Day 3 晚餐 ~ 清里 Estrellita Pension (30/3/2009 Mon.)

揀呢間 pension 的原因是間房有個天窗可以瞓係度睇星星

我地今晚住的 Estrellita Pension, 

由男女屋主 (我地稱呼 papa 及mama) 打理

由於3月是遊清里的淡季, 所以我地今晚是唯一的住客

pension 女主人 mama 好鍾意聖誕節, 所以 pension 佈滿聖誕裝飾

呢 d 咁可愛的裝飾是由 papa 用紅酒塞做的

晚餐幾豐富

我地住那晚是金牛座與月亮最靠近的時間

由於 papa 是觀星愛好者, 飯後借出私伙觀星鏡比我地觀星

 好開心呀 ... 見到滿天星星 ... 好靚的月亮

在3月30日的傍晚的时候,月龄4的细月和金牛座(M45,すばる)靠近。

甚至肉眼好象能够被看见,但是如果使用双筒望远镜的话

星的数量增加,被和月的地球照一起精彩地观察吧。

双方天体的间隔,时刻恶化,随着月变得低变得小,

并且昴星团 (金牛座) 的食品死去以后月起来。

 

觀完星, papa 仲親自接送我地到玉女之湯浸溫泉 

(根據我地 plan 的行程, 冇諗過可以在清里浸溫泉

所以當 papa 提議飯後去浸溫泉, 我地當然舉腳贊成)

浸完溫泉, 食杯雪糕降溫先

浸完溫泉返到 pension 諗住返房費事阻住papa mama 休息

點知 mama 已經沖定綠茶等我地

雖然我地唔識日文, 但難唔到我地的, 我地用簡單的英語及漢字書寫一樣掂

清里 Estrellita Pension

山梨県北杜市高根町浅川267-25

電話（0551-48-3661)

http://www.eps4.comlink.ne.jp/~estrelas/

Day 3下午 ~ 日本鐵道最高點 ... 野邊山 (30/3/2009 Mon.)

野邊山站 位於 JR 小海線和舊鐵道交差點

標高 1,375 公尺

是日本鐵道的最高地點

四處皆設有石碑標示，是拍攝到此一遊的必到景點

野邊山側的蒸氣火車頭

Day 3 午餐 ~ 超市午餐 & Birthday 掃細佬衫 (30/3/2009 Mon.)

駕車去清里途中, 見到間超大的超級市場

去吓廁所, 疏吓骨, 食吓野, shopping 先

你睇人地日本人幾細心, 連小朋友的購物車都靚過人 ... 香港學吓喇

公主及反斗車王尿片褲好靚呀 ... 但好貴

Day 3上午 ~ 輕井澤 (30/3/2009 Mon.)

輕井沢的景色有 D 似 11 月的富良野

鹽沢湖

輕井沢繪本之森美術館

 教堂的前身是建於1921年的講學堂,  第二次世界大戰後修葺並改為現在的輕井澤高原教會。

1921 年，「藝術自由教育講習會」由當時的日本思想家內村鑑三、北原白秋及 島崎藤村等人創立

並興建了「星野遊學堂」。當時的星野遊學堂，是一眾文人討論思 辯、交換意見的地方。

第二次世界大戰時，星野遊學堂被迫荒廢。戰後，由於在當地甚具影響力的宗教思想家內村鑑三是虔誠基督徒，「星野遊學堂」就被修葺成現 在的輕井澤高原教會，

 因此現時教堂的大門上還可以看到「星野遊學堂」五個大字。 

整間輕井澤高原教會就是一個木造的大三角。由1974年開始，輕井澤高原教會第一次接受非當地信眾在教堂內舉行婚禮，自此成為不少日本人舉行婚禮的場地。

 

石教堂由美國建築師設計，在山坡旁邊順

自然環境而建，是希望教堂可以讓人有融入自然的感覺。

以石頭為主要建材，流線的外形在四周的草木中如一個小山丘般並不起眼。

 石教堂其實並不是單以石頭建成，還有教堂頂部用以連接石頭的玻璃。

據說，石頭代表男性，玻璃代表女性，取其兩者結合的意思 。

石 教 堂 的 大 門 口 在 北 面 ， 而 南 面 就 刻 意 闢 了 一 個 大 窗 戶

大大增加了室內的空間感 。

 光代表生命力，石教堂頂部的玻璃讓光線金光溜進來。

 

Day 3早餐 ~ 輕井澤 longing house 早餐 (30/3/2009 Mon.)

