Day 5午餐 ~ 讚岐烏冬@丸亀製麵所 石和店 (1/4/2009 Wed.)

駕車往石和溫泉途中, 見有間 ABC Mart 即刻泊車入去 shopping

但冇平野執 ... 分分鐘鐘香港買仲平 ... 即閃

見對面間舖很多人排隊, 唔執輸去八吓

原來, 食讚岐烏冬的 丸亀製麵所 石和店... 

吓, 又食 ... 食完士多啤梨放題只係30分鐘咋, 仲飽飽喎

入到店內, 見到所售的烏冬, 天婦羅及飯團等都是店員在店面即製的

好吸引喎

我地即時對望, 明白哂 ... 

一碗兩份食, 唔會好多啫, 一於排隊試吓咁 "新鮮" 的烏冬

排隊的時候絶對唔會悶, 一路睇師傅製烏冬一路影相

首先, 師傅將搓好的麵團放落機器壓薄

Day 5上午 ~ 石和 士多啤梨放題 (1/4/2009 Wed.)

賞完桃花, 下一站梗係去地道果園食時令水果 ... 士多啤梨

但繞極都找唔到旅館幫我地預約左果間果園

一於泊低架車在花店問路 ... 

但 d 人又好似好忙咁, 只係影左幾張 賞一陣花 ... 又起行

 

 

 

哈 哈 哈... 轉左個彎, 就見到果園的路牌

終於到喇!!! 山梨県のいちご狩りなら石和いちご館青柳へ 

30 分鐘【章姬】士多啤梨食放題 (每人 1,500yen)

店員阿姐明知我地唔識聽日文都照講一大堆野

我估係叫我地要將士多啤梨食得乾乾淨淨, 唔好嘥野掛

之後, 帶我地入去溫室

一人派一個膠盒再唧 d 煉奶落去 ... 

叫我地記住要點煉奶食 "好食 好食"

 

點左煉奶的士多啤梨真係好好食, 更能帶出士多啤梨的香甜 ... 冇咁膩

因為我地有預約, 所以 reserve 左呢條 lane 比我地, 有名 ka ... 好尊貴呀!

阿姐仲話只可以摘呢條 lane 的士多啤梨

咁又幾好喎... 縮細 d 範圍 ... 

否則我一定四圍逛四圍揀, 嘥哂 d 時間, 食唔到幾多粒士多啤梨的

  

 

士多啤梨的大小相差好遠 ... 但大細粒同樣咁好味

 

 

 

d 士多啤梨有花的

Day 5上午 ~ 笛吹市賞桃花 (1/4/2009 Wed.)

自助早餐@石庭溫泉旅館

山梨縣 笛吹市...日本第一的桃之鄉

從 4月上旬到中旬，山梨縣笛吹市全市約有30萬棵桃樹綻放粉色的桃花

，以雄偉的南阿爾卑斯山為背景襯托

市內就像被鋪上了一層桃紅色的地毯，簡直就是名副其 實的世外桃源

在市內的小山丘上眺望風景，十分壯觀；

在御坂桃源鄉公園內，除了桃花之外，

還有可以欣賞春花的散步小徑和草蜜桃 / 士多啤梨坪廣場

適合一家大細遊玩。

Day 4晚餐 - 石和溫泉鄉 蟹宴 (31/3/2009 Tue.)

大約 1.5 小時車程便到達石和溫泉 石庭溫泉旅館

 

 

又係因為個勁豐富的蟹宴及露天溫泉而揀呢間旅館

 唔知今晚的晚餐, 係咪同官網上推介的一模一樣呢? 好期待 .... 好期待

 

