惠康就嚟有公仔換 ... 史力加 x DreamWorks 好友大頭公仔系列

昨日是家姐仔的生日
我和傻爸特別請了半日假期同佢慶祝生日
今年的生日活動都好特別的 ... 有史力加同佢一齊慶祝

我邊有咁利害 ... 邀請到史力加同家姐慶祝生日???
其實咁啱今日有幸獲邀參加 惠康獨家推出全亞洲首套「史力加與DreamWorks好友」大頭公仔新聞發佈會‏

惠康獨家推出全亞洲首套

大頭公仔系列

  去到發怖會 ... 除了有傳媒外，仲有 bloggers 及小朋友們
每人有一份好醒神、紅卜卜的資料夾
裡面當然是今次發怖會的資料

我呢兩隻企唔定的小魔怪 ... 點會乖乖地等
貪玩到跟住爸爸跳舞

玩了一陣之後 ... 發怖會就開始喇

發佈會的佈置好卡通
好多夢工場的的卡通電影《史力加萬歲萬歲》《荒失失奇兵》《功夫熊貓》

今日的司儀是新城電台的 DJ BOB
他的衣著勁襯今日的活動 ... 黃色 T-shirt + 紅色波鞋 = 惠康超級市場的 logo 顏色

今個暑假，惠康響應暑期世界級猛片史力加熱潮
獨家呈獻全亞洲首套、亦是唯一一套「史力加與DreamWorks好友」大頭公仔
幾位小朋友及史力加好友大頭公仔行住 catwalk 進入會場‏

一套 8 款的大頭公仔，每款公仔全長 7-9 吋，size 剛好可放入小朋友的背囊比佢地帶出街；又可以帶埋佢地去旅行，都是影相的好拍擋；或者放在辧公室在枱頭擺設。

• 今年暑假上映的《史力加萬歲萬歲》主角史力加、驢友、貓貓及薑餅人
• 《荒失失奇兵》的獅子阿力和斑馬馬提
• 《功夫熊貓》的熊貓阿寶和飛虎女

在惠康購物每滿 HK$60，即獲印花一個 ... 50 個印花可免費換領大頭公仔一隻

印花將會在今個星期五開始派發 (即由 7月9日至 9月16日)

呢個全亞洲限量版 20 吋超大頭史力加公仔 ... 係咪好想要呢??
它是今日玩戲環節的禮物 ... 問題我全部都識答
... 可惜冇我份 > . <

唯有寄望另一個送現金卷環節 ... Bingo Game ... 又落空了

好彩 ... 仲有一份大會送贈的紀念品 ... 多謝惠康
家姐勁鍾意呢隻《功夫熊貓》的熊貓阿寶
仲話佢地兩個同一日生日喎 ... 昨晚仲要攬住牠瞓

點少得同今日的出席嘉賓 史力加先生合照

有興趣的朋友
記住由今個星期五起上惠康掃貨 ... 換印花喇

我家公主今日生日 ... 又大一歲喇 ~~

我家公主今日生日
之前佢已經話想搞個生日會，同班親朋一齊慶祝
仲話想要一個好靚的公主生日蛋糕 ... 好似呢個咁 ↓

但呢個 3D 公主生日蛋糕要成 HK$700 ... 佢 4 歲生日已經訂過一個喇
---------------------------------------------------------------------------------
家姐 4 歲生日會，可以去呢度重溫
http://hk.myblog.yahoo.com/estertingho/article?mid=1479
------------------------------------------------------

由於家姐生日當日是星期二
表姐及表哥們要返學，不可以同佢慶祝
所以表姐提議提早在星期日同表妹仔慶祝生日
表姐一早買好生日蛋糕收埋屋企
我們一家只是話去表姐屋企玩 ... 保持神秘 ... 唔同家姐講慶祝的事
到佢玩玩下遊戲

我地拎個蛋糕出嚟 ... 唱生日歌
佢成個呆左 ... 不知所措 ... surprise

我覺得呢個 Italian Tomato 的 Chocolate Mousse Cake 好食過 Awfully Chocolate 個蛋糕
D 朱古力冇咁甜 冇咁膩 又有幾粒士多啤梨 ... 食多兩件都冇頂住

she.com x BIOTHERM 溫泉美肌透亮系列工作坊‏

今次是我首次參加美容工作坊
很榮幸獲得今次的邀請 ... 多謝 she.com 及 biotherm
讓我學到更多正確的護膚心得


今次工作坊的地點是 Biotherm 的 Training Centre
所以有很多 Biotherm 的產品 ... 連男士的護膚都有耶

今次的工作坊大約有 30 位 bloggers ... 都是平時在網絡上交流心得的朋友仔
以小組形式進行 ... 枱上已經準備了一些用具 ... 用嚟做咩呢???