見到個自助 bar 枱, 以為又係好 "行" 的西式自助早餐

但原來只係果汁及沙律自助啫

之後每度菜都慢慢送上

真係好似食緊晚餐咁 ... 成個早餐嘆足成個鐘, 勁悠閒

怪不得日本人視輕井澤為情侶拍拖及蜜月的好地方, 更列為結婚的首選地點

Day 2 晚餐 ~ 輕井澤 Longing House & Shabu Shabu 放題 (29/3/2009 Sun.)

今日住的 pension 是 輕井澤 Longing House

最大的原因係比佢個晚餐吸引 ... All you-can-eat Shabu Shabu Dinner

一泊朝食 8,000yen 加多 1,680yen 就可以食埋 shabu shabu 放題, 勁吸引

longing house 的外型成間歐洲城堡咁

check-in 時坐係 sofa 嘆杯 welcome drink

間房幾大 ka, 有張大雙人床, 仲有個客廳, 打開個喼仲有大把地方

原來 Shabu Shabu 放題唔係在 pension 食的

攞住張 coupon 在距離 pension 十分鐘路程的餐廳食的

輕井澤的天氣比東京清涼, 又早天黑, 6 時成條街已經黑漆漆, 都係駕車穏陣

All you-can-eat Shabu Shabu Dinner 

有牛肉, 豚肉, 竹筒牛肉碎, 煙肉, 豆腐及烏冬, 蔬菜及年糕, 仲有一杯飲品

平時日式火煱係用清水湯底的, 第一次食用牛奶湯底

最初以為用牛奶涮牛肉及豚肉會好滯, 但原來唔係 ... 係特別鮮味的

不過, 我最鍾意食竹筒牛肉碎, 加左洋蔥粒 ... 好香好香 ... 好好食

Day 2下午 ~ 輕井澤 (29/3/2009 Sun.)

原本今次 plan 去大阪的

因我實在太掛住城崎溫泉七種唔同特色的溫泉及全蟹宴 

(有蟹刺身, 燒蟹, 蟹肉天婦羅, 煱仔蟹飯等)

但大阪機票遲遲都 confirm 唔到, 又貴喎

 

但去東京 shopping 又唔係我杯茶

咁啱在網上 search 到東京近郊 ... 

富歐陸色彩和風景勁靚, 兼有 "小瑞士" 之稱的輕井澤及清里 ... 

於是, 轉軚去多年再冇踏足的東京喇!!!

經過 2.5 小時車程, 終於到輕井澤了

第一個景點是聖保羅教堂 ... 亦是輕井澤舊街的代表景點

再到商店林立的舊輕井澤銀座通

午餐唔知食咩好

呢間餐廳個 look 咁靚, 門口又有位泊車, 就呢間喇!

嘩, 好貴呀 ... set lunch (湯, 頭盤, 意粉及茶) 2,100yen

好彩, 不單只好食, 個賣相仲好靚 ... 掛住食, 唔記得影相 tim

雲陽池及輕井澤街景

輕井澤Price Shopping Plaza是遠近馳名的超級名牌Outlet

有  levis, edwin, LL bean, nike, addidas 等

我地的戰利品

Day 2上午 ~ 池袋 日產租車 (29/3/2009 Sun.)

8 點起身諗住落去樓下飲杯果汁就去攞車

估唔到 D 早餐又 OK 喎

, 自助形式的，款式唔多，但樣樣我都想食喎

有嚟到日本勁鍾意食的飯團、軟綿綿的三文治、新鮮的蔬菜沙律、coffe / tea / milk

9,200yen 一間雙人房仲包早餐, 抵呀!

