仲記得 N 年前去的時候，黃埔灘剛好擴建 ... 現在變得幾靚
唔知幾時可以再去呢 ?
好掛住好好味的蟹粉小籠包 ... 儍爸就食埋我們果份 ... 我們唯有睇住相先
佢當然有買了點手信返嚟比我們喇 !!!
不過，我呢個蝸牛媽媽現在至有記得與大家分享
除了有我愛的碧螺春茶葉，還有幾款上海特產小吃
本來叫他買隻金華火腿番嚟的
變了云片糕 ... 白雪雪 ... 咩嚟的 ???
云片糕有個典故 ... 它的名稱原為雪片糕 ...
相傳乾隆王下江南時，有一天，一邊賞雪一邊吟詩吃茶點
無意中發現茶點中有種糕點，很像一片片平步青雲、飄飛的白雪
而且入口即溶，香甜而味美
於是為這款用糯米粉、白砂糖以及豬油、香料等製成的家傳小糕點揮筆題名
卻誤把『雪』片糕寫成『雲』片糕
食時，一片一片撕下就咁食
薄薄的一片，如雪花溶化，有淡淡的桂花香味及甜味 ... 我就覺得甜了點
但愛甜的囡囡就好鍾意，可以一邊看電視，一片一片的撕下來送入口
另一款 ... 一合酥 ... 也有它的典故
在三國時期，塞北進献曹操一盒酥
曹操提筆在上面寫了『一合酥』三個字
楊修將一合酥理解為一人一口酥，與大家分著食
一合酥類似龍鬚糖，邊拉糖絲邊包入花生粉同芝麻等餡料
口感好酥，一咬落去就碎，但好好味 ... 花生粉和白芝麻很香濃又不太甜
** 以上分享是以我的口味、喜好及情況作出分享和感受，一試 / 合用與否請自行決定
沒有留言 :
張貼留言