【2024 年 2 月。大阪】
來到大阪梗係要去丸福咖啡食個早餐嘆杯靚咖啡
創業於昭和九年，由 1933年至今已有 90 年歷史嘅老字號咖啡店
除了關西，關東和九州也有分店
儍媽本來想去滿懷舊風嘅千日總店
最後都係去咗較近酒店嘅梅田阪急百貨九樓嘅分店
11AM 前有幾款早晨套餐供應
也有咖啡送多士優惠
儍爸。curry toast + 熱咖啡 (740yen)
咖喱多士真係第一次食
多士上面塗了一層厚厚嘅日式咖喱，再放上大量芝士
濃郁嘅日式咖喱香加埋拉絲芝士，又幾夾喎
儍媽。mini sandwiches + 熱咖啡 (740yen)
加配了份 mini salad +130yen
餡料有生菜、火腿和碎蛋沙律
雖然講係迷你三文治，但一點都唔迷你，就係正常份量
丸福咖啡係自家烘焙，深焙豆子
濃黑咖啡口感偏苦無澀味，入口香醇順口
見到冰櫃嘅甜品咁吸引又去睇吓 ...
有很多甜品，士多啤梨蛋糕、士多啤梨芭菲、布甸 ...
最後加點了份丸福名物 ... 布甸 (330yen)
呢份係 mini pudding 加了鮮忌廉和士多啤梨作裝飾
擺盤可愛又好打卡 ~~
布甸滑溜，蛋味濃郁，配埋香甜嘅焦糖醬
明明食到飽飽也一下子吃清光 ~~
之後特登去丸福外帶埋心心念念嘅 ... 咖啡布甸 168yen/105g
加入了丸福咖啡打造嘅咖啡布甸
一打開就聞到咖啡香，質感好 creamy
滑滑嘅布甸帶著香醇咖啡香，埋配杯底香甜焦糖醬
甜度啱啱好，入口不會覺得甜膩
仲可以帶埋丸福咖啡返去慢慢嘆 ~~
丸福珈琲店。阪急梅田本店 (阪急うめだ本店)
日本 大阪府 大阪市北區 角田町 梅田阪急百貨 9F
。。。。。。。。。。。。。。。。。。。。。。。。。。。。。。。。。。
【2024-02 日本 關西 8 天自由行】
。。。。。。。。。。。。。。。。。。。。。。。。。。。。。。。。。。
** 以上分享是以我的口味、體質和情況作出分享及感受，一試 / 合用與否請自行決定
** 本網誌內所有文章和圖片均屬本人所有，歡迎參觀。圖文如欲轉載，請先聯絡cheungester@gmail.com ! 如發現未經授權使用，本人將保留一切追究權利 ! 多謝合作 !
My Contact : cheungester@gmail.com (Ester Cheung)
沒有留言 :
張貼留言