子 ...
還有清爽多汁的菠蘿粒和蕃茄仔中和了芝士的膩滯感
最後，來個涼爽解暑的 ... 韓式涼拌水冷麵 HK$80
韓式冷麵浸在有冰塊的冰水裡面，附上開半的雞蛋和蟹柳絲和青瓜絲
食前隨自己喜好加入韓式辣椒醬、醋和黃芥辣拌勻，我鍾意每款醬加少少
麵條順滑帶點嚼勁，味道酸甜又有少少香辣，解暑又解油膩呢 !!!
Sodam Chicken
香港 銅鑼灣 耀華街 3 號 百樂中心 7 樓
https://www.facebook.com/sodamchickenhk/
** 以上分享是以我的口味、喜好和情況作出分享及感受，一試 / 合用與否請自行決定
沒有留言 :
張貼留言