要約班好友記出嚟食飯傾吓笑吓 ... 吸多點正能量
老友記話好耐冇食潮州菜，好想食滷水鵝 ...
一坐低即刻點了碟滷水鵝，一碟裡面有齊鵝片和鵝件
我至鍾意啖啖肉的鵝片，滷水汁不太濃但很清香，滷得又入味
除了嫩滑的鵝片，碟底的滷水豆腐吸收了滷水鵝和滷水吸的精華，特別好味
潮式蘿蔔灌漿的有點似以前在街邊食的炸蘿蔔餅
但是餡料就有點不同，潮式蘿蔔灌漿的餡料有蝦米、蘿蔔絲和唐芹
外面炸得香脆，裡面熱騰騰、軟軟的蘿蔔絲清甜美味
現在的天氣最啱飲碗去濕開胃的咸菜燉豬肚湯
女人唔補好易老
所以點了個有補血、養血和健脾的藥膳菜『紅棗烏豆豬尾煲』比自己
豬尾及烏豆吸滿甜甜的醬汁好好味，豬尾有滿滿的膠原，還有美顏功效呢 !!!
這班蟹痴又點可以少得了蟹呢 !!!
潮式糯米炒肉蟹 ... 好大隻的肉蟹，啖啖肉，食得好滿足
而蟹下面的糯米飯吸收哂蟹的鮮香，大家都爭著食
欖菜肉碎炒飯 ... 以蛋網包著的賣相好靚
飯粒炒得粒粒分明，夠乾身又不油膩
最後，當然要食埋甜品至完美的
花生糖糠湯丸 ... 圓碌碌金黃色很吸晴
煙靭軟糯的芝麻湯丸沾滿花生碎、芝麻和紅糖，啱哂嚐甜的我
百樂小館
香港 尖沙咀 彌敦道 132 號 美麗華商場 食四方 4 樓 4A1 - 4A2 號舖
** 以上分享是以我的口味、喜好和情況作出分享和感受，一試 / 合用與否請自行決定
沒有留言 :
張貼留言