已經留意到這座百樂中心有其它美食
這日咁啱在銅鑼灣做完野，咁就嚟睇吓有咩啱食
我們揀了 21 樓的法國菜
餐廳環境舒服，居高臨下又開揚的景觀
加上一列靠窗日光充足的梳化座，在咁舒適的環境用餐，心情也好點
我們兩個牛魔王很快的決定點兩份 ...
炭燒美國極佳安格斯西冷扒配三色胡椒白菌汁 HK$138
但是有選擇困難症的我，在餐湯和沙律之間難以決擇 ... 兩款都想食呢 !!
貼心的服務員細心的提點只要 +HK$10 就可以餐湯和沙律兩款都食哂
麵包先來 ...
服務員提著裝滿多款麵包的籃子任你挑喜歡的口味
麵包暖笠笠的，我揀的長條形麵包有麥香，裡面仲有提子和果仁
配搭橄欖油和黑醋一起食，好食到想再添多個 ...
是日鮮製濃湯 ... 香甜幼滑的南瓜湯
估不到 Lunch set 的沙律都咁豐富
咸香的巴馬火腿片包著爽脆的蔬菜、香甜多汁的啤梨和紅石榴，配埋酸甜的檸檬欖油汁
味道清新又醒胃 !!!
主菜 ... 炭燒美國極佳安格斯西冷扒配三色胡椒白菌汁
牛扒表面烤至焦香，有陣陣炭烤香氣，食落去肉汁滿滿、肉味濃郁，不須醬汁也好好味
這兒的環境、服務和食物質素也好好，所以我們兩個大胃王也特別好胃口
每人 +HK$30 多點了兩份廚師精選甜品
清甜多汁的意大利蜜瓜拼荔枝雪皅 ... 擺盤簡單又美觀喔 !!!
荔枝雪皅不太甜，味道天然又清爽
試了加幾滴青檸汁到荔枝雪皅一起食
估不到多了點青檸酸和香的荔枝雪皅仲好味，味道好清新
最後，當然要嘆番杯飲品閒聊幫助消化 ...
Chez Bistro
香港 銅鑼灣 耀華街 3 號 百樂中心 21 樓
** 以上分享是以我的口味、喜好和情況作出分享及感受，一試 / 合用與否請自行決定
沒有留言 :
張貼留言