推介泰國好物 ~ 有香味的驅蚊水

農曆新年假期去泰國玩了幾日，仲未有時間執相寫遊記
但介紹我在旅行時買的一件好物推介比大家
泰國多蚊大家都知，每日一定要噴定驅蚊水保護自己，否則成為蚊蟲的甜品
我在泰國的便利店搵到呢隻有香味的驅蚊水，只賣 30泰珠 (HK$7.5) 30ML

用法方便簡單，只須噴在衣物及皮膚上即有噴驅蚊作用
30ML 的細支裝，方便隨身攜帶，隨時補噴

驅蚊效長達 7 小時，仲有淡淡的花香味，好好聞喔!
買了梗係即刻試用，在今次的旅程中，每日噴了佢至出街 ... 連同行男友人亦愛用呢

閃閃 ... 水晶利是封

年少的時候，好開心到處逗利是，在意的都是利是的 "內涵"

結婚了，到自己派利是，反而在意 "外在美"

尤其是第一年，好鍾意四圍搜羅靚靚利是封，甚至花錢買呢

呢間水晶出哂名的品牌，連利是封都有水晶的

而且每年款式都不同，今年都唔例外 ... 有兩隻好有神的水晶虎眼

一包十個，有一個大封利是封套住 ... 個大利是封我會留住，喜慶場合封 "人情"

 

 

前 3 年的利是封都好靚的 ... 我最鍾意豬年果個

 

 

5 歲小妹妹都去修甲及美甲 ^^

呢個 5 歲就去修甲及美甲的小妹妹咪係我個貪靚的囡囡囉
佢 4 歲開始已經由專業美甲師修甲及美甲喇 ... 當然是在學校放長假期的時候至可以搽甲油喇
得閒又會做吓 hand mask 保養對手

 (可以去呢度重溫"一家三口齊做 hand mask" http://hk.myblog.yahoo.com/estertingho/article?mid=3194)
好彩有個包佢成世修甲及美甲服務的御用美甲師咋 ... 多謝哂!!! 姑媽 ^^

上星期我及傻爸去剪髮，呢個貪靚的囡囡又跟埋去剪個靚髮過年
傻爸醒起囡囡的指甲長了，要修剪，就問囡囡剪了指甲未?
囡囡好自然咁答 "修左甲了，好靚好乾淨"
我個 hair stylist 呆了一陣，成串問號在塊面上 "咁細個細路女去修甲???"

哈...哈 ... 呢個貪靚囡囡今日又美甲了
其實姑媽帶了一大堆甲油嚟是諗住幫婆婆油甲的

但又比呢班貪靚的小妹妹插隊，做完呢 3 個貪靚妹至到婆婆

呢兩個貪靚妹油完甲了 ... 唔敢亂動怕弄花指甲呢

由於時間關係，簡簡單單的油甲
囡囡油了粉紅色甲油 + 白色波點
表姐仔油了桃紅色甲油 + 銀色閃邊

團年飯

今日是牛年最後一個工作天
亦是公司的團年飯
出街食又人山人海，最穏陣是在公司食 ... 盤菜就最簡單方便了

鴻星海鮮酒家 ~ 原隻 30 頭南非鮑魚金裝盤菜

仲有應節的糕點 ~ 煎芋頭糕

好有意頭的生菜魚肉湯

食完飯仲未收工的, 仲要做埋D手尾 ... 好似封利是 ^ ^

學校都有年宵市場 ^^

雖然今個星期六就是農曆新年了，但真係唔多覺有新年氣氛
只是覺得好好好忙 ... 忙咩??? ... 咪公事囉，真係做到氣咳!!!
直至昨日早上，見到兩隻小魔怪著住新年服至 feel 到少少新年氣氛

學校在放春節假期前，一連三日在操場辦模擬年宵市場
有很多野玩的，有年宵攤檔擺賣玩具及年花，仲有熟食檔食蘿蔔糕等

 

