啱啱發現有兩篇食文寫好了好耐
放了在草稿匣未發佈出嚟
『車仔麵』是地道的港式麵食
麵條、湯底及配料都有多款任君選擇
很適合多心的香港人呢
位於佐敦的『麵麵店』... 商台 DJ 小儀也是老闆之一
環境乾淨，裝修簡潔
點了兩份車仔麵早餐 +小食
其中一份 車仔麵早餐 〈車仔麵任選三餸配飲品〉
紫菜、司華力腸、魚片頭米粉配清湯底 + 涷紫貝天葵
用的長身碗，容量比外間的為大，也很足料
紫菜有一大份，食極都有咁
飲品可揀選豆漿或紫貝天葵
一向不喜歡豆類食物的囡囡很鍾意飲，味道濃郁，酸酸甜甜的，有生津解渴的功效
另一份揀選了 豬耳、雞翼尖、豬腸油麵配沙嗲湯底 + 涷豆漿
本來想試薑酒湯底，但小朋友不食得嘛，唯有試沙嗲湯底
沙嗲湯不太辣，雞翼尖好入味
即制蝦多士 (唔記得價錢，好似 HK$25 / 2 件)
多士用了黑色的竹炭法飽，上面塗了一層厚厚的蝦膠
竹炭法飽外層烘得脆卜卜又不乾，裡面還鬆軟的
一口咬下去，食到好香的牛油蒜蓉味，又食到彈牙的蝦膠
至鍾意試新野，這款『咖咉油炸鬼』個名好特別
咖咉多士就食得多，咖咉油炸鬼 ... 咩嚟的 ?????
成碟油炸鬼 ... 咖咉在邊 ???
原來油炸鬼中間塗上了咖咉醬
甜甜的咉醬配搭烘到脆卜卜的油少鬼，好香口，好特別 ... 太熱氣喇 !!!
** 以上分享是以我的口味、喜好及情況作出分享及食後感，合用 / 一試與否請自行決定
沒有留言 :
張貼留言