試用預告 ~ 留住青春的 BIO Beauty

好開心呀 ... 今次試用的名額只有5個咋 ... 都比我中到，真係超開心
更加開心的是可以試用我的偶像 "邵美琪" 代言的產品 ... 同我的偶像一齊見證呀

昨日攞左返嚟了 ... 好啱我的 ... 係可以留住青春的 BIO Beauty 2 盒  (HK$348 X 2)



遲 D 再同大家報告
請留意我我的試用文了

~~ 待續 ~~

陽光與海灘之旅終於成行了

我班老友每年農曆新年都會遠行，因為大家都有成個星期假期，柴嘩嘩去玩不知幾開心
但農曆新年呢D長假期去旅行真係勁貴
本來已經hold了機票去台北吃喝玩樂幾天，但大家都係鍾意泰國的陽光與海灘多Ｄ
而家至嚟轉軚??? 離出發只有一個月咋，邊樹搵10張機票呀!!!
最後諗到由澳門去發去曼谷，上機前仲可以在澳門玩玩食食至飛
但返嚟就辛苦D ... 坐完飛機仲要轉船返 HK

** 第一次搭呢間航空公司，咩都要$$的，連行李寄艙都要收 $$

計劃的行程
HK → 澳門 → 曼谷 → 沙美島 → 曼谷 → HK

安排行程呢D咁辛苦的事，唔洗我操心
最最最重要是買番套超勁防曬 ... 咪曬到成隻黑豬仔返嚟
各位 sis 有咩好介紹呢 ....

窩蛋生牛肉 @K11

TST 開了新商場，梗係要去行吓

D 舖頭唔太啱行，就去搵野食

本來諗住去地庫間 "梅林" 食吉列豬扒，但多人到呢

行哂成個場之後，揀了呢間 "牛" ... 因為我地係 "牛魔王"

 

"牛" 是一間西餐廳，燈光暗暗，很有情調的，很適合情侶談心食 candle dinner

 

每枱都有一大籃麵包，有 6 款不同口味 ... 食哂都飽了

 

但配佢獨有的醬料，我地真係食哂成籃麵包

牛油唔洗介紹了

另一碟是 olive oil 及啡色 + 白色的粒粒 ... 原來是地中海口味的醬料，由多種香料 + 芝麻粒 + 鹽混和而成的

食法是先將麵包沾少少 olive oil 再蘸地中海香料食的

有墨西哥香料的羶味及好似新疆的孑然粉的味道 ... 很特別的味道

 

傻爸的蟹肉龍蝦湯 ... 一放低已經聞到勁香的龍蝦味，好想 order 多個自己飲

好清甜及濃郁的龍蝦味，又有勁多蟹肉及龍蝦肉

湯仲跟了三片蒜蓉包配芝士碎及芥末醬

 

傻爸的黑豚肉

好有豬味及好鬆化的豚肉，配埋個好特別的甜酸梅醬 ... 好好味

 

我的主菜終於出場了

一放低時，我真係呆左 ... 窩蛋生牛肉 ... 有冇嚟錯左 ???

 

 

點菜時根本冇心機睇個鬼文餐牌，見 beef tartar with garden salad, bread and potato chips，咁多野食，咁抵就點了

根本冇留意 beef tartar 是生牛肉，但冇理由唔食咁嘥的

將隻生鵪鶉蛋混和牛肉後，當餡料搽上麵包上食

食落口又冇想像中咁恐怖咁血淋淋，反而好有牛味 ... 好好味

個醬料味道又幾特別，有多種味道，酸酸地甜甜地辣辣地咁

原來由十幾種醬料混和而成的，有芥末醬，tobaso及洋蔥粒等

牛肉也是選用澳洲西冷牛扒

 

最後，嘆埋杯咖啡 ... perfect 的一餐

傻爸的 expresso + 我的 coffee  

fnb blog中有奬的禮物 ~ 小王子頸鍊

之前講過有一篇網誌被 fnb 選中為11月份 10 大精采網誌之一

份禮物攞了返嚟了

~~ 小王子頸鍊一條

重慶大廈 ~ 自家烏冬 Jika Udon

最近興食烏冬 ，開了很多手打烏冬店，但一間都未試過
昨日咁啱去 TST 重慶大廈攞試用品


順道去地庫的「自家烏冬 Jika Udon」食晚飯

~~ 終於有機會食即製的讚岐烏冬



亦令我想起之前去日本食的即製讚岐烏冬丸亀製麵所 石和店

會唔會都係咁好食???

