UA-44988812-1

My favorite post ~ 親子郊遊樂 ... 點滴揹水行2012 @山頂

2015年1月21日 星期三

又去了食泰菜 ♡ 今次試下 ♥ 昭拍耶

最近,友人推介這間『昭拍耶』泰菜館
他們話昭拍耶以前是九龍城出名的泰國菜館 ... 但已結業多年
外孫繼承外婆的衣鉢用舊鋪名重新開業 ... 其實已經開了一段時間囉 ...


大熱天等了成個鐘至有枱,要點些開胃醒神的冷盤消消暑先
平時多點柚子沙律,今日想試新野 ... 點了青木瓜沙律
爽脆的青木瓜絲、加上脆卜卜的花生粒及微酸的醬汁,味道清新又開胃,好適合盛夏的前菜




另一道是食泰菜必點的 ... 酸辣鳳爪 
我不太食得辣的,很多酸辣鳳爪都是一味辣,食一隻已經辣到頂唔住
這碟酸辣鳳爪是酸味之中透出清新微辣,個忍不住食過一隻又一隻,還很開胃呢



好耐無食的 ... 生蝦刺身 ... 原來是兩食的
蝦頭已經炸好,鬆脆可口
蝦身就是平時食的生蝦刺身,蝦肉爽口鮮甜

 

見廚房成日都出呢味 ... 泰式鐵板蠔餅 ... 應該都是鎮店之菜,一於點嚟試下
熱辣辣的鐵板一上枱已經聞到好香好香,未食已經加哂分
好足料 ... 不是用細細隻的蠔仔,D 蠔都幾大隻又肥美仲好多 tim
好夠味 ... 不須點醬汁都 OK,鍾意辣的點少少泰式辣醬仲好味


脆咸肉炒芥蘭
我最愛的泰式脆咸肉 ... 咸肉先炸至脆身,再加入芥蘭同炒,很惹味 ... 伴飯一流


青咖哩雞薄餅 ... 個汁一 D 都唔 "青" 的 ???  係咪嚟錯了 ...
食落去又唔是黃咖哩 ...
好濃的咖哩香味,但不辣,底部還有很多花生粒,愈食愈覺得似沙嗲
我就好 like ... 因為啱哂鍾意食沙嗲,又不太食得辣的我



除了以上食物,還有一杯龍眼冰
一行四個成人,是日晚餐消費 : 約 HK$440


** 以上分享是以我的口味及喜好作出分享及食後感,合用 / 一試與否請自行決定

沒有留言 :

張貼留言

Related Posts Plugin for WordPress, Blogger...

我的大魔怪‧小公主

我的小魔怪‧小王子