she.com x BIOTHERM 溫泉美肌透亮系列工作坊 ... 開始喇
‏
首先，介紹今次的主角 ...
Biotherm 的皇牌產品 ~~
58 年的溫泉護膚經驗
全球銷售超過 23,000,000 花瓶、全球每 15 秒售出 1 瓶的

Aquasource Non stop (GEL) 溫泉全效保濕凝膠

全球每 15 秒售出 1 瓶 ...咁犀利
因為它內含的 Aquakeep 超鎖水微粒具有超強鎖水功能
能吸取比自身多 1000 倍水份

我地仲即場做了個實驗 ... 體驗 Aquakeep 超鎖水微粒的神奇鎖水功能

首先，將 Aquakeep 超鎖水微粒粉末加水

.... 變成啫喱狀
Aquakeep 超鎖水微粒粉末把水牢牢鎖住於樽內 ...
如果在皮膚內， Aquakeep 超鎖水微粒也把水份鎖緊於皮膚內

體驗完 Aquakeep 超鎖水微粒粉末的神奇鎖水功能
而家 ... 要體驗 Biotherm 的皇牌產品

AQUASOURCE SKIN PERFECTION

溫泉美肌透亮潔面霜 AQUASOURCE SKIN PERFECTION Cleanser
溫泉美肌透亮潔膚水 AQUASOURCE SKIN PERFECTION Lotion
溫泉美肌透亮保濕霜 AQUASOURCE SKIN PERFECTION Cream

未試新產品前 ... 用膚質計測試我的皮膚 (手背) 質素作比較

水份 water : 40 % 正常 (3 級)
滋潤度 oil :  非常足夠 (5 級)
柔滑度 cells : 一般 (3 級)

溫泉美肌透亮潔面霜內含藍色的天然淨膚微粒，為肌膚每天輕柔去角質

溫泉美肌透亮潔膚水

溫泉美肌透亮保濕霜柔滑的雪芭狀保濕霜，蘊含3500萬AQUAKEEP™超鎖水微粒，強效鎖水

試用新產品後 ... 再用膚質計作比較

水份 water : 44 % 足夠 (4 級) ... 水份升了一級，注滿水了
滋潤度 oil :  非常足夠 (5 級) ... 滋潤仍然 keep 到最高狀態
柔滑度 cells : 柔滑 (4 級) ...柔滑度升了一級，由一舨變為柔滑

工作坊完結後，送每位 blogger 一份禮物 ... 係咩????
當然是剛體驗完的超鎖水 Biotherm 的皇牌產品 ~~

好心急試用  ....
想知道我的 Biotherm 溫泉護膚神奇鎖水體驗
就要留意一星期後的試用報告

終於有得試箭牌洗護水 ~~ yeah

最近 FB 真係好旺我 ... 所以我咁鍾意玩 FB 的遊戲及抽奬
玩之前都冇理過有咩禮物的 ... 只是慣性地玩的
哈 ... 哈 ... 又比我中一份禮物
嘩 ... 我想試好耐的 ... Mane'n Tail "箭牌" 洗頭水及護髮素
好好呀 ... 份禮物寄到上門的

除了有 3 套洗護髮試用裝，除有支潤手霜

朱古力誘惑 ~~

女士們對朱古力真係又愛又恨
愛它甜蜜幸福的感覺 ... 但又恨它令我地變肥

有了它就唔會令我地變肥 ... 又可以感受到朱古力果種甜蜜幸福的感覺

SENSATION chocolatSENSATION chocolat 一個創新的美妝品牌，甜而不膩的可可香味，及溫和不刺激的天然成份，讓SENSATION chocolat 一上市即造成歐洲市場的熱烈迴響，在法國、英國、比利時、瑞士、西班牙等國，都受到極高的評價。

『可可』是上帝賜予人類最棒的禮物。『可可』內含豐富的多酚、維生素及礦物質等，是最天然的抗氧化劑，能讓肌膚保持明亮水嫩感。

部份資料來自官方網頁 可參考 www.cheerycare.com.hk

牛奶可可幸福沐浴乳/牛奶可可甜蜜幸福乳/可可蜜油 30ml@ (HK$300)Shower gel / Body Milk / Message Oil 30ml@

