豐富 ♡ 海鮮餐 @ 西貢

一班為食同事又出動去刷餐勁
今次真是辛苦同事 K 周圍搜羅平靚海鮮

又 book 埋間相熟的飯間加工烹調
至食到好味又抵食的海鮮餐

 

 先來一大大碟白灼蝦，雖然細細隻，但勝在鮮甜

蘇梅泰好玩 ... 《美食篇》泰式晚餐 @龜島

2012 年 7 月 ... 蘇梅泰好玩 ... 《美食篇》泰式晚餐 @龜島


酒店步行至碼頭的大街只須幾分鐘

大街有食店、便利店及賣精品及服飾的小店
始終是較簡樸的外島 ... 店舖不多、貨品的價錢也較貴

但泰菜都是咁抵食
價錢與蘇梅差不多 ... 一定比香港要平抵食喇 !!!

泰式春卷 Spring Roll (RM80 / 約HK$20)
裡面餡料黃色的，原來是咖哩豬肉餡
怪不得囝囝囡囡話辣囉，但我好鍾意因為好惹味

蘇梅泰好玩 ... 《外島篇》出發去龜島

2012 年 7 月 ... 蘇梅泰好玩 《外島篇》龜島

在酒店食完早餐，去 kids' room 玩了陣
司機叔叔就嚟接我地去碼頭

這個碼頭去兩個外島 ... 帕岸島 Phangan 及 龜島 Koh Tao
我地一早買了船票，去櫃台換番張正式船票就得喇

Samui → Koh Tao 單程 650 Baht (約145) (小童半價)

 

郊遊樂 ... 塔門

我好鍾意旅行 ...總覺得要離開香港至可以放鬆心情去休息
正計畫下次旅行去邊的時候 ...

朋友一句『其實香港好多地方你都未去過?』
諗吓 ... 又真是喎

好似上次的大澳與今次的塔門 ... 我都是第一次去咋
 

日期 ❤ 2012年 5月1日

交通 ❤ 於港鐵「鑽石山站」轉乘 96R號巴士 於黃石碼頭總站下車 
             再乘塔「翠華船務」的船前往塔門 ( HK$9.5 平日 / HK$14 元假日 ~ 大小同價)

 

 

約 30 分鐘船程就到達塔門，碼頭附近有很多漁排

 

我們先由碼頭旁的漁民新村出發至到第一個景點參觀
 

 

天后廟 

在清初康熙年間興建，有一塊不知年份的『魚骨』「葉徐送產碑」，詳述塔門的發展歷程

在往天后廟的階梯前，有一個賣涼果的攤檔 ... 有試食的
囝囝囡囡試過之後，覺得這個柑桔 (HK$20 一包) 最好食，有生津解渴的效

而這樽冰凍柑桔水就是用這款柑桔沖出嚟的 ... 味道不太濃，好解渴
加幾粒柑桔落少少熱水浸一陣，再樁爛柑桔等佢出味 D，之後加冰或者凍水就飲得

 

經過天后廟後，再往前走就到草披地，在這處吹住海風野餐也不錯


沿途有很多涼亭，坐下享受海風，欣賞一望無際的海景，好寫意

 

也會偶而見到牛牛在吃草

步道最著名的景點是 『呂』字疊石

 

沿步道再行二十分鐘便回到碼頭，全程都只是用了二小時便走完一圈

 

 

不過天氣太熱了，即刻到漁民新的茶餐廳開飯 ... 兼休息

塔門的食店不多，我們揀了網友大讚的『新惠和』

當然要試馳名的

 無冰凍奶茶 HK$20 支
原來這處的無凍凍奶茶超過17年歷史，比金鳳茶餐廳還要早
... 好濃郁好滑的奶茶，無冰不會溝淡了茶味，甜度又適中


 無冰‧凍咸檸茶 HK$20 支
香味好似盒裝檸茶咁
應該是柑桔 + 檸茶 ... 飲落去咸咸地又甜甜地，好解渴

 

蝦醬鮮魷抄飯 HK$35
一上枱已經聞到好香的蝦醬味，仲好足料，大大塊的魷魚又夠新鮮，好惹味的抄飯

本來想點網友勁讚的海膽的抄飯，又怕食唔哂
我至愛的海膽 ... 冇理由唔食的，所以點了海膽煎蛋麵 HK$28

賣相好吸引 ... 塊海膽煎蛋大塊到遮著哂下面的麵，裡面仲有好多海膽肉 ... 好足料

麵條也是至愛的出前一丁，不過味粉不是麻油味，是較清淡的雞蓉味
... 咁就不會搶去海膽的鮮味

平時都是生食海膽刺身或壽司
其實熟食都不錯的，用嚟抄蛋仲少了海膽的腥味，多了另一種香味，較易入口

食飽飽又是回程的時候
玩到攰都是比貴少少搭「街渡」(HK$20 位 / 大小同價) 快 D 返去穏陣 D
「街渡」只須 5 分鐘船程就返到黃石碼頭 (渡輪要 30 分鐘的) ... 是咪快好多呢