UA-44988812-1

My favorite post ~ 親子郊遊樂 ... 點滴揹水行2012 @山頂

2016年3月5日 星期六

日本蜜瓜大比拼 ♥ 青森縣 VS 北海道蜜瓜

【2015 年 7 月】


啱啱至寫完去年東京近郊的遊記
諗住開始分享埋上個月名古屋和靜岡縣的遊記的時候
至搵到有篇蜜瓜的分享文寫了仍未發佈添





去年東京之行最後一日去完成田山表參道之後
轉巴士去了附近的 AEON MALL 和激安之殿堂作最後衝刺 ... 掃貨

我呢個師奶當然又去了行超市,見到平時香港賣到好貴的蜜瓜 ...
居然只賣 ... 780YEN 一個
於是買了兩個返香港慢慢嘆 ... 分別產自青森縣和北海道



先試賣相無咁靚仔 ↑ 青森縣產的蜜瓜 ... 有 15 度甜度
在日本超市清楚的標名蜜瓜的甜度,不同甜度不同價錢的

日本蜜瓜有綠色果肉和紅色果肉兩種,買的時候冇留意到 >.<
結果買了兩個綠色果肉蜜瓜返來 ...

蜜瓜底部好似熟了點 ... 或者在運送途中被我撞瘀了 ...
一切開就聞到好香濃的蜜瓜味,瓜皮又薄,果肉柔軟多汁 ... 好好味呀 !!!



另一個是 ↑↓ 北海道產的蜜瓜 ... 12 度甜度
賣相靚仔過青森縣產的蜜瓜,除了有靚靚的網紋
經過長途跋涉的路途瓜頂的 T 字蒂仍然完好無缺



雖然甜度只有 12 度,低過有 15 度甜度的青森蜜瓜
但是食落去北海道蜜瓜的味道較濃郁,又清甜點,好味點

結論 ... 不論賣相和味道都是北海道蜜瓜較優勝



還有第三個蜜瓜,就是朋友在北海道旅行帶返來的手信 ... 名氣響噹噹的 ↑ 北海道蜜瓜

有美麗的網紋,但是瓜頂的 T 字蒂塌了下來了 ...
一切開就見到橙紅色的果肉 ... 好吸引呢
yeah ... 這個是紅肉蜜瓜 ... 終於食到紅肉的蜜瓜喇 !!!

相對青森縣和北海道綠色果肉蜜瓜,這個紅肉蜜瓜果香味最濃郁
果肉亦最 .... 最 ... 最 ... 清甜又多汁,瓜皮又薄,食到瓜皮部分都一樣咁香甜
果汁豐富到一邊食一邊滴,都是用匙舀嚟食最好,最後可以連果汁都飲埋
... 咁就最有衣食,一點都唔嘥喇 !!!

最後,北海道綠色果肉與紅肉蜜瓜作比較的話 ... 我一定揀紅肉蜜瓜 ~~


** 以上分享是以我的口味、喜好及情況作出分享和感受,一試 / 合用與否請自行決定



2015 東京近郊 8 天食買玩 ... 河口湖音樂森林 ♥ 富士河口湖 
2015 東京近郊 8 天食買玩 ... 路邊風味 ♥ 炭燒粟米
2015 東京近郊 8 天食買玩 ... 果園即摘即食水蜜桃放題 ♥ 山梨縣
2015 東京近郊 8 天食買玩 ... 鄰近成田機場 ♥ 充滿江戶時代風情的成田山表參道
2015 東京近郊 8 天食買玩 ... 美食篇 ♥ 成田山表參道 ♥ 川豊鰻魚飯專賣店
2015 東京近郊 8 天食買玩 ... 超市買到 ♥ 好抵飲的梅酒

沒有留言 :

張貼留言

Related Posts Plugin for WordPress, Blogger...

我的大魔怪‧小公主

我的小魔怪‧小王子