最搞笑是有舞獅 "採青"

真係估唔到...送咁大支試用比我 ^^

大家記唔記得我的第一篇試用文係咩???
就係 我的第一篇試用文 ~ Aqua Label 全新升級版「赤之保濕」系列

之前見 Aqua Label 的 PR 跟進其他 beauty blogger 的試用文
但我的試用文又唔見有回應喎，有 D 擔心係咪我的試用文寫得唔好???
點知某個夜晚真係收到留言呀 ... 佢仲同我 say sorry 咁遲至有時間回覆我咁話...
其實係我要講句 sorry 至啱 ... 妳咁忙仲要加重你的工作 ... 咪就係攞試用囉

我見其他 beauty blogger 試用完 Aqua Label 膠原保濕修護面膜都讚不絕口
就厚顏要求一塊試用，另外想試埋它的防晒乳
點知昨日收到一件小郵包，裡面有 2 塊膠原保濕修護面膜及防晒乳 1 支
... 係 50ml 的貨 size 嚟，仲以為得 2 小包試用 tim

多謝妳 Carmen ... Thankssssssssssssss

長腳蟹鐵板燒 @花盃日本料理

特登長途跋涉過海食呢餐 ... 我的至愛但又唔捨得食的日式鐵板燒
銅鑼灣 ~ 花盃日本料理 Hana Sakazuki

7 個人book 了間房 ... 坐得好舒服

未齊人， order 了支蜜柑酒及小食食住等
我鍾意飲的水果酒，好得意的，好似飲果汁咁，有一粒粒的蜜柑果肉
用日本溫州蜜柑釀製，甜甜地好濃的蜜柑味，甜味蓋哂酒味，好易入口

日本溫室蕃茄 ... 點少少海鹽更能帶出蕃茄味

日本漬物 ... 蘿蔔及牛蒡

人齊了, 先嚟個 toro 刺身

再嚟就今日的主角北海道長腳蟹 ...
好大隻喔 ... 長腳蟹鐵板燒第一次試 ... 好好味，勁鮮甜
跟住仲有鵝肝壽司、鐵板燒和牛、黑豚肉、炒野菜及炒飯
掛住食 ... 冇影相

最後，食埋個蜜柑雪芭

分享 SK-II 奇蹟體驗 ~ 送妳一年免費使用神仙水

SK-II 30 周年美麗祝願活動

設計 SK-II 生日卡，並分享妳對 SK-II 神仙水的體驗和感覺
首 1000 名獲選入圍者可得價值 HK$178 的 30ml 神仙水一支
勝出者更可獲贈一年免費神仙水
截止日期是 2009年2月21日，各位 sis 快 D 參加了

http://30th.sk-ii.com.hk/#/game

讓妳安心瞓覺的超長超濶的巾巾

上星期去銅鑼灣食飯，路過 MTR 站口，見人派試用

見到一盒藍色的禮盒包裝，以為係成套護膚試用品 ... 唔執輸湧埋一份

點知係 whisper 新產品，一片裝禮盒包裝的 whisper 超特長夜用衛生巾

40cm 超長超闊雙重防止後漏，一秒吸收  ... 唔怕滲漏，大覺瞓天光都冇問題

有口福了 ... homemade cup cake

自從同事 K 識了個新女友後，我地有口福了
佢好鍾意整野食的，上次的芝士條好香脆好好味的
今次仲勁 ... 整了好 cutie 的 cup cake
一打開個蓋，已經聞到香味了
有三款不同口味，分別是藍莓味，朱古力味及牛油味

我梗係揀 my favour ... 藍莓味喇
面果層好脆的，可以成層揭起 ...
我最鍾意食左面頭脆果層，再食下層好鬆軟的蛋糕
裡面又有好多藍莓醬，但又唔太甜
好好味呀 ...

不過，應該叫佢做 cup cake 或鬆餅呢???

雪櫃仲有個 Tiramisu ... 今日食唔到喇，聽日至食