九大簋餐 @大榮華

早近公私兩忙，心情又差 ... 冇心機出文
但一講到食 ... 心情就自然好起來
所以出番篇食文氹下自己開心



農曆正月十五‧與一班為食同事到九龍灣大榮華酒樓食晏

啱啱夠一圍人，點了 精製九大簋 12位用 ... 盛惠HK$1,000

九大簋餐跟一大桶白飯，配豬油及頭抽

好有壓力的一大桶白飯，估唔到都食得哂喎

特別訂製的 ... 圍村宴 @元朗大榮華

新一年真的有食神呢!!!
今日沾朋友的光可以食到呢餐圍村菜
... 佢話唔係咁容易訂到的，要熟客至訂到的
手寫的菜譜 ... 好少見到呢，而家大多是 PRINTER 印製的

懷舊小菜飽點 ~ 大榮華酒樓@九龍灣

上星期同班好友好友聚餐，今日至有時間出文
平時同呢班大食積都係打邊爐 ，邊等邊食最方便 ~ 但食得多都悶
今次終於都轉食小菜 ~ 仲揀左勁多人的大榮華酒樓

之前就係因為怕左人多，又冇得訂枱，要在酒樓門口攞飛仔 ~ 等成個鐘至有位
奇怪喎，居然接受電話訂枱 ~ 仲要係晚市最旺時段 7 點的 8 人枱
唔知係咪新鮮感過了，定係經濟不景 ~ 7 點去到仲有枱，根本唔洗訂枱

嚟到大榮華一定要點的豬油撈飯
砵仔白飯配美味棧的頭抽及豬油 ~ 懶理高卡、高脂及高胆固醇，食完至算

點少得我的至愛鱔
今次揀了梅子豉汁蒸鱔
我覺得酸酸甜甜的梅子醬配肥美的鱔，好好味
但朋友覺得梅子醬同鱔唔多夾 ~ 真係好睇個人口味

另外，仲點了幾款懷舊家鄉小菜
砵仔蠔、韮菜蝦乾炒豬青肉、拖地叉燒、魚菘浸菠菜、五味雞

仲有酒樓阿姐極力推薦的臘腸卷
一籠八件點食 ??? 佢話 4 個人嚟食都點一籠，我地 7 個人點會食唔哂。
真係食唔哂包走，不過人地唔係成件包走，而係食個飽皮，包走條臘腸
吓 ... 比著我會食條臘腸，放棄 D 飽皮囉
最後呢籠臘腸卷都比我地食哂 ~~ 冇得剩

臘腸的精華 (臘腸油) 全部滲入飽皮內 ~ 好香好好味

平時，食完飯再 order 甜品我絶對贊成
但今次例外，因為個甜品又係勁 heavy ~~ 奶黃餡的馬拉糕
不過，熱騰騰香噴噴的馬拉糕擺在前面，真係好難抗拒 ... 又食了半件

今晚真係食了好多好多野
數完自己都嚇親，7 個人全部野食哂 ~ 冇包走

3 款小食、6 碟小菜、1 籠臘腸卷 (8 件)、1 籠馬拉糕 (4 件)、幾砵豬油撈飯