 ■《贅沢三昧》焼きタラバ＆ずわいの蟹づくし満足プラン 【部屋食】 

距離都會區不遠的『石和溫泉鄉』Isawa Onsen

是山梨縣最大規模的溫泉區

屬於比較新建的溫泉地帶

1961年從葡萄園區湧出高溫的水而誕生的『青空溫泉』因此出名

開始發展成為溫泉觀光區。泉質為鹼性單純泉。由此得名“葡萄園溫泉”。

它是山梨縣最大的溫泉鄉，擁有近150家酒店和日本風格的旅館。

泉水含有：純淨溫泉45~60度 ※可治緩解：疲勞、神經痛、風濕、腰痛。

坐係度睇住佢地 set 枱已經震撼, 成枱都係杯碗碟咁 

・前菜　　三種盛り

・造り　　 タラバ蟹身、鮪手造り、寒八引造り、サーモン重ね、三つ葉

・台物　　 蟹土瓶蒸し、松茸、鱧、海老、銀杏、三つ葉

・中皿　　 ずわい蟹姿造り

・温物　　 蟹茶碗蒸し

・香物 　 　野沢菜

・小付　　胡麻豆腐、とびこ、木の芽

 ・酢物 　　ずわい蟹身と洋野菜のサラダ　和風ドレッシング

・鍋物 　　 タラバ蟹と野菜の鍋

・天婦羅　 蟹、海老、野菜

・水菓子 　旬の果物（メロン、葡萄）

 

仲有一桶白飯

飽餐一頓後, 得番成堆蟹殼

再浸個溫泉, 特別好瞓, 人生一樂也!!!

石庭溫泉旅館 ホテル石庭

〒406-0036 笛吹‧石和町窪中島５８７

TEL : 055-262-4155

http://www.hotel-sekitei.co.jp

Click Here >> 看看哪裡訂這酒店最便宜

Day 4午餐 - 小淵澤 但馬家幸之助炭火烤肉 (31/3/2009 Tue.

旅遊書介紹此烤肉店的材料從自家位於但馬的牧場直接送到

所以品質有保證及價格相宜, 所以列入今次行程必到之地 ... 

最重要烤肉是我地最鍾意的食物

雖然地點偏遠 (唔近 JR 站, 唔開車來不到的), 仍有不少捧場客, 所以我地選擇午餐時間光顧

但馬幸之助炭火燒肉

我地下午 1 點到達, 仍有十多人輪候

輪候方法有別於香港

須自行於掛在門口的名單上留下自己的姓名及人數

侍應有空位便取下名單並呼叫客人名字

侍應即時劃去已入坐客人名字, 等候客人可清楚查閱輪候次序

** 相信此方法只適用於自律的日本人, 換轉香港人一定胡亂塗改 ... 惹來爭執

 

唔知係咪備長炭???

我地睇唔明 d 日文, 餐牌又冇相喎, 求其 order 了兩個 set lunch (860 yen / 1080 yen)

每個 set lunch 都有昆布湯, 沙律, 漬物及飲品

雖然亂點, 但都唔錯喎, d 牛肉好靚, 有雪花紋的 ... 入口即溶, 非常香牛肉味, 勁 juicy

隔離果碟應該係五花腩之類 ... 睇落好肥咁, 但燒完漏走左少少肥油, 入口好香, 一d 都唔肥膩 

另外, order 多碟牛舌 (882 yen) 及牛里脊 (1103 yen)

Day 4上午 - 清里 (31/3/2009 Tue.)

豐富早餐@Estrellita 

我地冇準備結婚紀念禮物比對方

反而 papa & mama 就送了一份好有紀念價值的禮物比我地

 ... 真係 surprise

萌木之村早上 9:40 就到，我們是最早到的客人，店舖都未營業

在寒冷的天氣下，一見火堆即上前取暖。

JR 鉄道最高地点 (野邊山站及清里站之間)

 

美之森展望台 (八之岳中信高原國定公園) 

高居臨下，可眺望清里四周磅礡的山巒景色。

 

天朗氣清時，還可望到富士山！

 

 

東沢大橋 位處八之岳高原線上

是觀賞紅葉的名勝，花了兩年時間興建，鮮紅的橋身，甚為觸目。 

 

 

清泉寮 由有清里之父之 Paul Rusch 博士一手創立

包含住宿、餐廳、商店、牧場等多項設施

當中集放牧場與牧場體驗於一身的Keep Farm

面積足有10個東京蛋之大，飼養的乳牛，能抵受高原嚴寒氣候

令這成為近代高冷地乳酪業的發源地。

 

 

以牛奶做成的雪糕，濃濃的奶味相當可口，是每位遊客必食的 ... 

就算今日只有 3℃仍要一嚐。

 

 

清里站清里盛產乳製品，路邊還有一棟牛奶壺的可愛建築。