UA-44988812-1

My favorite post ~ 親子郊遊樂 ... 點滴揹水行2012 @山頂

2008年7月30日 星期三

@海洋公園

今日特登請假帶埋家姐同爸爸的同事們去海洋公園玩

爸爸公司幾好呀!!
話上半年業績好, 全公司放一日假去主題公園玩
送一日假不特止, 仲包入場票、車費及午餐, 最正係比多 $200 零用錢買野. 

雖然, 成日見爸爸日做夜做, 返到屋企仲要對住部電腦係咁覆 email, 真係好辛苦
好在公司都識做, 奬勵吓員工.

一早係海洋公園門口集會, 估不到閒日的星期四都咁墟冚, 人山人海

係門口已經比個熱氣球吸引好想坐, 但因大風關係暫停

唯有轉去隔離的熊貓館搵樂樂及盈盈
以為去迪迪尼至玩貼紙儲, 原來去海洋公園都興 ~~ 功夫熊貓貼紙及畢業證書
之後, 諗住坐纜車去山睇海豚表演, 排成個鐘喎, 咪去番門口坐免費 shuttle bus 去大樹灣入口坐登山電梯.  回程時再坐纜車.  E, 大樹灣入口就係夏季主打 "武林夏水令", 期中泡泡派對好似好好玩, 家姐睇到其他小朋友係泡泡池玩得好開心, 唔捨得走, 但又唔敢玩 ~~會玩到濕身KA, 有興趣玩的話, 不妨帶埋泳衣.
午餐 ~~ 灣景餐廳, 本來以為揀間餐廳食晏, 可以舒舒服服嘆吓冷氣食返餐好的兼休息吓, 但原來呢間餐廳冇人 serve, 要自己排隊比錢買野攞返位食, 好似快餐店咁 ~~ 但價錢比快餐店貴好多, 一D都唔平, 好彩 D 野好好食補番數!
  食飽飽家姐就 zzz, 抱住家姐去隔離的水母館參觀, D 水母好靚呀!!!
  抱住個大冬瓜, 費時周圍逛, 寧願早些坐低等.  雖然海洋劇場 3:30 至開始, 我地 3:00 去到已經坐滿咁滯, 要坐側邊唔係咁好的位.
海洋公園的安排又幾好喎, 海豚表演前有韻律泳表演, 係我地諗住呆坐的半個鐘可以睇到咁精彩的表演.  家姐 d 時間夾得仲好, 一聽到韻律泳表演的音樂就瞓醒.
  海洋劇場的海豚表演多年冇睇一樣咁精彩, 但爸爸話冇左殺人鯨失色左少少
家姐幾大胆呀, 坐纜車一d都唔驚.  我反而有少少驚, 當架纜車駕到中段停了一陣唔郁被風吹到搖擺時, 真係有 d 驚, 但家姐仲係度笑.
 
其他人玩到攰返歸, 我地一家去埋兒童王國 ~ 玩家姐至愛的旋轉木馬
  細路仔好易滿足, 比個遊樂場及滑梯就玩到唔願走 ~~ 傻囡, 去是但一個遊樂場都玩得啦, 嘥時間呀!!!


沒有留言 :

張貼留言

Related Posts Plugin for WordPress, Blogger...

我的大魔怪‧小公主

我的小魔怪‧小王子