牛奶可可幸福沐浴乳 Delices O Chocolat (Shower Gel)
香味選擇：黑巧克力／牛奶巧克力／薄荷巧克力／柑橘巧克力／榛果巧克力
主要成份： 可可Vegebios ®、咖啡因、鐵、鎂等

我呢支是 ... 牛奶朱古力味
好似食落肚的朱古力一樣，有5 種口味咁多，實有一款啱你 ~~

啡色的沐浴乳 ... 不只質感及顏色同朱古力奶一樣，又散發一陣濃濃的朱古力香味

只須 5 角硬幣的份量，已經可以打出精緻的泡沫，沐浴後全身散發清淡的巧克力香味

牛奶可可甜蜜幸福乳 Chocolat O Lait (Body Milk)
香味選擇 : 黑巧克力 / 牛奶巧克力
主要成份 : 可可油、蘆薈、Silicone SF、Dimethicone等

我呢支是 ... 黑朱古力味

乳液的質感較沐浴乳濃稠少少 ... 也散發著濃濃的朱古力香味，清爽不黏膩

牛奶可可蜜油 Nectar O Chocolat (Message Oil )
主要成份：可可油、處女芝麻油、杏仁油等
針對肌膚：適合所有皮膚類型，尤其是粗糙，乾燥的皮膚。(孕婦也適合使用)

建議使用方法：
用法一：作為按摩油使用，於洗澡或淋浴後塗抹全身，輕輕按摩肌膚如絲般柔軟。
用法二：作為沐浴添加劑，加到水中創造一個豪華的、滋潤的沐浴體驗。
用法三：作為修護治療乾燥或受損的頭髮之用。

雖然是液態油，但一點都唔油膩，清爽得嚟又夠滋潤
 ... 啱哂用嚟急救我對乾裂的雙腳，今夏至有對靚靚腳見人

總括來說，勁愛呢套朱古力沐浴套裝 ...
不單顏色及質感同朱古力一樣，連香味都勁似 ...
真係滿足到我呢種又愛食又怕肥的人 ...
以後日日食朱古力都唔怕肥喇 !!!

零食推介~~ Muji 無印良品

昨日介紹了一款夏日消暑良品 ... 果茸冰

今日再介紹另一款夏日消暑良品 ... 果汁冰棒

相信呢款果汁冰棒好多人都食過 ... 唔使再介紹喇

但佢特別之處是 ... 100% 果汁 ... 不過亦都貴了少少 HK$3X 得 10 支咋

我叫細佬拎住包冰棒影相啫 ... 佢伸條脷仔出嚟舔包冰棒 ... 呢個細佬真係為食到呢

家姐就至愛呢包蝦片 ... 仲要即刻拆開嚟食

爸爸的至愛魚條和提子朱古力

小魔怪的啫喱飲品

夏日消暑良品 ... 意式熱帶果茸冰

昨日真係好熱
梗係去冷氣夠 人又少 地方又大的商場逛 ... The Elements 圓方商場
泊完車，咁啱一入商場就係 Three Sixty ... 咁啱又有個好吸引的雪糕櫃
更吸引的是呢款果茸冰 HK$6.90
細佬的菠蘿+椰子 ‧ 家姐的芒果+椰子

原來呢款果茸冰全天然成份，採用源自水果的純果茸及果汁，不含人造色素、不含防腐劑、不含人造調味料，不含牛奶 (適合對乳糖的敏感者食用)

兩隻小魔怪食得咁滋味，就知好好食喇 ... 我都係食到幾啖咋
真係好好食 ... 好有果汁味，少少椰子味，唔似一般的唧唧冰咁冰咁硬，淨係啜冰凍的汁；呢款果茸冰質感好較軟，可以用匙羮嚟食 ... 好冰凍好消暑

咁好味，兩支邊夠喉的 ... 買多盒返屋企慢慢嘆
椰子 + 粉紅色番石榴味果茸冰 Smooze fruit ice (一盒 10 包) HK$54
溫馨小貼士：
如果想去買的話，千析唔好去雪糕櫃搵，呢盒果茸冰唔係放雪糕櫃的，就咁放在普通貨架的。推廣員話如果唔雪冰都可以當果汁飲，如果放冰櫃 15 小時，就變成果茸冰。
買多兩盒拎住慢慢 shopping，再返屋企都唔怕溶喇。

\