食飽飽, 真係去日產攞車, 行一陣就到喇, 車都唔洗搭

呢架就係將會陪伴我地四日的 CUBE, 好型仔的 ... 

仲好新 tim, 2009年3月車嚟

出廠唔夠一個月 ... D 日本人真奇怪, 租架咁新的車比你楂, 唔驚你嚡花撞凹喎

租左架新車, 心情都靚 D, set 好導航後, 就向輕井澤出發

傻爸駕車, 我梗係嘆世界, 欣賞吓景色 影吓相咁

 .... 點解有個雪山, 仲愈來愈近, 係咪富士山???

呢 d 路牌特登影比傑傑表哥, 佢好鍾意睇 "頭文字 d" 卡通片, 

妙義山就係拓海鍊車的地點, 其實仲有碓冰等, 但我動作太慢, 影唔到呀!!! 

沿途仲有好多休息站, 可以落車鬆吓, 去廁所同埋食野抖下咁

Day 1 ~ 香港 ♡ 東京 ♡ 池袋 (28/3/2009 Sat.)

昨日已經上網 check-in 及劃好靚位

去到機場在自助登記櫃位一嘟攞張 boarding pass

再去櫃位將行李寄埋倉, 就可以嘆個早餐

點解唔見左間麥當當?? 

去左 Burger King 食漢堡, 但太早食唔落, 傻爸自己食咋! 

頭先冇食野, 上到機好肚餓, 連個好 "行" 的飛機餐都清哂

好彩, 我揀個西式的煙肉蛋餐都 ok 

但傻爸話個雞飯勁唔掂

0925 hrs. 香港飛 4個小時, 再加 1 個鐘時差,  1425 hrs. 已經到東京成田機場 ~ 

好準時, 冇 delay

而家有張 suica 儲值車票搭車好方便

好似八達通咁, 入閘嘟一嘟就得

唔洗每次買車票咁煩, 便利店及自助飲品機都用得 3,500yen 一張

 

話左係為食遊, 去到邊都掛住食, 在機場都要買件飯團及茶坐車嘆先

去到池袋放低行李後, 有 d 肚餓, 

但在香港訂好 2030 hrs. 食的蟹放題又未夠鐘, 仲有 2 個鐘點解???

 

最好就係食兩件壽司頂住先, 但食開停唔到喎 ... 終於食了 3 碟 480yen

行吓藥房睇吓野, 好快就夠鐘食期待已久的 "三大蟹放題" 

120 分鐘任食松葉蟹、毛蟹及長腳蟹, 原價每位 5,500yen, 我地有折扣劵, 而家只要 4,980yen (約HK$400)

先嚟一碗枝豆及一碟蟹

有勁多膏的毛蟹、鮮甜的松葉蟹及蟹腳長過我隻手臂的長腳蟹各一隻

食完至可以再 order

我地兩個 total 食左 1 隻毛蟹、 2 隻松葉蟹及 2 隻長腳蟹 ... 返左本 ... 抵哂

除了蟹，仲有枝豆、汁燒帶子、蟹肉蔥蛋花粥及抺茶雪糕 

... 呢D唔係放題, 每人一份.

住宿:    東橫INN池袋北口第二

我地的 11 週年結婚紀念日就係在大吃大喝下度過了

long time no ... update

實在太耐冇 update 呢個  blog

同事 M 放左十星期產假, 呢輪頂埋佢的工作

開行 turbo 做 ... 做 ... 做 

真係日日做到冇停手 ... 

返到屋企個腦都停唔到落嚟 ... 人都蚊憎

除了工作之外, 完全唔想再對住部電腦

慘痛的日子終於過去喇!!!

同事 M 歸隊了!!!

又可以展開期待已久的東京近郊 8 天為食遊

... 順便慶祝我和傻爸結婚11週年