親子郊遊樂 ... 點滴揹水行2012 @山頂

上次講過今年母親節參加了個好有意義的活動 按此重溫

日期 ❤ 2012年 5月13日‧母親節《星期日》


地點 ❤ 山頂

活動 ❤ 點滴是生命‧揹水步行籌款

目的 ❤ 籌募慈款投入國內「慈善集雨水窖」項目，為農民興建集雨水窖

溫馨組步行路線 ❤ 柯士甸山遊樂場 → 夏力道入口 → 山頂迴步徑 (全程 4KM 約 2 小時)

一早就著住『親子裝』大會提供的步行 TEE 出發

睇下我呢個媽媽今日背包的裝備 ... 郊遊少不了的乾糧

驅蚊香薰噴霧 ... 用來防蚊蟲
Pot of Gold Skin Balm ... 蚊叮蟲咬之後用嚟止痕癢
冰爽薄荷 Tempo ...  行到悶熱時用嚟 POWER UP

由中環坐了 30 分鐘巴士，終於到了山頂
落車時突然落雨 ... 仲要是滂沱大雨 ... 倒水咁
山頂廣場堆滿人，有點担心活動因天雨取消
但又未有任何消息喎 ... 唯有食住早餐等消息喇

嘆完早餐，天色轉晴喇
先到柯士甸山遊樂場的集合地點領取揹水籃及水
 ... 成人揹負 4.5L 水、小童揹負 700ML 水步行

出發囉

狗狗都參加步行籌款，仲著埋大會提供的步行 TEE ... so kawaii

好熱呀 好熱呀 ... 出發前大會派發的扇就派上用場喇

好鍾意這把扇，上面有小克及大泥幾位插畫師設計的水滴公仔

沿途可眺望港島、維港、九龍及離島的全景



要兩隻小魔怪乖乖咁行，當然要搵D零食氹吓佢地

食完野飲水解渴先，順便減磅

步行路線不太長，睇吓風景、食吓野 ... 2 小時就行完囉

到達終點記住到證書簽發處領取證書

之後，仲有精力的可以玩埋『惜水嘉年華』

有小丑扭波波、2-3 個攤位遊戲及魔術表演

記住要珍惜用水，不好浪費喔!!!

點滴是生命 official website http://www.llcs.org.hk/

點滴是生命 Facebook Fanns Page
http://www.facebook.com/pages/%E9%BB%9E%E6%BB%B4%E6%98%AF%E7%94%9F%E5%91%BD-LLCS/114006405331907

一步‧一步。步向光明路 ... 奧比斯『步步獻光明』籌款活動

活動：奧比斯『步步獻光明』
日期：2011年3月27日《星期日》
時間：上午9時30分至下午2時30分
地點：大潭郊野公園‧香港國際學校作起點及終點

奧比斯與美銀美林連續第12年共襄善舉，攜手舉辦「步步獻光明」慈善步行，為中國的救盲工作籌募善款，幫助失明人跨越黑暗，融入社會，步向光明新生。
多年來，奧比斯在發展中國家培訓眼科醫護人員，建設醫療設施，為患者提供復明機會。美銀美林透過教育，協助有需要人士發揮潛能，為員工所處的社區作出貢獻。 2000年起，美銀美林已全力贊助奧比斯舉行一年一度的「步步獻光明」籌款活動，歷年共籌得港幣接近 1,800 萬元，透過培訓、教育，幫助醫療人員提升診 療技巧，讓國內無數失明人達成重見光明的夢想。

悠閒、寫意又有意義的繪畫比賽

聯合國兒童基金會一直十分關注內地兒童的生活狀況。自1993年開始舉辦『中國兒童周』籌款活動，積極同政府各單位緊密合作，在20個貧窮縣推行計劃，致力改善當地的婦女同兒童生活。而今年已經是第18屆的『中國兒童周』，繼續希望為「貧困地區兒童發展」計劃 (LARC) 籌得更多的善款。
「中國兒童周2011」在推廣「貧困地區兒童發展計劃」，活動伊始就是『小畫家大夢想繪畫比賽』的主題活動，現場三千位小畫家做畫參與此次慈善活動，黃曉明透露自己小時候也學過畫畫，現場亦用顏料繪制出七色彩虹。

UNICEF 小畫家大夢想繪畫比賽
日期﹕2011年2月26日（周六）下午 2:00 至 5:00
地點﹕香港跑馬地馬場草坪
對象﹕12歲以下兒童

 

