這日比人激親，心情好差
去了銅鑼灣 shopping 散下心，但是行了陣都無收獲
都是去食餐好的緩和一下心情 ..
就去了朋友早前介紹過的日本漢堡扒及牛扒專門店鋸個扒
因為這兒有個自助吧，點餐 +HK$58 就可以任食自助吧的沙律、湯、飲品和甜品
啱哂好想大吃一頓的我
一坐下，點了份餐就出去自助吧揀搵食喇 !!!
沙律區有很多新鮮蔬菜和醬汁
餐湯亦有兩款 ... 洋蔥湯和粟米湯，仲有麵包脆粒拌湯
飲品有很多選擇，旁邊的汽水機有多款冰凍汽水任揀
也可以揀個茶包泡番杯香濃的果茶或者奶茶
最吸引的是顏色鮮艷又健康的野菜汁和果汁
仲有甜品和雪糕 ...
首先，拎了半碗 creamy 的粟米湯，少少意粉沙律和什菜沙律
蔬菜很 fresh，特登加多些菠蘿粒和什菜沙律一起食，味道酸酸甜甜夠開胃
也可以加少點沙律醬，無咁肥 ~~
仲有是日推介的 ... 檸檬紫蘇汁 ... 味道酸酸甜甜，解渴又消膩
之後，香噴噴的主菜就嚟喇 !!!
鐵板漢堡扒 & 牛扒粒 HK$228
話了要食餐好點，所以 +HK$40 升級至安格斯牛
醬汁分開盛裝，自行將醬汁淋在牛扒上面
鐵板用紙圍著可以避免醬汁四賤
一倒下醬汁，鐵板的滋滋聲和肉香噗鼻 ...
漢堡扒口感嫩滑，肉汁豐富不油膩
安格斯牛肉粒面層烤至焦香，裡面鎖住了香濃的肉汁，加埋帶甜的多蜜醬 yummy
之後，再戰自助吧的甜品 ... 全部甜品都好好食
最鍾意暖笠笠的綠茶蛋糕和撻皮脆脆的朱古力撻
這晚安排了靠窗的座位
享用了一頓豐富的美食之後
最後望著街景嘆番杯 latte 和雪糕，多不快的心情頓時轉好了
Meat King
香港 銅鑼灣 伊榮街 1 號 1 樓
https://www.facebook.com/MeatKingHK/
http://www.meatking.com.hk/features/?lang=zh-hant
** 以上分享是以我的口味、喜好和情況作出分享及感受，一試 / 合用與否請自行決定
沒有留言 :
張貼留言