奇跡之美味 ~~

HK$19 兩片方包 ... 你又捨唔捨得買呢???
我都唔捨得的 ... 但我家男人就會捨得買囉
不過，自從試過之後 ... 就愛上了它了
仲要試埋堂食 ... 係咪仲好味!!!
奇跡之美味 ... 係咪好吸引呢???

 
博洛尼亞多士餐 HK$40 ... 一片邦洛尼亞多士 + 凍朱古力奶
此店的招牌多士 ... 81 層丹麥麵包，其實是烘到熱騰騰、質感鬆軟的厚多士
外脆內軟、食落有牛油的酥香及蜜糖的甜蜜蜜，不須再加添任何牛油或果醬都好好味
好 D 似牛角酥 / 千層酥咁

咁好食的士多一片當然唔夠喉
博洛尼亞多士餐 追加一片多士 +HK$18

卡邦尼煙肉意粉餐 HK$70 + HK$13 ... 卡邦尼煙肉意粉 + 抺茶泡沫咖啡
卡邦尼煙肉意粉 ... 較清淡的白汁，好有口感的意粉，至怕煮得太淋的意粉
至出色的當然是外脆內軟的千層酥皮多士

抺茶泡沫咖啡 Green Tea Latte
餐飲只包熱飲及咖啡、奶茶或檸茶，凍飲 +HK$2，這杯特飲要另 +HK$13
綠氣迫人，賣相超靚，好濃好香的抺茶味，勁奶，冇咖啡味
但係好好飲 ... 我鍾意 ... 仲冇記住要襯熱飲

照燒雞扒三文治餐 HK$82 ... 照燒雞扒三文治 + 凍奶茶
外脆內軟的招牌麵包夾著爽脆生菜絲、碎蛋沙律醬及照燒雞扒，好豐富的口感及味覺享受，絶妙的配搭
在日式西餐廳真的不宜點凍奶茶 ... 超淡的凍茶加奶加糖水，一睇到知唔掂

博洛尼亞日式西餐廳 BO-LO'GNE Japanese Bakery Cafe
尖沙咀廣東道17號海港城海運大廈3樓1號舖