終於有齊一套喇 ... 麥當勞‧特別版星級愛心「熊Bear Bear」

今年麥當勞特別邀請了 5 位對慈善活動不遺餘力的歌手藝人設計的

特別星級愛心「熊 Bear Bear」... 我都有齊一套喇

設計好特別的 ... 可以把「熊 Bear Bear」砌成一個圓圈手牽手

代表各善長人翁只要盡少 少的綿力便可集腋成裘，幫助「麥當勞叔叔之家」的病童

包裝背後亦印有歌手藝人的簽名 ... 劉德華、陳奕迅、容祖兒、林海峰及葛民輝

熊 Bear Bear 的手腳可以扭動的，又可擺出不同甫士 ... 好得意

今日是 ... 公益服飾日 Dress Special Day ~~

大家有冇留意今日好多小朋友著便服揹住書包返學?
點解唔需要著校服?
因為今日是公益服飾日 ...

做善事之餘 ... 小朋友又可著喜愛的服飾返學 ... 幾好呀 ~ ~

細仔今日揀了佢最鍾意的黃色反斗車王 t-shirt 返學

細佬班上有個女同學著了白雪公主裙 tim ~ ~

仲有個靚靚 cutie 貼紙 ~ ~

在山頂過了一個好有意義的母親節 ~~

昨日講過兩隻小魔怪送我的禮物
但我地點過母親節呢?

有睇開我 blog 的朋友一定記得
我地參加了個 好有意義的母親節活動 ~~
有興趣可以去呢度重溫 http://hk.myblog.yahoo.com/estertingho/article?mid=3797&prev=3812&next=3718


日期 : 2010年5月9日 (星期日) 母親節
地點 : 香港 山頂道花園 (山頂廣場)
活動 : 第六屆母親節揹水步行籌款
組別 : 溫馨組
路線 : 山頂道花園→山頂迴步徑→山頂道花園 (全程約一小時)


我地就係著呢件大會送的 t-shirt 去步行籌款
呢套是我家第一套親子裝 ... 我地唔太鍾意著親子裝 ... 總覺得太刻意喇
T-shirt 上的圖案好 cutie 的 ... 有一大一小的小水點揹著水 ... 勁貼今次的主題

我地去到山頂廣場已經人頭湧湧 ... 好多參加者已經到場了

 

義工姐姐好好呀...見到我攞住張印水紙唔識貼，即刻過來幫忙
幫我地 3 個印到幾靚 ~~

一陣我地就係揹住呢個裝住水的竹簍參加步行籌款
身體力行體驗力行去感受長途跋涉挑水之苦
而我最想兩隻小魔怪從中體會水的珍貴 ... 珍惜用水

我和爸爸的大竹簍裝大大支的 5 公升水
仲以為今次活動是由屈記蒸餾水公司贊助

小朋友的小竹簍裝一支 500ML 水

1 2 3 ... 起步

今次活動亦歡迎狗狗參加 ... 狗狗都要揹水的

家姐和細佬都有帶佢地的愛犬嚟 ~~

玩吓、食吓、影吓相，好快就行完全程 ... 以我地的龜速，一個鐘真係行完喎
行畢全程 ... 仲有一張証書及禮物包
個禮物包都好豐富的 ...最緊要有好合用的驅蚊貼及舒緩疲勞的撒隆巴斯鎮痛貼

咁叻叻 ... 少少奬勵 ... 奬佢地食至愛的雪糕雪條消消暑

一個咁有意義的活動，來年都要再參加 ~~

好有意義的母親節活動 ~~

今個星期日就是母親節喇

計劃了怎麼的節目與至愛的母親大人慶祝

我地已經計劃了一個好有意義的活動 點滴是生命 ~ 母親節揹水步行籌款

既是一個親子兼母親節活動，也可以籌款幫助國內乾旱地區籌建雨水窖

點滴是生命 ~ 宗旨
宗旨是

，自成立以來，點滴是生命投入各類的慈善工作，造福社群。主要的活動包括：為國內乾旱地區籌建集雨水窖、多次返回祖國內地偏遠地區賑災、助學、扶貧、及定期在全港
十八區為區內貧苦無依的長者舉辦大型慈善表演和派發物資，探訪老人院等。自 2004 年起，積極投入集雨水窖項目，現已為國內西北部乾旱地區建成23,800眼水窖，為超過12萬人改善缺水問題。



揹水步行籌款活動原來已經是第 6屆了
每位參加者需揹負5公升水步行，身體力行去感受長途跋涉挑水之苦。
同時，亦藉此別開生面的籌款方式引起社會各界關注國內西北部的乾旱問題。
詳情可參閱 點滴是生命的官方網頁 http://llcs.org.hk/index.php?tn=walk&ncid=2〈=tw