想睇更多我今年3月去日本《東京近郊為食8天遊》的日誌 click 呢度
http://hk.myblog.yahoo.com/estertingho/index?l=f&id=41



講番香港先 ~~~

很多餐廳的手打烏冬都是師傅手打後遠從日本運到，運到香港已是多日後 ~ 怎會新鮮呢?

自家烏冬雖然唔係即製的手打烏冬，但都是即製的機製烏冬 ~~ 新鮮耶!

~~ 顧客更可看到廚房製造及煮烏冬的過程

menu 是我至愛的紫色



又是我至愛的日本 feel 茶杯



薯仔蝦沙律 (配芥末醬汁) ~ 好特別的醬汁，有少少 wasabi 味



天婦羅冷烏冬 ~好抵食，居然有兩隻蝦天婦羅
天婦羅唔油膩，浸完醬汁都冇淋，仍脆卜卜
烏冬鋪在冰上，賣相好靚 ，食落煙韌又有交口



吉列炸豬扒釜揚烏冬 (熱的) ~ 即用木盆盛著熱水浸的烏冬
沾上混和羌+蔥+蘿蔔蓉的醬汁食 ~ 特別喔，冷烏冬的食法，熱食都是第一次

我的第一篇試用文 ~ Aqua Label 全新升級版「赤之保濕」系列

首先，多謝 theZtyle.com x Aqua Label 抽中我

可以試用Aqua Label 全新升級版「赤之保濕」系列 ~ 升級版水凝導入、高密度水潤配方
很適合缺水的我

今次的試用活動有三個組別，我抽中Group 2 ~ 正是我心儀的試用品呢

一收到電話即刻接佢地返屋企

真係好開心 ~ 第一次試用就有咁豐富的試用品

Moist Emulsion S/R 膠原保濕乳液 (滋潤型)
Aqua Enhancer MO 高效保濕導入液
Pore Coat Essence 透明毛孔遮瑕膏

 
紅色的包裝好 grand

 
品牌介紹
肌膚乾燥、肌理零亂、毛孔明顯粗大、失去彈力的肌膚，
是因為肌膚中的膠原蛋白與玻尿酸隨著年齡減少而導致的。

「水保濕系列」完美結合水潤、彈力美肌所必需的膠原蛋白、玻尿酸、海藻醣，
及野玫瑰精華等多重複合保濕精華，與能深層滲透、鎖住滋潤的高效活膚水因子，
將肌膚渴望的潤澤養分，滴滴透入肌膚底層，打造充滿彈力、水潤飽滿的透嫩美肌。


Aqua Label是日本資生堂的產品‧made in Japan的 ~ 用得放心

Moist Emulsion S/R 膠原保濕乳液 (滋潤型)

成分 : 雙重透明質酸及受膠原GL

特點 : 在肌膚形成保護膜

使用方
法 : 使用膠原保濕水後，倒出約5 角硬幣大小相若的份量於化粧棉上，輕拭抺全面
 

我的用後感 :

不會很黏稠 ~ 偏水狀的乳液很易推，亦很快吸收
量不須太多 ~ 5角硬幣的份量足夠抺均全面
如用量太多 ~ 就會黏膩，少少量就可以了
有淡淡的香味 ~ 絶不濃郁，好好聞耶!

