假期無所事事
帶埋兩隻小魔怪去了朋友元朗的家玩
之後 ，當然在元朗食埋晚飯至返歸
朋友帶了我們去他成日去的萬芳冰室
仲介紹我們食這兒的招牌菜 ... 沙丹豬扒飯配豉油汁 HK$46
賣相不錯，尤其加了少少豉油汁又水汪汪的太陽蛋
豬扒很大塊，煎到香脆但食落去又不會又乾又靭，還好 juicy
在太陽蛋下面還收埋了兩片煎香了的厚切火腿和菠蘿 ... 好豐富呢 !!!
豉油汁太陽蛋和豬扒已經好好送飯
加埋煎香了的厚切火腿和酸酸甜甜的菠蘿，真是好開胃，好想添飯 ~ ~
輝哥沙茶小鳳蝦炒飯 HK$43
以沙茶醬來炒飯特別香和惹味
除了蝦，炒飯裡面有不少配料 ... 叉燒粒、蛋、菜粒 ...
飯粒粒炒得乾身又不會油淋淋
另外，朋友點了份 生炸大雞脾配沙律 K$32
上枱時真是嘩了一聲 ... 因為隻雞脾真是好巨型 ... 但是形狀就有點怪 ...
反轉來睇就知原來是界開了隻雞脾來炸，所以睇上去大隻了
雞脾不是預先炸好，是即叫即炸的，上枱時熱氣騰騰香噴噴
外皮炸得香脆，肉質鮮嫩多汁
我們光顧時，剛巧有贈『甜送湯迎新店』的著數
除了有家味老火湯和忌廉湯喝
兩隻小魔怪還有啫喱食
雖然是送的，但是一點都唔求其，裡面還有不少雜果粒
也可以揀落唔落花奶添 ~~
萬芳冰室
香港 新界 元朗 建德街 35-55 號 時景花園地下 10 號舖
** 以上分享是以我的喜好、口味和情況作出分享和感受，一試 / 合用與否請自行決定
沒有留言 :
張貼留言