每次美食博覽都吸引很多人入場掃貨
我們都唔例外 ... 今次入場的目標又是『榴槤』平時食開的 DurianBB 在美食博覽會場有新品種榴槤和新出的榴槤拉茶售賣，仲有優惠 ...
所以吸引到兩隻小魔怪陪我入場掃貨喇 !!!
但是人多車 (手拉車) 又多，帶住小朋友唯有先攻目標攤位，再戰其他
在目標攤位『榴槤 BB』帶了點戰利品返屋企慢慢嘆 ~~
一去到目標攤位『榴槤 BB』
兩隻小魔怪見到雪櫃裡面的榴槤果肉，雙眼即刻發光
雪櫃裡面 8 款馬來西亞品種榴槤，有些是最新引入，香港好少見的品種
我們好鍾意食的『貓山王』、帶酒香的『 XO (D24)』、果肉較實味道偏甜的『純種老樹』、
之前在浮羅交怡旅行日日食的『紅蝦』和『葫蘆』、肉質細滑清甜回甘的『紅肉』、
纖維較少口味大眾化的『金包』和苦中帶甜的『奶油包』
8 款咁多，真是好難揀 ...
最後，囡囡揀了個名好得意的『奶油包』
榴槤果肉已經拆了殼，用真空包裝處理，裝在食物盒裡面
在運送返屋企途中完全唔會洩漏榴槤香味，剪開包裝膠袋就食得，好方便又衛生
奶油包的榴槤肉是淡黃色，果肉圓碌碌、脹卜卜
口感軟滑無渣、味道清甜、回甘不會過濃，好啱我們的口味 ... 尤其是兩隻小魔怪
之前試過香濃的榴槤咖啡，現在出埋榴槤拉茶
在美食博覽會場試哂榴槤咖啡和榴槤拉茶 ... 深啡色的是榴槤咖啡 (左)，(右) 榴槤拉茶
因為上次入手的榴槤咖啡未飲哂，只是帶了新出的榴槤拉茶返去比儍爸試
四合一即沖包榴槤拉茶 ... 一袋裡面有 8 小包，獨立包裝
加水一沖就飲得，凍飲熱飲都咁好味
加了榴槤粉的奶茶 ... 好香濃的榴槤味，但又唔會蓋住奶茶味
兩隻小魔怪好鍾意的 D24 榴槤蓉現在升級了變成 ... 貓山王榴槤蓉
加入了貓山王榴槤果肉，味道勁濃又 CREAMY
除了有細杯裝，仲有埋用嚟整甜品的大杯裝
我鍾意小巧的細杯裝貓山王榴槤蓉，一杯份量啱啱好
用嚟整兩隻小魔怪至鍾意的多士磚配貓山王榴槤蓉，好味到連平時唔鍾意的麵包邊都食埋的
我們這一家榴槤怪，逛完美食博覽後翌朝就急不及待的就嘆了個好滿足的 ... 榴槤早餐
More Information :
DurianBB
Official Website http://durianbb.com/
Facebook Fans Page https://www.facebook.com/DurianBB/
** 以上分享是以我的口味、喜好和情況作出分享和感受，一試 / 合用與否請自行決定
沒有留言 :
張貼留言