時間無多，搭捷運落西門町買完手信就要返酒店取行李去機場了
蜂蜜苦瓜汁好好飲 ... 個哥哥仔的廣東話好流利的，
又話加青瓜會更好飲，但我覺得下得太多青瓜了，下次都是不加青瓜了
呢碗阿宗麵線是昨日去完木栅動物園在忠孝復興SOGO對面的分店食的
記得幾年前，第一次嚐阿宗麵線是在西門町的老店，各人棒著熱騰騰的麵線站在店前吃著，極滋味
多年後的今日，麵線味道依舊 .. 好味
最好的是呢間店有電視睇，有冷氣嘆及可以坐著食，但不要期望太高，
只是好簡單咁有幾排長椅 (冇檯的)，依然是自助形式，買完食物後，棒著坐在長椅食
掛住食，差不多食完至記得影相
【黑橋牌特製豬肉乾】必買手信
【海苔肉酥】買比兩隻小魔怪拌飯食的
【太陽餅】我都未食過，是朋友指明要買的。
它跟香港的老婆餅有點相似，圓圓的外形，鬆化的酥皮，煙韌的軟餡。
不同的是老婆餅的餡料是冬瓜蓉，太陽餅則是麥芽糖，而酥皮的製法亦有點不同。
想食最正宗，最新鮮，最鬆化的太陽餅，便要跑到它的發源地兼生產地 ... 台中。
【BBQ 珍珠香腸】精挑新鮮優質CAS豬後腿肉，
以傳家配料自然醃製12小時以上，不摻粉、不加色素、拒絕防腐劑，
真實呈現飽滿肉質的原產風味，並採用三分肥、七分瘦的肉質比例充填，汁香味美口感十足，
特製圓潤珍珠造型，美味又討喜！
【台灣原味黑豬肉香腸】選嚴彈性極佳的黑豬後腿肉，
加上黑橋牌五十年傳家配料醃製而成，
並採2分肥8分瘦比例充填，大塊肉口感紮實咬勁絶佳，香甜原味～
本來冇打算買鞋的，但行過見到呢間 Birkenstock 專賣店的鞋款真係好多好齊，唔抵得入去逛吓
順手攞對拖鞋試穿，發現著了N年的白色拖鞋的鞋底已經磨蝕得非常厲害，順便買過對新鞋先
橙色又幾好睇喎 ... 仲送了一個拖鞋形的鎖匙扣
沒有留言 :
張貼留言