文利餐廳是一間街坊式的港式茶餐廳
儍爸一睇餐牌，見到他成日食的公仔麵茶餐，就即刻點了份叉燒公仔麵下午茶餐
叉燒公仔麵 + 火腿煎蛋 + 牛油方包 + 奶茶 ... 盛惠 HK$28 ... 又幾抵食
碗叉燒公仔麵賣相又幾得喎 !!!
好少見茶餐廳咁有心機砌到碗麵咁靚靚至上枱 ~~
上面仲有佷多蔬菜，湯底也較清不太味精，就算食碗公仔麵都覺得健康點 ~~
至於有選擇困難症旳我，睇見咁多下午茶餐都唔知食咩好 ????
終於點了老闆推介的『黑白西多士』+ 紅豆冰
成座山咁高的多士磚，加埋朱古力醬拌碟 ... 賣相真是好吸引 ~~
但是價錢仲吸引 ... 配埋飲品只是 HK$24 ... 轉飲紅豆冰好就要 +$$ (加幾多就唔記得 ???)
平時食西多我們都搶住食脆卜卜的西多士邊
但是這份多士磚粒粒四邊都是我們鍾意的脆卜卜西多士邊 ... 唔洗爭囉 !!!
西多磚較厚身，外面略脆，裡面麵包鬆軟有蛋香
上面的朱古力醬和煉奶也啱啱好，不會過甜
仲不會油淋淋，食多兩件都不會很油膩
囡囡的雞翼撈麵下午茶餐 HK$ 33
同樣有很多的蔬菜，仲有兩隻鹵得入味的雞全翼
公仔麵夠爽身，配埋瑞士汁一起食好好味，不過多點汁仲好味
囡囡仲 +HK$6 改配醒胃潤喉的咸檸七
文利餐廳
香港 九龍 佐敦 文蔚街 13-15 號 地下
** 以上分享是以我的口味、喜好和情況作出分享及感受，一試 / 合用與否請自行決定
沒有留言 :
張貼留言