獲得 黃金海岸酒店。聆渢咖啡廳的雙人 香濃「辛」鮮自助晚餐 餐飲劵
無理由撇下兩隻小魔怪，只是我及儍爸去食的
所以自費多付兩位小童費用，就一家人開開心心去食大餐囉 !!!
聖誕將至，酒店已經換上聖誕裝飾 ... 好大個的薑餅屋及海綿寶寶呀 !!!
自助餐無分時段，時間由 6:30PM 至 10:00PM，可以慢慢食
食物款式很多，冷盤及甜品擺放在室內
戶外露天位置是即煮的粥麵、燒烤食品及窩夫
可選室內或池畔露天坐位
我們有小朋友當然揀了較暖和的室內位置
池畔露天坐位園林景色有暖火燈，又有 live band ，浪漫的氣氛好適合情侶
每位成人有一隻 冰鎮大連鮮鮑魚伴和風辣汁 ... 鮑魚 SIZE 都不細仲好彈牙
秋冬特飲 ... 每人一杯 ... 可揀泰國 SINGA BEER 或者凍青檸蜜
我們一家都不飲啤酒，全部揀了凍青檸蜜 ... 味道咸咸甜甜的，有點似咸柑桔蜜
先由冷盤講起，雖然無生蠔，但款式蠻多選擇
有長腳蟹、青口、翡翠螺、帶子、越南大頭蝦及海蝦
帶子在冷盤較少出現，肥美的帶子加了少少辣粉好特別
越南大頭蝦真是好大隻，與小巧的海蝦併在一起顯得更大
刺身款式也很多，有甜蝦、八爪魚、三文魚、吞拿魚、鯖魚 ...
最好就是不會每次限住數量及款式
可以一次過試哂咁多款魚生，不會每次拎幾件咁慘，排幾次隊至可以試哂所有刺身款式
煙三文魚、HAM ... 賣相及味道都不錯
Cheese Corner
BUFFET 的主題是香濃「辛」鮮自助晚餐
海鮮及刺身講過，輪到「辛」辣風味
極辣三文魚粒 ... 雖然個名是極辣，其實不太辣，這個微辣的醬汁及三文魚好夾
辣味海鮮串 ... 由魷魚仔、蝦肉及車厘茄串成，也是不太辣
血腥瑪莉青口 ... 血腥瑪莉生蠔就試過，今次換上青口一樣咁好味
大魷魚配特製辣汁
泰式辛辣風味 ... 由泰式沙律開始
接著到泰式紅咖哩燒鴨及水煮肥牛
越南的代表 ... 酸辣檬粉沙律及越南雞肉米紙配香辣汁 ... 酸酸辣辣的好開胃
辛辣風味當然不少得避風塘風沙海鮮 ... 有魷魚、青口 、三文魚腩及蝦 ... 香口又惹味
接著講下即席炮製美食的戶外露天燒烤區有咩食
好吸引的烤琵琶鴨
即燒乳豬 ... 熱烘烘剛出爐的燒乳豬皮脆肉嫩，好好味 ... 囝囝一個都可以食幾件
燒羊架 ... 羊架調好味才去燒，好入味，不點都不羶還好 JUICY
連囝囝囡囡每人都食了一件
燒大墨魚配泰式辣汁 ... 雖然泰式辣汁好辣 ...
但是好鍾意食大隻的墨魚，肉質夠厚身咬落去至會啖啖肉
泰式肉碎及煎雞心豆吞拿魚蟹肉餅
中東烤雞肉
估不到還有我愛食的燒菠蘿
燒烤區還有即煮的仿鮑魚粥
最後是甜品時間 ... 所有甜品都好精緻
全部都好想食，可惜真是食不下 ... 但是最終都拎了一碟
甜品方便都有辛辣風味 ...
泰式辣椒朱古力餅 ... 剛食落去不覺有辣椒，以為只是朱古力餅
一口一口食落去至有辣味滲出，濃濃的朱古力又有少少辣味 ... 好特別又好好味
辣椒牛奶朱古力奶凍
為食的囡囡以為是平時食的朱古力奶凍，偷嚐了一口即刻話好辣，點解朱古力奶凍咁辣 ~ ~
這杯辣椒牛奶朱古力奶凍有牛奶味又有朱古力味，還有辣味
creamy 得嚟又夠辣，好味到好想食多杯
薑味南瓜批 ... 食得出裡面有很多薑蓉，口感有點似燉蛋
香濃「辛」鮮 ♡ 自助晚餐 ... 不是只適合大人的，小朋友也照顧周到的
這個專為小朋友而設的自助食物枱
全部都是小朋友至愛的食物 ... 蝦條、蝦片、動物餅、熊仔糖、可樂軟糖、朱古力豆 ...
枱的高度較矮，餐具也選用適合兒童使用的膠碗及膠碟
小朋友最鍾意學大人，他們自己也可以自己去拎食物
朱古力噴泉也是小朋友喜愛的 ... 囝囝囡囡自己弄的朱古力水果及朱古力棉花糖
還有小朋友及大人都鍾意的雪糕 ... 朱古力、藍莓及開心果味都是我們至愛的
最 surprise 都是還有小丑哥哥扭波波
** 多謝 blog.ulifestyle.com.hk「U Blog x 黃金海岸酒店 體驗冬日熱情饗宴」活動
** 以上分享是以我的口味、喜好及情況作出分享及感受，合用 / 一試與否請自行決定
沒有留言 :
張貼留言