【星期六、日限定】海老湯拉麵 ♥ 豚道樂

儍爸話好耐無食日式拉麵

趁著放假就去食番碗日式拉麵先

通常見到『限定』兩個字都會第一時間點

因為都是店家推介的招牌菜呢 !!!

所以見到餐牌上的『星期六、日限定』的海老湯拉麵

即刻點了份，仲要是配料豐富點的 ... 特上海老湯拉麵 HK$98

配料有溏心蛋半隻、豬肩肉和豬腩肉各一片、紫菜和很多櫻花蝦

『星期六、日限定』的海老湯拉麵

都話了配料豐富，這碗麵裡面有兩款日式叉燒

有肉味濃郁帶點焦香的豬肩肉和入口柔軟帶點油脂的豬腩肉

麵條可以揀札榥風曲麵或者九州風直麵

這碗特上海老湯拉麵就揀了掛湯力較高的九州風直麵

先呷一口海老湯，湯頭很鮮甜，仲有很濃郁的蝦味 ...

九州風直麵較幼和滑身，麵條的掛湯力很強，夾起麵條時都沾滿櫻花蝦和海老湯的味道

真是啱哂愛海鮮的我 ~~

而喜歡濃味的儍爸就點了份 ... 黑蒜油拉麵 HK$80

這碗經濟之選的配料就無咁多，只有木耳和兩片肩肉或腩肉，儍爸就揀了肩肉

這碗黑蒜油拉麵儍爸揀了麵條較粗的札榥風曲麵，食起來較有口感和彈牙

湯頭的色澤很深很黑，裡面仲有很多炸香了的蒜粒，味道濃厚又惹味

味道不太咸，亦無想像中咁油膩，配札榥風曲麵一起食不錯

食肉獸又追加了一份小食 ... 韓式蒜蜜味叉燒 ... 亦肩肉或腩肉，我們揀了豬肩肉

煎至微焦的豬肩肉，很香

我鍾意夾少少拌碟的菜苗一起食，既增加口感又可以減少少油膩感

仲有這支咁可愛的招財貓汽水  HK$18
飲了係咪可以招福、招財、招運 ...



豚道樂
香港 新界 荃灣 大河道 603 號 卓明大廈 地舖





** 以上分享是以我的口味、喜好和情況作出分享及感受，一試 / 合用與否請自行決定