Aqua Enhancer MO 高效保濕導入液

成份 : 導入滋潤成分

特點 : 含大量獨家研發的「導入滋潤成分」 Aqua Synergy，
            給乾燥肌膚加倍滋潤，瞬間舒媛乾涸的角質層

使用方法：用化粧水及乳後，倒出約 5 元硬幣大小相若的份量於化粧棉或手心並輕拍全面
 

我的用後感 :
透明的水水的液體 ~ 像化粧水一樣
我不愛用化粧棉，將導入液直接倒於掌心，兩手合掌輕搓一下後再輕拍在面上
剛擦後，皮膚看起來有少少油亮亮的 ~ 只是一陣子的
待完全吸收後，有非常水嫩的感覺 ~ 也没有油膩感
連續使用十日後，皮膚的保濕度提升了，皮膚變得比前有彈性及柔嫩，保濕效果真的不錯
 

Pore Coat Essence 透明毛孔遮瑕膏

特點 : 10 秒間迅速遮蓋粗大毛孔，同時將滋潤滲透至角質層

使用方法 : 用於早晨保養的最後一道程序，取適量於指尖，
                   以畫圓方式均勻塗抺於令人在意的毛孔粗大部位。亦可補粧時使用。
 
小秘缺 : 使用中指指腹，以畫圓方式使成分滲入肌膚
                勿過度搓揉‧即可達到平滑完美遮蓋的效果。
 

我的用後感 :
毛孔遮瑕膏??? 我沒有化粧的習慣，怎試用???
其實這產品很多人稱之為零毛孔遮瑕膏，可以遮蓋粗大的毛孔
不化粧的都可以用的肌膚保養品，是日間保養的最後一道程序
白色霜狀的遮瑕膏看似很難推開似的，但只要沾少少稍微推一下就可了
塗上後有皮膚有柔和啞光的效果，粗大毛孔稍微遮蓋，油光感也降低，效果自然
不化粧的我也愛上它喔!!!

 
包裝好細心喔 ~ 兩邊有凹位方便開蓋

這是我第一篇試用文

如有錯漏的地方，請見諒

家姐第一次任花女

平日去飲宴，我家兩隻小魔怪很少著到咁隆重

但今次家姐獲邀任花女，當然要著到咁靚靚

而細佬梗係要襯番家姐仔喇

呢兩日去了兩個婚宴，我覺得由花子花女帶領出場的畫面及氣氛真係靚好多
~ 各位 plan 緊婚宴的 sis 不妨考慮下
攞住個花籃，一路行一路拋花瓣咁簡單 ~ 完全難唔到家姐仔

今日的 wedding gift 好 cute 的 ~

最初以為裡面是朱古力，原來是心形的禮餅

好開心 ~ 成為 fnb 11月份「10大最精采網誌」

真係好開心呀!!!

我篇網誌 "土瓜灣法國菜 ~ Cinque Sensi"
http://www.fnb.com.hk/blog/space.php?uid=13012&do=blog&id=2752

有幸成為 fnb  11月份「10大最精采網誌」之一

多謝 fashion & beauty ~ 多謝各位聽我的牢騷

最初寫網誌只為記下日常的生活點滴，真係冇諗過可以得奬的

呢份奬品成為我寫網誌的推動力，我會繼續努力 ~~ 希望可以羸多幾份禮品

原來兩年前已經相遇 ~ Aqua Label 膠原保濕面膜

成日覺得最近城中熱賣的 Aqua Label 赤之保濕 Moist Charge Mask 個 packing 好面熟

原來 ... 我曾經買嚟用過的 ~ 果然冇記性

原來 ... 係兩年前北海道的手信

考吓大家眼力 ... 搵到 ... 冇奬

登 ... 登 ... 登 ... 咪就在呢度

呢 pack mask 本來買比傻爸用的 ~ 我梗係買 D 貴野 LA

但最後呢 pack 都係比我用埋喇!

好開心 ~ 第一次抽中試用

好開心呀! 第一次抽中試用 ~ 多謝 theZtyle 及 Aqua Label

今日收到 theZytle 打嚟的電話仲以為自己聽錯

好開心呀 ~ 仲要中左我最想試的 Group 2

放工即刻去 TST 攞試用，在個商場行左兩個圏至搵到間舖

梗係啦 ~ 一路都以為在化妝品店換的，原來個係間賣鞋及袋的店舖

可能我係最早果批去換，佢地矇查查咁

又唔清楚每組試用品的 combination，差D比少枝乳液我 ~ 好彩我 print 齊資料去咋

另外，提提各位 sis.  print 埋張 email 去，唔洗到時慢慢 check 嘛!