UA-44988812-1

My favorite post ~ 親子郊遊樂 ... 點滴揹水行2012 @山頂

2015年6月16日 星期二

率先品味 ... 堤岸酒吧及餐廳 ♡ 新派澳洲美饌

今年儍爸的生日撞正父親節當日
這日撇下兩隻小魔怪與儍爸撐枱腳兼提早慶祝生日


咁難得只有我倆撐枱腳
當然要揀間食物和服務都有水準、看到靚景又夠氣氛的餐廳



有鋼琴伴奏,又有靚海景 ... 咁就差不多喇 !!!



就連菜式都頗特別的 ... 澳洲菜

澳洲有延綿的海岸線和保護完好的自然環境
所以出產很多豐富的食材,尤其是香港人至愛的海鮮 ... 海鮮亦是我倆的至愛




有靚海景,又點少得美酒呢 !!!


第一道前菜 ... 薑味三文魚他他配香脆白飯魚蘋果沙律伴香草檸檬醬
菜名好長,但非常貼題,即是 ... 薑蔥蓉 + 三文魚他他  + 香脆白飯魚蘋果沙律伴香草檸檬醬
不過,中式的薑蔥蓉和西式的三文魚這個組合 ... 很特別喎  


食的時候,先將三文魚他他放在沾滿香草檸檬醬的生菜上
再將薑蓉放在上面,然後一啖放入口
即刻嚐到多層次的味道 ...
有檸檬醬的酸甜味、沙律的爽脆口感、脆卜卜的白飯魚、還有咸咸香香的薑蓉味道
連平時不太愛吃三文魚的儍爸,也食完一件又一件
估不到薑蓉除了與白切雞是絶配之外,配三文魚也不錯


第二道菜 ... 赫維灣海鮮鍋配紅花忌廉及蒜香多士

 澳洲一向以海鮮聞名,又點少得海鮮呢 !!!


但估不到這個海鮮鍋咁豐富,有很多海鮮 ... 龍蝦、大蝦、蟹、青口、帶子、魚和魷魚
這個不止海鮮鍋咁簡單,還是好鮮甜的龍蝦海鮮湯 ... 用咁多海鮮來熬製的湯喎,當然鮮甜喇!


這個紅花忌廉由番紅花混合薯蓉,就咁食無咩味道
但加落海鮮裡面就多了陣香味,可以將海鮮湯的味道提升


接著 ... 鮮蟹肉香草蕃茄手造闊條麵


這碟蟹肉闊條麵是心機菜嚟
除了蟹肉由人手慢慢拆出來 ...
闊條麵也是新鮮手造的 ... 與機做的很不同,特別爽口彈牙

闊條麵以蕃茄粒及鮮蟹汁煮過,吸滿鮮蟹汁精華
加上由隻半肉蟹拆出來的蟹肉,超鮮味


香焗野菌海石斑魚柳伴白酒紅花汁

賣相好特別喎 !!!

用膠袋包著的 ?! ?! ?!

膠袋不可以入焗爐喎 ... 會溶嘅 ... 會唔會焗好至入膠袋呢 ...


滿腦疑問之際,主廚 Chef Horace 為我們解答疑難
原來這個是不一樣的膠袋,可以抵受高溫,可以放入焗爐煮食的 ... 不會溶的
用它包著牛肝菌入爐焗,可以封住醬汁,讓魚吸收牛肝菌的精華,更嫩滑更入味


香烤澳洲和牛牛扒


切開了的牛扒看上去好 "生" 咁
原來是以低溫慢煮法烹製,可以保存食物的肉汁和口感
雖然肉是全熟,但仍然柔軟嫩滑, juicy 又 chewy

    

除了牛扒,配菜也幾特別
細細支的蘿蔔仔好可愛,而來自澳洲的薯仔富有薯香又不粉
還有兩粒焗過的獨子蒜


獨子蒜已經焗到變成醬
Chef Horace 特別叮囑我們將獨子蒜泥搽在牛扒上一起食
甜甜地的獨子蒜泥與牛扒好夾,一起食仲無咁膩


最後是甜品 ... 翩翩起舞 ... 個名好靚,七彩繽紛的賣相不錯

裡面有不同顏色的迷你蛋白餅、奇異果、橘子及野莓伴熱情果醬
酸酸甜甜的,清新又消膩的甜品 ... 食到再飽也可以吃清光呢 !!!

 


這晚咁豐富又特別的菜式是皇家太平洋酒店。堤岸酒吧及餐廳將推出的新菜式
主廚 Chef Horace 將美酒佳餚糅合亞洲傳統香料及傳統精隨,炮製的創意料理
遲 D 在堤岸酒店及餐廳就有得食喇 !!!

唔好話比儍爸知是 UBlog X 皇家太平洋酒店。堤岸酒店及餐廳贊助的

唔系又要請佢食多餐生日飯 ~~


More information :
皇家太平洋酒店。堤岸酒吧及餐廳 Pierside Bar & Restaurant
尖沙咀 廣東道 33 號 中港城 皇家太平洋酒店 海景翼大堂 高座


** Special thanks to UBlog & 皇家太平洋酒店。堤岸酒店及餐廳

** 以上分享是以我的口味、喜好和情況作出分享及感受,一試 / 合用與否請自行決定

沒有留言 :

張貼留言

Related Posts Plugin for WordPress, Blogger...

我的大魔怪‧小公主

我的小魔怪‧小王子