日日煮都唔知煮咩餸 ...
儍爸話想食鹵水
咁就買了啲雞腎、雞翼尖和雞翼煮了煲鹵水
再煮多個麵撈點鹵水汁就係這日的晚餐囉 !!!
另外仲氣炸多碟脆麵比愛吃香口食物的囝囝囡囡
氣炸出來的麵金黃色脆卜卜，加點黑醋和糖一起食
酸酸甜甜又香口，完全啱哂佢地的口味
炒點肉絲，埋個芡汁，加在脆麵上面，就是平時在酒樓食的肉絲炒麵喇 !!!
除了肉絲，也可以配沙嗲牛肉、滑蛋蝦仁、豉椒排骨 ...
而我們不太鍾意啲芡汁浸淋香口的脆麵，較喜歡配黑醋和糖一起食
一份唔多夠喉，再來第二碟 ...儍媽將麵條分成四份才入爐氣炸，一人一份食起來更方便 !!!
食材：
全蛋麵 ... 1 個
(用炒麵餅應該好食啲，不過咁啱屋企有全蛋麵就冇另外買喇)
做法：
1. 全蛋麵放入滾水煮 3-4 分鐘，煮至軟身，瀝乾水份，噴油
2. 放入氣炸鍋用 180 度氣炸 10 分鐘
3. ，反轉再用 180 度氣炸 5 分鐘就食得 !!!
** 以上分享是以我的口味、喜好和情況作出分享及感受，一試 / 合用與否請自行決定
沒有留言 :
張貼留言