留意到轉角位的咖啡店不錯咁
就約了朋友仔來嘆杯咖啡食個下午茶
點了份下午茶餐 ... 美式三重芝士漢堡配 Rose Latte
賣相很吸引 ... 除了高高的漢堡，仲有沙律和一大堆薯條
漢堡包烘至香脆，裡面夾了塊厚厚的牛肉漢堡，漢堡牛味香濃又 juicy
仲有大量惹味的芝士醬，每啖都食到芝士香
加埋醒胃的蕃茄、爽脆的生菜和青瓜，食落就無咁膩喇 !!!
其實下午茶餐的選擇也不少
但是任性的我點了份最新的推介 ... 原隻南瓜焗海膽海鮮意大利飯
因為它有齊哂我想食的海膽、海鮮和原隻南瓜
一直都想食原隻南瓜的菜式，但是我家三隻大小魔怪都唔太鍾意食南瓜，次次點都被人 reject
今次與愛食南瓜的朋友仔一起，當然要點嚟食喇 !!!
原隻南瓜上枱已經夠吸睛，加埋上面成座山咁高的海鮮 ... 真是好驚喜囉 !!!
超足料的 ... 原隻南瓜焗海膽海鮮意大利飯
有幾件香脆的炸魷魚圈、兩隻新鮮彈牙的煎大蝦、青口和幾片香甜鮮味的海膽
南瓜裡面裝滿 creamy 的南瓜汁意大利飯，好味到連南瓜肉都拆埋出來食 ~ ~
飲品 ... 朋友仔的 Iced Rose Yogurt Smoothie 和我的 Rose Latte
Rose Latte 不只心心拉花有層次感，連味道也很有層次感
雖然咖啡面無玫瑰花瓣作點綴，但是飲落去先嚐到玫瑰香味，接著就是濃厚的咖啡香
咖啡香味不會過濃而蓋過玫瑰和奶香，味道調配得好好
店內設計簡約，樓底又夠高，予人舒服放鬆的感覺
一大班朋友可以坐店中的長枱，一個人可以坐靠窗的高枱
而好似我們咁想靜静地傾下心事，就可以坐在店內角落位的二人 / 四人枱
Coffee Jobs
香港 九龍 旺角 廣華街 3 號 百利達廣場 地下 3 號舖
** 以上分享是以我的口味、喜好和情況作出分享及感受，一試 / 合用與否請自行決定
沒有留言 :
張貼留言