假期最鍾意做的事當然就是搵間舒服的餐廳
悠閒的嘆個午餐，再去 shopping 喇 !!!
這日去了灣仔 QRE Plaza 25/F 食西班牙菜
食飽飽，方便儍爸與囝囝去附近太原街睇玩具
我們安排坐在靠窗的梳化位
日光充足，加上開揚景觀令心情都暢快起來，胃口也特別好呢 !!!
先來兩隻小魔怪至愛的 ... 焦糖單骨雞翼 HK$68
外皮的焦糖甜絲絲又焦脆，最正是單骨上，食起來就唔會咁『論盡』
接著，到儍媽的海鮮蕃茄清湯 HK$58
服務員點餐時，特別提醒這個是蕃茄『清湯』，因為怕儍媽誤以為是平時喝的蕃茄『濃湯』
清湯和海鮮分開盛裝，服務員會將壼中的清湯慢慢倒入海鮮碗中
湯頭很清澈，除了有蕃茄的輕甜，仲有海鮮清甜鮮香味
飲下去清爽舒服，很適合夏天的湯 ~~
香煎珍寶帶子配西班牙辣肉腸及黑毛豬火腿
鮮甜的帶子大大粒又夠厚肉，配上惹味的辣肉腸和黑毛豬一起食，味道很夾
雙重芝士蟹肉薄餅 HK$118
薄餅邊烘至香脆，加上濃厚的雙重芝士和鮮甜的蟹肉
仲有面層的木魚絲，味道濃郁又惹味，一陣就被我們食清光
自家製炸蟹鉗墨魚汁燴飯 HK$128
剛炸好的蟹鉗很香，金黃色脹卜卜又夠大隻，咬下去啖啖蟹肉，鮮甜又滿足
米飯粒粒分明，吸滿鮮香美味的墨魚汁
顏色烏黑光澤，飽滿又濕潤，食下去煙韌又有嚼勁
本來兩隻小魔怪嚷著要點客香脆的窩夫，但是見到餐牌上的新推出的甜品
即刻轉口，點了份 ... 西班牙油條 Churros 配雲呢嗱及朱古力醬 HK$58
外層酥脆，裡面鬆軟煙韌，加上面層的糖霜，不沾醬都好好食
但是嚐甜的囝囝囡囡就鍾意沾滿雲呢嗱及朱古力醬來食，至夠滋味喎 ~~
囝囝的凍鮮蜜桃汁茉莉綠茶 HK$39
囡囡的蜜桃柚子茉莉茶 HK$39，整壼以蠟燭溫熱著，味道酸酸甜甜仲有鮮果肉
儍媽鍾意餐後嘆杯咖啡
這幾杯咁有新意的 Novell X Creative Blend 咖啡系列，令儍媽的選擇困難症又發作 ...
Peanut Coffee、Baileys Coffee、Tiramisu Coffee、棉花糖咖啡
全部是由有 60 年歷史的 Novell 咖啡調配的
儍媽最後點了杯 Baileys Coffee HK$58 ... 賣相很吸睛
凍飲來的，甜度啱啱好，面層的忌廉香甜幼滑，混和後飲下去，口感順滑
淡淡的酒香加上咖啡的甘香，雙重醇香，味道層次很豐富
Espuma
香港 灣仔 皇后大道東 202 號 QRE Plaza 25/F** 以上分享是以我的口味、喜好和情況作出分享及感受，一試 / 合用與否請自行決定
沒有留言 :
張貼留言